2 Tesalonicya 2:2 - Seysyo No Tao

² ji kamo tey makeykai a marahet nya so nakenakem no mamizing nyo o ipanci da no mangononong so malas do mina kapakaranes na rana no araraw na ni Yeso Kizisto a Panirsirngen ta. Tana mangamaog sira o tao so ciring a manci no kapo na do Seyzi a tana nipatolin da jyamen no tao a mapeyciring sya, tana ipanci da ciring namen do teygami am,

2 Tesalonicya 2:2 ပူးပေါင်းရင်းမြစ်များ

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Make 13:7

No mamizing nyo o meyyarap do livolivon no pongso nyo am ji kamo anyahey. Ta amyan so akman sang a vazay. Am beken a kavosan na ori no karawan.

Locya 21:19

Ipakowyowyat nyo pa a meyhanhan nyaken. Ta ori o ipakahap nyo so to meyyonong a ikavyay no pahad nyo.

Locya 21:9

Tana mamizing nyo o meyliliman a meyyarap am ji kanyo anyaheyan, ta manmanma pa o akman sang a alalaw an. Am beken pa ori o ikavos no karawan.”

Yowani 14:1

Maniring pa si Yeso jira am, “Ji kamo a rahet so onowned an. Ta anoyngan nyo si Ama ta do to a ka nyaken an.

Yowani 14:27

Ko itoro jinyo o ikapiya no onowned nyo. So na ikanoyong a yapo jyaken no apiya onowned nyo. Am meytarek ori a kano ipanci da no tao do karawan ikapiya no onowned. Am ori an, ji nyo a raci so onowned. Ji kamo anyahey.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

1 Kedinto 14:32

O yanan no teneteneng a mangononong so ciriciring na ni Ama ta do to a tao am ingtwan na o kataotao na, ta ji to meyzezyakan.

1 Kedinto 7:26

No ko citahen o alalaw do teyrahem am ko apyapyahen pa kakman ta sya tao a ji macivahavahay.

Ivoso 5:6

Am ori o ji nyo litai do kadwan jinyo a manci no kapya no akman sang a vazay. Ta o akman rana sang so icicirawat a tao am amyan so oyaoyyan na nira ni Ama ta do to no makwa, do kaji da niomonotan do nanao na ni Ama ta do to.

1 Tesalonicya 3:3

a kaji da oniban so nakem no kadwan jinyo no peyrarehten da inyo. Ta kangay na ori no alalaw ta a omraralay ni Yeso Kizisto.

1 Tesalonicya 4:15

Sicyaikwa rana ya am namen pangozayan o nanao na ni Yeso a Panirsirngen ta a manci nya jinyo. Yaten rana ya mavyay pa tao do ipeypanam na pa meygegcin ni Yeso am jyabo kapanmanma ta a kano nimawakwak a tao a mangay omrapong si Yeso a.

1 Tesalonicya 5:2

ta to nyo na tenngi. O araraw no ipeygegcin na ni Yeso am abwata o tao a makaziman sya, akman so tao a ji makaziman so manakaw do vahay da.

2 Tesalonicya 2:15

Ori an manga kakteh an, makakdeng kamo so nakenakem an. O ninanao namen jinyo a ciriciring na ni Ama ta do to am meyyangay ori a kano ciriciring namen do teygami a miminen nyo a ahapen.

2 Tesalonicya 3:17

Ko vatvatkan o ngaran ko an. Yaken rana am si Pawlo ko a yameyminaminasi ninyo. Yamamimin o teygami ko a yako padketan so aryarilaw ko jinyo. So na ikanoyong no teygami ya a yapo jyaken.

Ipaziman 19:20

So nirakpan da so omalalam a kapazanod da so nimeyvazay so mapangyangyalak a makahaw a tao a rakpen. O makahaw a tao am nimeyvazay ori so mapangyangyalak a vazay a ipeykawad na so yanan no ipatotodo no omalalam a kano niomraralay no kamamagenan na tao. Omalalam rana kano makahaw a tao am niwalit na sira do akman so awa so karakorako a lila no apoy.