2 Tesalonicya 3:1 - Seysyo No Tao

¹ Imanowji na ko ipanci jinyo manga kakteh am ipeyneynozi nyo yamen a kakeykai na no ciriciring na ni Yeso a Panirsirngen ta a meylimwang a kanoyong da jya no tao akman jinyo a omanoyong rana jya.

2 Tesalonicya 3:1 ပူးပေါင်းရင်းမြစ်များ

Matay 9:38

Am ori o ipeynozi nyo ji Ama ta do to a kapanovoy na so tao a meylimwang no ciriciring na.”

Locya 10:2

Maniring jira am, “Yaro o mowamowa am yapeleh o tao a meyvazay jya. Am ori o pancyan nyo no mapeymowamowa sya manovoy so arwaro pa mangay amvozas so mowamowa na.

Nimlivolivon 12:24

Ori rana o nipeylimwang no ciriciring na ni Ama ta do to do dang.

Nimlivolivon 19:20

So nipeylimwang na rana do dang no ciriciring na ni Yeso. Ori nipeyparo da no omanoyong jya tao.

Nimlivolivon 6:7

Am ori o nipeylimwang na rana no ciriciring na ni Ama ta do to. Am ori o to da raparapai jira no omanoyong ji Yeso do Yelosaleng a karo da rana. Tana mapatanatanang so nakem da si Ama ta do to am aro sira omanoyong rana ji Yeso.

Loma 15:30

Manga kakteh, ko pangozayan si Yeso Kizisto a Panirsirngen ta kano Seyzi a yamanta nyaten so pangarilawan ta. Inaoy no si ipeynozi nyo yaken.

1 Kedinto 16:9

Tana yaro yamrahet jyaken a yameylimwang no ciriciring na ni Ama ta do to am ko ji macimazai. Ta yatey yaro o makza no ciriciring na ni Ama ta do to.

2 Kedinto 1:11

No si ipeynozi nyo yamen am jyabo kaji na nidongan jyamen ni Ama ta do to, do kamizing na so inozi nyo jyamen. So sarayan da no akman sang ji Ama ta do to no aro a tao.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

Kelosi 4:3

Ipeynozi nyo yamen a kapeypalanginan na nyamen ni Ama ta do to a mangay meylimwang no ciriciring na. So ikanoyong na rana meylimwang no ji da pa nipatwaw no kakwa a nanao ni Kizisto. O yada aptengan jyaken sicyaikwaya am ko nyahap o vazay na ni Ama ta do to.

1 Tesalonicya 1:5

Ta o namen nipeylimwang a Mapasaray a Ciriciring na ni Ama ta do to jinyo am beken a ciriciring namen ori. Ta namen ipeyhanhan o oyowyat no Seyzi a kano yameysominogat a onowned namen so ciriciring na ni Ama ta do to. Ta nyo mamimin a katenngan o onowned namen no kapacikaop namen pa jinyo do dang.

1 Tesalonicya 1:8

So yana nikapo jinyo a yameylimwang no nanao na ni Yeso a Panirsirngen ta. O nakenakem nyo si Ama ta do to am beken a do Maciton a kado Akayya o na nispowan, ta yanisompo do peycyeylilyan na. So ji namen mapakaroi so ciring namen an.

1 Tesalonicya 2:1

Manga kakteh, nyo katenngan an, ta no kangay namen jinyo do dang am apiya o vazay namen, ta aro o niomanoyong ji Yeso Kizisto a tao.

1 Tesalonicya 2:13

Namen masangib a yasomaray nya ji Ama ta do to. Ta o namen nipeylimwang a ciriciring na am nyo na nimamizing. Nyo na nimahap. So nyo ji mancii nya ciring no tao, ta nyo anoyngan ori a ciriciring na ni Ama ta do to. Ta o ciring ori am yaomoyat do onowned nyo a yarana omanoyong ji Yeso Kizisto.

1 Tesalonicya 4:1

Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

1 Tesalonicya 5:17

Ji kamo amtad a meynozi.

1 Tesalonicya 5:25

Inyo akma nameney kakteh do cinai am ipeyneynozi nyo yamen an.

2 Timotay 2:9

Am ori o ko nipeyrarahet a nivaod da no nilalin da vahalang. Am o ciriciring na ni Ama ta do to am jyasengsengi. So ikabo no makazazat jya.