2 Tesalonicya 2:7 - Seysyo No Tao

⁷ Ta yana papwen o na kapeyvazay no irako na so raraten a italamozong na ni Satan a tao. Am ji pa meyngongyod o vazay na, ta zazazzatan no mowyowyat pa ka nya. Am no si peylisen na rana o lima no yamzazat do vazay eya am,

2 Tesalonicya 2:7 ပူးပေါင်းရင်းမြစ်များ

Nimlivolivon 20:29

Ta ko katenngan si karwan ko rana inyo am amyan so mangalalas a tao a mai a omnanao jinyo a mapeycyakawad jinyo a amraralay ni Yeso a tao.

2 Tesalonicya 2:6

Nyo katenngan o keyyan no amzazat do tao a irako na so raraten a italamozong na ni Satan. Am amyan so araraw no nang a ipeytotwaw na.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Yowani 2:18

Manga ovay, yarana makeykai o na pangavosan no karawan. Nimamizing nyo na o na kai no Omalalas ji Kizisto a tao. So yada ikanoyong no omalalas ji Kizisto a yarana meytotwaw. O vazay rana ori am ipakateneng ta na do kasngen na rana no pangavosan no karawan.

1 Yowani 4:3

Omalalas ji Yeso a tao am abo jya o Seyzi na ni Ama ta do to. O akman sang a tao am alalasan da si Kizisto. Nimamizing nyo na o kai no akman sang a tao do karawan. So na ikanoyong rana yamyan do karawan.

Ipaziman 17:5

Amyan so matayo so peypeypangayan a nivatvatkan do zozogwan na. Ori rana am, “Rako a ili do Papilon a akma dey ina no mapasagpyan so kataotao da do karawan.”

Ipaziman 17:7

Maniring jyaken o tinsi am, “Ikongo mo kalakan nya. Ipanci ko jimo o peypeypangayan no yasomagpyan a mavakes a kano na avangan a yapito so oo a kano yasa ngarnan so ozong a omalalam ang.