2 Timotay 2:1 - Seysyo No Tao

¹ Imo rana manganako am ahapen mo o na nitoro jimo ni Yeso Kizisto a pangangarilawan na, ta ori o ikowyat no onowned mo.

2 Timotay 2:1 ပူးပေါင်းရင်းမြစ်များ

1 Kedinto 16:13

Meytataziman kamo an. Makahadpet kamo so nakenakem a omraralay ni Ama ta do to. Ji kamo a nyahey.

Ivoso 6:10

Manga kakteh, oya rana am imanowji rana yako inanao jinyo. Inyo rana am ipeyhanhan nyo o rako a oyowyat no Panirsirngen ta a omzat jinyo.

Veydipi 4:13

Ta si Yeso Kizisto a yaomoyat jyaken am ori o ko ipakownong do ko ahahapan sya, do yameycyataretarek a ko masapa.

1 Timotay 1:18

Manganako, mo Timotay, ko pakoyokoin pa jimo am ji ka onib so onowned an. Si myan so somengseng do ipeylimwang mo a ciriciring na ni Ama ta do to am naknakmen mo o mina kapamnek da jimo no kararay ta a meyvazay ji Ama ta do to.

1 Timotay 1:2

Ko ipeyteygami imo, mo Timotay, akma koy manganak do ta kapeyyangay a omanoyong ji Yeso Kizisto. Inaoy no si itoro na jimo ni Ama ta do to a kani Yeso Kizisto o pangangarilawan na kano pangangasyan na kano ikapiya no onowned mo.

2 Timotay 1:1

Yaken rana am si Pawlo ko a lamlamsoy na ni Ama ta do to a nipamnekan na ni Yeso Kizisto a omlivolivon no ciriciring na. Yaken rana am yako ipeylimwang o mina ciring na jyaten ni Kizisto a ipakahap ta so to meyyonong a ikavyay no pahad ta a omraralay nya.

2 Timotay 1:2

Imo rana mo Timotay a akma koy anak am ko ipeyteygami imo. Inaoy si itoro na jimo ni Ama ta do to a kani Yeso Kizisto a Panirsirngen ta o pangangarilawan na kano pangangasyan na kano ikapiya no onowned mo.

2 Timotay 1:7

Ta o Seyzi a na nitoro rana jyaten ni Ama ta do to am beken a ikalma no onowned ta. Ta ikowyat no onowned ta kano iyan no pangangarilawan ta kano apiya pangtoktwan ta.

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.

2 Timotay 4:17

Am si Ama ta do to o yamyan do katangked ko a somidong jyaken a manta nyaken so oyowyat ko a meylimwang no ciriciring na do beken a tao do Yotay a kavyay na pa jyaken no kavovo da jyaken a wakwaken.

2 Pite 3:18

Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.