2 Tesalonicya 1:1 - Seysyo No Tao

¹ Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a yamacikaop rana ji Ama ta do to a kani Yeso Kizisto.

2 Tesalonicya 1:1 ပူးပေါင်းရင်းမြစ်များ

Nimlivolivon 15:22

No kanang am mamnek sira o nipamnekan ni Yeso a omlivolivon no ciriciring na kano panipanirsirngen do kyokay a kano amraralay ni Yeso a tao so pahanhanen da macihza ji Pawlo a kani Parnapo a mangay do Antia. So nipamnekan da ji Sila kani Yota. O kasaing no ngaran ni Yota am si Pasapa. Ikanig da sira ori no akma dey kakteh do cinai.

Nimlivolivon 16:1

Mangay sira do Tepey a kado Disetela am amyan dang so asa ka tao a amraralay ni Yeso a meyngaran si Timotay. O ina na am tao do Yotay a amraralay ni Yeso. Am o ama na am tao do Sila.

Nimlivolivon 17:1

Meyhatay si Pawlo a kani Sila do peycyeylilyan na do Anveypodi a kado Apoloniya am makaranes rana sira do Tesalonicya. Amyan dang so peyneynozyan da no tao do Yotay.

2 Kedinto 1:19

Akman sang o Anak na ni Ama ta do to a si Yeso Kizisto a yanamen nipeylimwang jinyo si Sila kani Timotay. Ta jyabliblis o ciring na. Ta o nipatwaw na rana ni Yeso a ciriciring na ni Ama ta do to am pangononongan na a peyvazain.