2 Tesalonicya 2:1 - Seysyo No Tao

¹ No si mirwa mai si Yeso Kizisto a Panirsirngen ta no malovot ta amrapong sya manga kakteh am namen kakdain inyo,

2 Tesalonicya 2:1 ပူးပေါင်းရင်းမြစ်များ

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Matay 16:28

To ko na macitangayan jinyo am o tao a yatomanek do jya am amyan jira ang so makapis pa jyaken a Nipamnekan na ni Ama ta do to a tao a mai a tomalamozong no karawan, do ikamavyay da pa.”

Matay 24:31

Manovoy ko so aro a tinsi a meyzapa a ipatao ko so tao do peycyavanovanwan na a mapeylovolovot so nipanop ni Ama ta do to a tao do teyhesa ka mahataw.

Matay 25:32

Mamimin o tao a malovot do tangain na a kapeykapyapinpin na sira akman so mangonong so kagling a mapeykapyapinpin so kagling na.

Make 13:27

Pasonsonen ko o tinsi a mangay do peycyamahamahatawan a kalovot ko sira so nipamnekan na ni Ama ta do to a tao a apo do teyhesa ka mahataw.

Loma 12:1

Manga kakteh, ko vavagan inyo an. Ta yatey rako na kasyan nyaten ni Ama ta do to. Am ori o torwan nyo no kataotao nyo a italamozong na a komaro do raraten nyo. Ta ori sarayan na ninyo ni Ama ta do to a meyngongyod so onowned a amraralay nya.

Ivoso 1:10

Ta o pamnemnekan na ni Ama ta do to no kakwa am itoro na o makakaday do karawan a kado teyngato ji Kizisto a italamozong na, no marateng o araraw no nipamnekan na ni Ama ta do to.

1 Tesalonicya 2:19

Ta inyo o hanhan namen a yamapasaray jyamen. Si meygegcin si Yeso Kizisto a Panirsirngen ta am sino o ipakazwazway namen no jya inyo.

1 Tesalonicya 3:13

Am ori o ikanoyong na ni Ama ta do to a mapakdeng so nakenakem nyo a omraralay nya. Ta no si meygegcin si Yeso a Panirsirngen ta kano niomraralay nya tao am manoyong kamo do tangain na ni Ama ta do to a ji meylimoteng so onowned a abo so karatan.

1 Tesalonicya 4:1

Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

2 Timotay 4:1

Yako vavagan imo do tangain na ni Ama ta do to a kani Yeso Kizisto. Katenngan ta, ta no makwa am meygegcin si Yeso Kizisto a tomalamozong no vayo a karawan. Ta iya o mapeykapyapinpin so mavyay a kano nimawakwak rana tao.