2 Tesalonicya 3:3 - Seysyo No Tao

³ Am yabo na kalalasan ni Yeso a Panirsirngen ta. Iya rana am ikakoyapet nyo so nakenakem a kaji na makagogadan jinyo ni Satan.

2 Tesalonicya 3:3 ပူးပေါင်းရင်းမြစ်များ

Matay 5:37

No meyzezyak kamo am manoyong am manoyong. No malas am todalas. No tey yaro rana o ciring am yapwan na rana no raraten.

Matay 6:13

Ji mo yamen amya kalittan. Apzatan mo yamen mo Ama do to, do kararatan do teyrahem. [Ta imo rana am ka tey mowyat a tey mazway a Tao do to a yatomalamozong nyamen a mangay do kaidan no karawan. Amin.]’

Locya 11:4

Vonasen mo o raraten namen akman jyamen a ji mapeyyan sya do onowned so raten da jyamen no icyatatao namen. Ji mo yamen amya kalittan.’ ”

Yowani 17:15

Ko ji ngakdaya imo sicyaikwaya a mahap sira do teyngato. Am ko kakzeben imo a amzat jira do vazay na ni Satan.

1 Kedinto 1:9

Abo kalalasan na ni Ama ta do to a nimamnek jinyo a meyhanhan nya. So ikanoyong nyo rana macikaop do Anak na si Yeso Kizisto a Panirsirngen ta.

1 Kedinto 10:13

O yana ilita jinyo ni Satan am yabo dang vayo. Am katey manoyong na ni Ama ta do to a mapahawa so ikarahet nyo a ilita na jinyo ni Satan. Ta oyatan na inyo ni Ama ta do to no littan na inyo ni Satan. So ikapiya nyo a ipeypalanginan na ni Ama ta do to a mahap so apiya vazay.

1 Tesalonicya 5:24

Si Ama ta do to rana a yanimamnek jinyo a omanoyong jya am yatey manoyong a makasidong jinyo.

2 Tesalonicya 2:17

Inaoy no si pasarain na o onowned nyo a kapait na jinyo a jyablis so nakenakem a mapeyvazay so meykamadadayan a apiya vazay a kapanci nyo no apiya ciriciring.

2 Timotay 4:18

So ikanoyong na ni Ama ta do to a mahap jyaken a komaro do kanginanawan ko do maciocioya jyaken a tao, mangay no si ahapen na rana yaken do teyngato. Inaoy no to meyyonong o kazwazway ta si Ama ta do to. Amin.

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

2 Pite 2:9

Am katenngan na ni Ama ta do to a pahawahen sira o jyablis so onowned a makanakem sya a tao do alalaw da. So ipakateneng na ni Ama ta do to do meyraraten a tao a pasingsingtan no marateng o araraw na no peykapyapinpinan na so tao.

Yota 1:24

Apzatan na inyo ni Ama ta do to a kaji nyo meyraratenan. So ikanoyong nyo a masaray a abo so karatan a mangay do tangain na ni Ama ta do to a macikazway jya.