2 Tesalonicya 2:9 - Seysyo No Tao

⁹ Ta no kapeyigegen na pa no irako na so raraten a tao am oyatan ni Satan a mai a kapeyvazay na so mapangyangyalak a vazay. So icyakma ney mowyat. Am jyanoyong ori,

2 Tesalonicya 2:9 ပူးပေါင်းရင်းမြစ်များ

Matay 12:22

No kanang am amyan so tao a mangay nya ji Yeso so kovotan no kalamsoyan ni Satan a ji makabnebnek a mavota tao. Makarahan am iwakwakan na kapakabnebnek na rana kapakacita na rana.

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Matay 4:10

Tovisan ni Yeso am, “Angay rana mo Satan! Ta o ciring do Seysyo am, ‘Iraralay nyo o Panirsirngen a Tao do to nyo. So ika iya na no iraralay nyo. Ta abo o ikararwa na a iraralay nyo an.’ ”

Make 13:22

Ta amyan so tao no makwa a manci no ka si Kizisto da kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da do nipamnekan na ni Ama ta do to a yamraralay nya tao.

Locya 11:25

Meysinaoli am macita na o tao ang a makownong rana jya. Ta abo nimacipalit a nikomovot jya.

Yowani 4:48

Maniring si Yeso jya am, “No si macita nyo o vazay a yongkad no kayapo ko ji Ama ta do to am, ori o ipanganoyong nyo.”

Yowani 8:41

O nyo peyvazain a vazay am vazay no ama nyo.” Maniring sira am, “Yabo na ikararwa ni Ama ta do to a ama namen. So namen ikanoyong a anak na.”

Yowani 8:44

Inyo am anak kamo ni Satan. Ta nyo pangozayan o nakenakem no ama nyo a nimakalapo no kakwa o kapangap na so tao. Ji nakzan o manoyong a nanao, ta abo jya o manoyong a nanao. Cinatao na o kapangalalas na, ta iya rana am kapangalalas na a yapwan no makakaday a malas.

Nimlivolivon 13:10

Maniring jya am, “Imo rana ya am kamo meyyangay so nakenakem a kani Satan a yaji ngahap so vazay ni Ama ta do to, do mo kapanlita a yaomalalas do ciriciring na ni Ama ta do to.

2 Kedinto 11:14

Am jyabo kazyak no akman sang a. Ta kakwakwan ni Satan a mapatpetpeh akmey maniray a tinsi ni Ama ta do to.

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

Ivoso 2:2

No kano nang am onotan nyo pa o malas a vazay da no ji manganoyong a tao a kano ciring ni Satan a yatomalamozong no meyraraten a tao.

2 Timotay 3:8

Akman si Yanayse a kani Yangpole a ji ngahap so apya nanao na ni Moyse am akman sang o vazay da no mangnanao no malas a tao. Ta yajyablis o pangtoktwan da. So ikabo na no katatenngan da a manoyong a nanao na ni Ama ta do to.

Yake 3:15

Ta o akman rana sang a teneng am beken a apo do teyngato, ta apo do tao do teyrahem. So ikamonganay na do karawan a kano kalamsoyan ni Satan.

Ipaziman 12:17

Karahan am somozi o kamolay a omarap so komownongan do mavakes. Ta sira rana am omonot do ciriciring na ni Ama ta do to a tao a omanoyong do nanao ni Yeso a tao.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 18:23

Ji rana lila o zampo. Ji rana amizing o ciriciring da no meysinmo a tao. O meypananazangan a tao do dang am mamimin sira ney meynakem na tao do karawan. Abo ji na nicirara a tao do karawan no oyowyat ni Satan.”

Ipaziman 19:20

So nirakpan da so omalalam a kapazanod da so nimeyvazay so mapangyangyalak a makahaw a tao a rakpen. O makahaw a tao am nimeyvazay ori so mapangyangyalak a vazay a ipeykawad na so yanan no ipatotodo no omalalam a kano niomraralay no kamamagenan na tao. Omalalam rana kano makahaw a tao am niwalit na sira do akman so awa so karakorako a lila no apoy.

Ipaziman 20:10

Si Satan rana a nimapeykawad sira am iwalit na do akman so awa so karakorako a lila no apoy. Am nimanmanma rana o makahaw a tao a kano omalalam do dang. Sira rana am abo maraw a abo mahep a ipeyrarahet da a mangay do kaidan no karawan.

Ipaziman 9:11

Amyan so asa ka panirsirngen a tomalamozong nira. Iya rana am tinsi a tomalamozong no abo so takadan a gazawagaw a jyatenngi so karaherahem. O ingaran da jya no Sipolay am Apaton. O ingaran da jya no tao do Sila am Apolon. O peypeypangayan no nang am Manbalinas.