2 Timotay 2:2 - Seysyo No Tao

² Ahapen mo o nanao a nimamizing mo jyaken do tangain da no aro a tao a inanao mo so milamdam mo a makdeng so nakenakem a tao a kananao da so icyatatao da.

2 Timotay 2:2 ပူးပေါင်းရင်းမြစ်များ

Matay 13:52

Maniring si Yeso am, “O mangnanao no iwawalam ni Ama ta do to a tao a kapacikaop na rana do italamozong ni Ama ta do to am akman so katenngan a tao a aro so peymeymasaodan. Ta beken a o adan a nanao o katenngan na a ipangnanao, ta katenngan na o vayo a nanao ni Ama ta do to a patwawen.”

Matay 24:25

No makwa am manakem nyo o ko rana nipaziman jinyo a ciring eya.

Locya 12:42

Maniring si Yeso am, “Sino o ipeyhanhan a tey mapatak a lamlamsoy. Iya rana am ipeyhanhan no lawpan a omaponged no vahay na do kapeyyangangay na so isovo da kanen no karwan no lamlamsoy na.

1 Kedinto 4:2

O kakzeben no lawpan do lamlamsoy na am manoyong so onowned.

2 Kedinto 2:14

Am yako isaray ji Ama ta do to, ta yata na macikaop ji Yeso Kizisto. Ta na niharag rana ni Yeso Kizisto o raraten. So ta ikanoyong rana a macizanod ji Kizisto a nimakata. So da ipakateneng rana ji Yeso no tao, do ta kalivolivon no Mapasaray a Ciriciring na ni Kizisto.

2 Kedinto 3:5

Am beken a namen pangozayan o oyowyat namen a yamapeyvazay so sya. Ta o yakapwan no oyowyat a kano teneteneng namen a yamapeyvazay so sya am yapo ji Ama ta do to.

Kelosi 1:7

Nyo nimahap o pangangarilawan na ni Ama ta do to ji Ipava a kararay namen a yaji mapasaklang do vazay ni Yeso Kizisto.

1 Timotay 1:12

Ko tey saray ji Yeso Kizisto a Panirsirngen ta. Ta nipanta na yaken so oyowyat ko a meylimwang nya. Ta na ji ngolala yaken. Ori na nipamnekan jyaken a mahap so vazay na.

1 Timotay 1:18

Manganako, mo Timotay, ko pakoyokoin pa jimo am ji ka onib so onowned an. Si myan so somengseng do ipeylimwang mo a ciriciring na ni Ama ta do to am naknakmen mo o mina kapamnek da jimo no kararay ta a meyvazay ji Ama ta do to.

1 Timotay 4:14

Ji mo to nazibwan o oyowyat na jimo no Seyzi a tomalamozong no kyokay. Ta ori rana am nitoro na jimo do kanimanlanlag da nimo no lima da ipeynozi no tomalamozong no kyokay, do mina kapamnek da jimo a mapeyvazay eya.

1 Timotay 4:6

No si vahangsowen mo o aro a vazay eya do akma moy kakteh do cinai am manoyong ka lamlamsoy ni Yeso Kizisto, do kakdeng no nakenakem mo a mapeyvazay so manoyong a nanao ni Ama ta do to a yameypahagnat so onowned rana ji Ama ta do to.

1 Timotay 5:22

Ji mo to minaknakman o kapamnek mo so tomalamozong no kyokay, ta citahen mo pa o iwawalam na, do kapya na, karahet na. Ta no si myan so raraten na am macilovot ka dang. Ji mo ablisi o apiya nakenakem mo.

1 Timotay 6:12

Makowyowyat ka omahap so vazay na ni Yeso akman so macipalayolayo a komakzeb so kangay na do pacipanmanma na. Ji mo to nazibwan o nitoro na rana jimo a to meyyonong a ikavyay no pahad mo. Ta ori o na agagazan no na nipamnekan jimo ni Ama ta do to. So mo na nipeylimwangan no nang do tangain no aro a tao. So ikanoyong no akman sang.

2 Timotay 3:10

Imo rana mo Timotay am mo na nyahap o nanao ko a kano icicirawat ko a kano ahapan ko so vazay do karawan a kano onowned ko ji Ama ta do to. Mo katenngan yaken a ji macimaza do vazay ko ji Ama ta do to a kano pangangarilawan ko so icyatatao ko.

2 Timotay 3:14

Am o mo nimahap rana yamanoyong a nanao am panekseken mo do onowned mo an. Ta mo katenngan sira o mo nipacinanawan an.

Sipolay 2:17

O peypeypangayan no kapeyngongyod na tao ni Yeso Kizisto am amyan rana so peyneynaran na sya do alalaw no tao do karawan a kapakateneng na rana do ahahapan na sya a marilaw nyaten a mapasyasi nyaten ji Ama ta do to, do ka iya na no ney manhama na mapatanatanang nyaten so nakem ta ji Ama ta do to. Am ori o ikanoyong ta na nivonas na rana ni Ama ta do to so raraten.