2 Tesalonicya 3:4 - Seysyo No Tao

⁴ Namen ipeyhanhan inyo a sidongen na ni Yeso. Namen katenngan inyo a yajimtad a mapeyvazay so ninanao namen jinyo.

2 Tesalonicya 3:4 ပူးပေါင်းရင်းမြစ်များ

Matay 28:20

a kananao nyo sira a omahap so makakaday a yako ninanao jinyo. Am manakem nyo o kaji ko macisyayan jinyo a mangay do kaidan no karawan.”

Loma 15:14

Manga kakteh, ko anoyngan inyo a yapiya so yahahapan sya a yamateteneng a yamvavaga do kadwan jinyo.

Loma 15:18

O yamakdeng a yako ipanci am nioyatan na yaken ni Yeso Kizisto a yasomidong so beken a tao do Yotay a yaomanod ji Ama ta do to. Nisidong na yaken do makakaday a vazay a kano nipeylimwangan ko nya.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

1 Kedinto 14:37

No myan so tao a yamanci no kapangononong na so ciriciring na ni Ama ta do to a kano manci no keyyan no oyowyat na jya no Seyzi am naknakmen na o yadomket do teygami ko ya. Ta yamonganay ori ji Ama ta do to.

1 Kedinto 7:19

Tana niyongkadan a tana jya niyongkadan am meyyangay. O ney makdeng na am kownot ta ji Ama ta do to.

2 Kedinto 2:3

Am ori an o ko nipeyteygamyan ninyo, ta maraherahet o karahet nyo so aktokto no si makaranes ko jinyo. Ta yako ipeyhanhan inyo a yamapasaray jyaken no si mangay ko jinyo do dang. Ta ko anoyngan o sarasaray ko a sarasaray nyoo.

2 Kedinto 2:9

O peypeypangayan no mina teygami ko jinyo asyo am iskad ko do nakenakem nyo. Ta manngo paro sira, panoden da o nakem da jyaken an?

2 Kedinto 8:22

Am ori o namen ipanovoy so yasa ka mahakay a macihza jira. Iya rana am namen masangib rana yaileylamdamen so onowned. Am ori o namen pakatenngan jya a tey makdeng a yamanidong so tao. Am ori o na ikasaray so onowned a yasomidong jinyo.

Cyalatay 5:10

Am ko ipeyhanhan inyo, do ta kapeyyangangay a macikaop ji Kizisto. Yabo kapacitarek no nakenakem nyo jyaken a. O tao rana mapeyzavozavoz jinyo am mangay a meydedna jya o peyoyaoyyan na ni Ama ta do to.

Veydipi 1:6

Ko anoyngan o na kapeyvazay do onowned nyo ni Ama ta do to icyakma ney kanapnapan a ovid. Jyabo kakavos no nya vazay na jinyo a mangay no si komavos o akman sya no si ipirwa pa mai si Yeso Kizisto.

Veydipi 2:12

Manga kakteh, no kapacikaop ko pa jinyo am masangib kamo a omamizing jyaken. Am ori o ikakdekdeng nyo pa omahap so ciring ko do ikabo ko jinyo do dang an. Makapzat kamo an. Makowyowyat kamo a mahap so vazay na ni Ama ta do to. Ta ori rana am manoyong a vazay no nimamlis so nakenakem a tao.

1 Tesalonicya 4:10

Ko katenngan inyo a sinjya do Tesalonicya a yamarilaw no akma nyoy kakteh do cinai do Maciton. Am o namen pa ciring jinyo am makowyowyat kamo pa mahap so yapiya vazay ori an.

2 Tesalonicya 3:12

O akman rana sang a tao am pangozayan namen o ngaran ni Yeso Kizisto a Panirsirngen ta a mapaziman sira. So ikowyowyat da pa a meyvazay a omyaw no velek da. Ji sira to manazovaz so icyatatao da.

2 Tesalonicya 3:6

Manga kakteh, namen pangozayan o ngaran ni Yeso Kizisto a Panirsirngen ta a manci nya jinyo. Ji nyo nganopa sira o akma tey kakteh do cinai a abwata so vazavazay a yaji ngahap so nanao namen jinyo.

Veydimeng 1:21

Ko anoyngan imo a omamizing jyaken. Ori o ko vatvatkan do teygami ya. Ko katenngan o karo no vazay mo do pahanhanan jimo.