2 Tesalonicya 1:12 - Seysyo No Tao

¹² No akman kamo sang am ikazway no ngaran na ni Yeso a Panirsirngen ta. So ipacikazway nyo jya. O kapwan no nang am apo do pangangarilawan na ni Ama ta do to a kani Yeso Kizisto a Panirsirngen ta.

2 Tesalonicya 1:12 ပူးပေါင်းရင်းမြစ်များ

Yowani 17:10

O monganay jyaken a tao am yamamimin a monganay jimo. O monganay jimo a tao am yamonganay jyakehen. O azwazway ko am yada rana patwawen.

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

1 Kedinto 1:4

Ko masangib inyo a isaray ji Ama ta do to, ta na nitoro jinyo o pangangarilawan na, ta yakamo macikaop rana ji Yeso Kizisto.

2 Kedinto 13:4

Tana yakmey yabo oyowyat na ni Kizisto do yada kanimapadket sya do jyojika am oyowyat na ni Ama ta do to o yanimapeyvangon sya. So namen ikakman sang akmey abo so oyowyat a yamacikaop ji Kizisto. Am no namen ioya inyo am oyowyat na ni Ama ta do to o namen pangozayan an.

2 Kedinto 8:9

Nyo na katenngan o pangangasyan ni Yeso Kizisto a Panirsirngen ta. Iya rana am abwata o kakzeben na an. Ta iya rana am tey meynakem do teyngato. Am na kapanadnad jyaten. So na ikakmey makasi a tao. Na apyapyahen pa o na katoda katawwan a yamapazanod jyaten do azwazway na do teyngato.

Veydipi 3:9

Ko manoyong a yamacikaop jya. So ko na peymakarwan do mina vazay ko no kakwa. So ikanoyong ko na abo so karatan do tangain na ni Ama ta do to. O yako icyakman sang am ko ipeyhanhan si Kizisto. Beken a ko kahap so iwawalam na ni Moyse. Ta yamanoyong ya nitoro ni Ama ta do to o ikapya ko do tangain na.

2 Tesalonicya 1:10

O araraw na no ipeygegcin na am mamimin sira omanoyong jya tao a omazwazway sya a somaray nya. Inyo rana am macyangay kamo do dang, ta nyo anoyngan o nipeylimwang namen jinyo a ciriciring na ni Ama ta do to.

Tito 2:11

Peyvazain ta o yamakakaday ang. Ta yarana mapengkad o pangangarilawan na ni Ama ta do to a mapatazadang jyaten a tao do karawan.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.

Ipaziman 1:4

Yaken rana am si Yowani ko. Yako ipeyteygami sira o yapito a ka kyokay do Yasiya pongso. Inaoy no si itoro na jinyo o ikapiya no onowned nyo a kano pangangarilawan a apo ji Ama ta do to a jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan a kano Seyzi na ni Ama ta do to,