2 Timotay 1:4 - Seysyo No Tao

⁴ Ta ko manakem o kato mo na meykaooi asyo a pacisyayan ko. So ko toda ji ngamogi so kakeykai ko a makacita jimo. Ta jyabo kaji ko narayan a makacita jimo a.

2 Timotay 1:4 ပူးပေါင်းရင်းမြစ်များ

Yowani 16:22

Ori an, nyo ikakman sang an. Tana kamo marahet so aktokto sicyaikwaya am cyaha, ta mai ko pa tomita jinyo a kasaray nyo a makacita jyaken. So ikabo no tao a makapehes sya jinyo so sarasaray nyo.

Yowani 16:24

Sicyaikwaya am yanyo pa ji meyhanhanan o ngaran ko a mapasyasi ji Ama ta do to. So amin nyo sya an, ta itoro na jinyo. Am ori o ikanoyong nyo a tey masaray rana.

Nimlivolivon 20:19

Ko ji pahamaha o nakenakem ko do ko kahap so vazay na ni Ama ta do to. Tana peyrarehten da yaken no tao do Yotay, tana kalahen da yaken a zakaten am ji ko a mamman. O kapeyvazay ko so vazay ni Ama ta do to.

Nimlivolivon 20:31

Ori o apzatan nyo do onowned nyo an. Manakem nyo o ninanao ko jinyo a nimeykaoo ninyo an. Ta mina katlo a kawan ko a mangday so araraw a kano ahep a amnanao jinyo.

Loma 1:11

Inaoy si macita ko inyo a kananao ko jinyo a kowyat nyo na meyhanhan ni Ama ta do to, do kasidong na jinyo no Seyzi.

Veydipi 1:8

Katenngan na ni Ama ta do to o karilaw ko ninyo no pangangarilawan na ni Yeso Kizisto do kapaw ko ninyo. So ikanoyong no nya ciring.

Veydipi 2:26

Yateywara o apapaw na jinyo. Na ikarahet no onowned o nyo kapakamizing sya yameyngen so kataotao.

1 Tesalonicya 2:17

Manga kakteh, tana yapa jyownay o namen nikaro jinyo am namen ikapaw inyo. Tana namen ji macikaop jinyo am cyaha, ta yamacikaop jinyo o onowned namen. Inaoy no si mirwa namen pa makacita inyo.

2 Timotay 4:21

Imo rana am makeykai ka mai do jya, do yana ipeypamyan rana, ta marekmeh rana. Yopolo a kani Poteng a kani Dino a kani Kelawtiya kano aro a akma tey kakteh do cinai o yameyminaminasi nimo.

2 Timotay 4:9

Makeykai ka mangay do jya.

1 Yowani 1:4

O namen padketan sang do vakong eya am namen ikakza inyo a macikasaray jyamen.

Ipaziman 21:4

Linasan na ni Ama ta do to o kaoo da. Abo rana o mawakwak. Abo rana mazabab so onowned a kano amlavi so onowned a kano meyngen. So ikanoyong na rana komavos no mina vazay no kakwa.”

Ipaziman 7:17

Ta peyveyveknen na sira no meytatanek do sazapen no lilisnan a Kagling a kapangonong na nira yangay do atbodan no ranom a yakapwan no to meyyonong a ikavyay no pahad da. So ikanoyong ni Ama ta do to a omlinas do kaoo da.”