2 Tesalonicya 2:10 - Seysyo No Tao

¹⁰ kalita na do ji manganoyong a tao no meykamadadayan a vazay, ta ji da ngahapa o manoyong a nanao na ni Ama ta do to a manta nira so to meyyonong a ikavyay no pahad da.

2 Tesalonicya 2:10 ပူးပေါင်းရင်းမြစ်များ

Matay 13:11

Tovisan ni Yeso am, “O ji na nipatwaw pa a peypeypangayan na do talamozongan na ninyo ni Ama ta do to o nipanci ko jinyo. Am o karwan no tao am da pa jyatenngi ori.

Yowani 3:17

Ta o nitovoyan na so Anak na do teyrahem am beken a pasingsingtan na o tao do teyrahem. Ta patazadangen na sira do teyngato.

Yowani 5:34

Ko ji ngakzeba o keyyan no tao a macyanoyong jyaken. O ko pakalavatan so mina vazay ni Yowani am ipakateneng nyo jyaken a kapakahap nyo rana so to meyyonong a ikavyay no pahad nyo.

Loma 10:1

Manga kakteh, ko tey kakza sira o Isedi a tao a kasina ko no inawan a ahapen na ni Ama ta do to. Am ori o ko jimtaji nira a ipeynozi ji Ama ta do to.

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

Loma 6:17

Am ta isaray ji Ama ta do to. Ta no kakwa am akma ney lamlamsoy inyo no raraten. Am sicyaikwa rana ya am yasa rana o onowned nyo a yaomonot do manoyong a nanao.

1 Kedinto 1:18

O ipeylimwang a jyojika ni Yeso Kizisto am abo o peypeypangayan na do ji manganoyong a tao. Am yaten a na patazadangen do teyngato ni Ama ta do to am tey rako ori a oyowyat na ni Ama ta do to.

1 Kedinto 16:22

No myan so ji raralay ni Yeso Kizisto a tao am manoyong kapeygegcin na jya no oyaoya na ni Ama ta do to. Mo Yeso Kizisto, inaoy si mai ka na.

2 Kedinto 11:13

Sira rana mangalalas a tao am beken a meyngongyod sira a lamlamsoy ni Kizisto. Ta sira ji macipayok so icicirawat.

2 Kedinto 11:15

Am ori o ji ta ngyaki no mangalalas a tao a peylamsoin ni Satan a akmey apiya so ciring. Ta to rana tenngi o pangavosan no vazay da no akman sang a tao pasingsingtan na ni Ama ta do to.

2 Kedinto 2:15

Tamo akman rana si Yeso Kizisto a na isaray ni Ama ta do to, do ta kapeylimwang no Mapasaray a Ciriciring na do omanoyong jya tao a kano ji nganoyong jya tao.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

1 Tesalonicya 2:16

Yada zazaten yamen a yameylimwang no ciriciring na ni Ama ta do to a mapatazadang so beken a tao do Yotay. So da ikanoyong a yameyparo so yapeyraratenan a peydednan no peyoyaoyyan na ni Ama ta do to.

2 Tesalonicya 2:12

O ji nganoyong do manoyong a nanao a makza no raraten da am mamimin sira peydednan no peyoyaoyyan na ni Ama ta do to.

2 Tesalonicya 2:13

Inyo rana manga kakteh a na ikarilaw ni Ama ta do to am namen masangib inyo a isaray ji Ama ta do to. Ta no kaji na pa amaogan no karawan am nipamnekan na rana inyo ni Ama ta do to a ahapen. So nyavaywan na so onowned nyo no Seyzi a kowyat na jinyo a omanoyong do nanao na ni Ama ta do to.

1 Timotay 2:4

Ta na ikakza o na kasidong so tao do karawan, kapakateneng da do manoyong a nanao.

Sipolay 3:13

Mangday kamo do araraw a amvavaga do kadwan jinyo do yanyo ikavyay pa ya. Ta kalittan o tatasa jinyo a to nazibo ni Ama ta do to.

2 Pite 2:12

Am o malas so ipangnanao a tao am sya akmey omalalam a yaji makateneng do kasnekan da a yamapananala so omwakwak sira a tao. Da ikazyak o yada jyatenngi a vazay. So ikanoyong na mangay jira no peyoyaoyyan na ni Ama ta do to,

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.