2 Tesalonicya 3:8 - Seysyo No Tao

⁸ Ji namen nimacyakakan do karwan no tao. Tana maraw a tana mahep am mangday kapeyvazay namen a omyaw no velek namen do kaji namen mamyapyan ninyo a masanga nyamen.

2 Tesalonicya 3:8 ပူးပေါင်းရင်းမြစ်များ

Matay 6:11

O kanen namen sicyaraw eya am itoro mo jyamen.

Nimlivolivon 18:3

So nipacivahay na jira macipeyvazay jira, ta meyyangay o vazay da mapakapkapya so vilad a vahay.

Nimlivolivon 20:34

Ta nyo katenngan yaken a yamowyat a meyvazay a omyaw no velek ko a yaomlam so kararay ko.

1 Kedinto 4:12

a yamowyat a yameyvazay a yamyaw no velek namen. So yanamen ikasangib a yada avain. Am namen ipeynozi sira. No yada peymetdehan yamen am namen to nazibwan.

1 Kedinto 9:4

Jyabo kanig ko a patodahan da no sinjya so kanen ko do kapeylimwang ko no Mapasaray a Ciriciring na ni Ama ta do to a.

2 Kedinto 11:27

Jingwan sang am masangib ko a ji makaitkeh do katey mazikna ko no kataotao. No makcin ko, mawaw ko, abo isanan ko, mahen ko am akman sira sang o ikarahet ko.

2 Kedinto 11:9

No keyyan ko pa jinyo do dang am tana amyan so ikeykakza ko am ji ko pa nimapasyasi jinyo. So ikamimin na apo do akma koy kakteh do cinai do Maciton no mapatodeh jyaken. Tana no kakwa am tana no makwa am akman sang. Jyabo kapamyapya ko no kataotao ko a ikazikna nyo a.

Ivoso 4:28

O nimangap so ahahapen no kakwa am ablisan na rana o panakawan na a kowyat na rana amyaw no velek na, makanakem so kapanidong na so makasi a tao.

1 Tesalonicya 2:9

Manga kakteh, naknakmen nyo o zikna namen do maraw a kano mahep an, do namen kalan so isovo namen a kanen. Ta namen ji myapya inyo a mazikna nyamen no isovo namen a kanen no kapeylimwang namen nya jinyo so Mapasaray a Ciriciring na ni Ama ta do to.

1 Tesalonicya 4:11

Makapya kamo so onowned do kadwan jinyo an. Ji kamo manamwad an, ta makowyat kamo a amyaw no velek nyo an. Inarahen nyo o ninanao namen pa jinyo no kakwa an.

2 Tesalonicya 3:12

O akman rana sang a tao am pangozayan namen o ngaran ni Yeso Kizisto a Panirsirngen ta a mapaziman sira. So ikowyowyat da pa a meyvazay a omyaw no velek da. Ji sira to manazovaz so icyatatao da.