2 Pite 3:7 - Seysyo No Tao

⁷ Am sicyaikwaya am yajyablis o hanit a kano teyrahem, do yana kahad sya no ciring na ni Ama ta do to, mangay do itemtem na so hanit a kano karawan a kano ji manganoyong a tao, no marateng rana o araraw no ipeykapyapinpin na so tao ni Ama ta do to.

2 Pite 3:7 ပူးပေါင်းရင်းမြစ်များ

Matay 10:15

To ko na macitangayan jinyo am no marateng rana o araraw no kapeykapyapinpin na so tao ni Ama ta do to am makdekdeng pa o oyaoyyan na do ji naotao jinyo a kano nipasingsingkad na do tao do Sotoma kano Hamola no kakwa pa.

Matay 11:22

Am yakanyo ji mamlis. To ko na macitangayan jinyo am no marateng o araraw na no peykapyapinpinan na ni Ama ta do to so tao am makdekdeng pa o oyaoyyan na ninyo a kano nipasingsingkad na so tao do Tayar a kado Siton no kakwa pa.

Matay 11:24

Am ko pa ciring jinyo am no marateng o araraw na no peyoyaoyyan na ni Ama ta do to am makdekdeng pa o oyaoyyan na ninyo a kano nipasingsingkad na so tao do Sotoma no kakwa pa.”

Matay 12:36

To ko na macitangayan jinyo am no marateng o araraw no peykapyapinpinan na ni Ama ta do to so tao am abo rana o taywen da ciring da.

Matay 24:35

Mabalinas o hanit a kano teyrahem. Am jyablis o ciring ko a mangay do kaidan no karawan.

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Make 6:11

No mangay kamo do vahay da a kaji da raralayan ninyo a taotawwen a ji da ngamiznga so ciring am to nyo na ngaroi sira katoktok nyo so domket do ai nyo a tana, ta tovilan nyo jira meyraraten a tao a ji mamlis so nakenakem.”

Yowani 12:48

O tomaosya jyaken a ji ngahap so nanao ko am pangozayan ko o ciring ko a manci no keyyan no raraten na no masasnad rana o araraw no kapeykapyapinpin na so tao ni Ama ta do to.

Loma 2:5

Am yamo kakmey mavota so onowned a yaji mamlis. Am no si marateng rana o araraw na no peyoyaoyyan na ni Ama ta do to am jyabo kaji nakdekdengan pa no ipasingsingkad na jimo no ji mapeycyakaban so tao a Tao do to a.

1 Kedinto 3:13

Am o mina vazay ta am macita ta rana no makwa o kehni na a kaji nehniyan. Ta no marateng rana o araraw na no yai ni Yeso am patwawen na rana. Ori o ipakateneng rana jya. Ta no makwa am askadan na rana ni Yeso o mina vazay ta.

Veydipi 1:28

a jyanyahey no macioya jinyo a tao. No si akman kamo sang am yongkad na no kapeygegcin na jira no peyoyaoyyan na ni Ama ta do to a keyyan na no to meyyonong a ikavyay no pahad nyo.

2 Tesalonicya 2:3

ji nyo to nganoyngi o ciring da an. Ta no omanam rana o araraw am manoyong o kapacioya da ji Ama ta do to no aro a tao a macyanod so nakenakem do irako na so raraten a italamozong na ni Satan a tao a yamapalolo sira a mangay do kararatan, mangay o kangay na do makotokotod a lila no apoy.

1 Timotay 6:9

O komakzeb so karo no nizpi da am makeykai sira kalittan, ta masanga sira no abo so angangayan a vazay a maozoz so nakenakem. O kapalit no akman sang am mangay sira do makotokotod a lila no apoy a mangay no makwa.

Sipolay 12:29

So ikakdekdeng ta pa so onowned a mahap so vazay na. Ta o peyoyaoyyan na ni Ama ta do to am akmey lila no apoy a manemtem so meyraraten a tao.

2 Pite 2:9

Am katenngan na ni Ama ta do to a pahawahen sira o jyablis so onowned a makanakem sya a tao do alalaw da. So ipakateneng na ni Ama ta do to do meyraraten a tao a pasingsingtan no marateng o araraw na no peykapyapinpinan na so tao.

2 Pite 3:10

Am o araraw no yai na no Panirsirngen ta am jyaziman a akmey manakaw a tao. No si marateng o araraw ori am meykaing a matemtem do kakavos no karawan a kabo na rana no sinokob no hanit a kano teyrahem a matemtem no rako a lila no apoy. So ikabo na rana no masaod no karawan.

2 Pite 3:12

a omapananala so araraw ni Ama ta do to a ji meyyahahay a makaranes. No si marateng o araraw ori am matemtem o masaod no hanit. So ikabo na rana no masaod no hanit a omonag no lila no apoy.

1 Yowani 4:17

O pangangarilawan na ni Ama ta do to am peypahagnat na o pangangarilawan ta. Ta no marateng rana o araraw no ipeykapyapinpin na so tao ni Ama ta do to am masaray ta so onowned. Ta inarahen ta o icicirawat ni Kizisto no keyyan na pa do teyrahem.

Yota 1:7

Naknakmen nyo o tao a yameyvahay do Sotoma kado Hamola kano yamacitangked do dang so ili a tao a yamapasala so aktokto da a yamapeyvazay so macimasesnek a vazay. So ikanoyong no jyahesep a lila no apoy a nimangay meydedna jira. O akman rana sang a vazay am ikananao da rana ori no meyraraten a tao.

Ipaziman 17:11

O nimavyay no kakwa yarana maliman sicyaikwaya am iya o ikawao a panirsirngen. Am karwan da ori no papito a ka panirsirngen a meypangay do kararatan a ipasingkad na sya ni Ama ta do to.

Ipaziman 17:8

O nimacita mo a omalalam am nimavyay pa no kakwa am yarana maliman sicyaikwaya. So ikakeykai na rana mai a apo do abo so takadan a gazawagaw a jyatenngi so karaherahem a meypangay do kararatan a ipasingkad na sya ni Ama ta do to. O tao do teyrahem a jidket so ngaran do vakong a yanan na rana no to meyyonong a ikavyay no pahad da no kaji na pa amaogan no karawan am mamimin sira malak no omalalam a nimavyay pa no kakwa yarana maliman sicyaikwaya. So ikanoyong da malak nya no meytotwaw no makwa.

Ipaziman 20:11

Meyratateng am makacita ko so malavang a rako a lilisnan no panirsirngen a kano amlisna do dang. Ji rana cita o hanit a kano teyrahem a tomayo do tangain na.

Ipaziman 21:1

Makarahan am makacita ko so vayo a hanit a kano vayo a teyrahem. O nimanmanma hanit a kano teyrahem am ji rana cita. Akman sang o awa a ji rana cita.