2 Tesalonicya 3:16 - Seysyo No Tao

¹⁶ Inaoy no si mangday na itoro jinyo o ikapiya no onowned nyo ni Yeso Kizisto. Ta iya rana am kapwan no ikapiya ta no onowned. Inaoy no si macitovong jinyo si Yeso Kizisto.

2 Tesalonicya 3:16 ပူးပေါင်းရင်းမြစ်များ

Matay 1:23

“Amyan so ji meylimoteng so onowned a mavakes a mangalavat so mahakay. O ngaran na am Imaneydi.” O peypeypangayan na am, “Macilovot jyaten si Ama ta do to.”

Matay 28:20

a kananao nyo sira a omahap so makakaday a yako ninanao jinyo. Am manakem nyo o kaji ko macisyayan jinyo a mangay do kaidan no karawan.”

Locya 2:14

“Azwazwain takamo si Ama ta do to. Inaoy si itoro na jira do omraralay nya tao do teyrahem o ikapiya no onowned da.”

Yowani 14:27

Ko itoro jinyo o ikapiya no onowned nyo. So na ikanoyong a yapo jyaken no apiya onowned nyo. Am meytarek ori a kano ipanci da no tao do karawan ikapiya no onowned. Am ori an, ji nyo a raci so onowned. Ji kamo anyahey.

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

Loma 15:33

Inaoy si macikaop jinyo si Ama ta do to a yamanta nyaten so ikapiya no onowned ta. Amin.

Loma 16:20

Si Ama ta do to o yamanta nyaten so ikapiya no onowned ta. Makeykai na rana si Satan a haragen a kabo na rana no oyowyat na amlita jinyo. Inaoy si itoro na ni Yeso Kizisto a Panirsirngen ta o pangangarilawan na jinyo.

1 Kedinto 14:33

Ta o yaomoyat jira Tao do to am beken a yamapeyzavozavoz so vazay. Ta na twatontonen o vazay na. O iwawalam do peycyakyokyokayan na am,

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

Ivoso 6:23

Inaoy no si itoro na ni Ama ta do to a kani Yeso Kizisto o ikapiya no onowned nyo, a kazagoman nyo a yamraralay ni Ama ta do to, a kapanta na ninyo so manoyong a pangangarilawan nyo, a kakdeng nyo na so nakem a meyhanhan nya.

1 Tesalonicya 3:11

Inaoy si peypalanginan na yaten ni Ama ta do to a kani Yeso Kizisto a Panirsirngen ta a kangay namen rana jinyo do dang.

1 Tesalonicya 5:23

Ko ipeynozi inyo ji Ama ta do to a yamanta ninyo so apiya nakenakem nyo a kapzat na do onowned nyo a kano pahad nyo a kano kataotao nyo. So ikanoyong na amzat jinyo a kabo no karatan nyo a mangay do ikeypirwa na mai ni Yeso Kizisto a Panirsirngen ta.

2 Tesalonicya 3:18

Inaoy no si itoro na ni Yeso Kizisto a Panirsirngen ta o pangangarilawan na jinyo.

2 Timotay 4:22

Inaoy no macitovong jimo si Ama ta do to. Inaoy no itoro na o pangangarilawan na jinyo.

Veydimeng 1:25

Inaoy si itoro na ni Yeso Kizisto a Panirsirngen ta o pangangarilawan na jinyo.

Sipolay 13:20

Si Ama ta do to rana a yamanta nyaten so ikapiya no onowned ta am nipeyvangon na si Yeso a Panirsirngen ta do heseb na. Na rana nipangononongan ni Ama ta do to no rala ni Yeso o to meyyonong a pangozayan a ciring na. So na ikanoyong a tomalamozong nyaten aro a tao.

Sipolay 7:2

O ineynahap ni Apolahan a apzapzatan no kapeyyarap da am pasinahen na o asa vovonongan a itoro ji Mocisete. O peypeypangayan no ngaran ni Mocisete am “Ji mapeycyakaban so tao a panirsirngen”. Ikongo do panirsirngen da no Saleng, am ori o pancyan da no ngaran na a “Ikapiya no onowned no tao a panirsirngen”.