2 Pite 3:18 - Seysyo No Tao

¹⁸ Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.

2 Pite 3:18 ပူးပေါင်းရင်းမြစ်များ

Matay 28:20

a kananao nyo sira a omahap so makakaday a yako ninanao jinyo. Am manakem nyo o kaji ko macisyayan jinyo a mangay do kaidan no karawan.”

Matay 6:13

Ji mo yamen amya kalittan. Apzatan mo yamen mo Ama do to, do kararatan do teyrahem. [Ta imo rana am ka tey mowyat a tey mazway a Tao do to a yatomalamozong nyamen a mangay do kaidan no karawan. Amin.]’

Yowani 17:3

O to meyyonong a ikavyay no pahad da am ipakateneng da jimo a ney manoyong na Tao do to, a kapakateneng da ji Yeso Kizisto a nitovoy mo do karawan.

Yowani 5:23

mangay kazwazway da jyaken no tao do karawan. Akman sang si Ama a azwazwain da. Am o to nazibo nyaken a Anak na ni Ama am akman sang si Ama a da to nazibwan.

Loma 11:36

Ta yamamimin o makakaday a yana nyamamaog. So ika iya na no tomalamozong no makakaday do karawan. Inaoy no si mangay jya o azwazway na mangay do kaidan no karawan. Amin.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

Ivoso 1:17

Ko mapasyasi ji Ama ta do to a tey mazway a Tao do to a Ama na ni Yeso Kizisto a Panirsirngen ta a manta ninyo so teneng a kapakateneng nyo rana ji Ama ta do to.

Ivoso 4:15

Ji ta mangononong so malas. Ta pangozayan ta o pangangarilawan a macisirsiring do icyatatao ta. Ta ori o ipeypahagnat ta so onowned a ominara si Kizisto a yameymatmatngeh nyaten.

Veydipi 3:8

Beken a ori an. Ta yamaharahara rana o nakem ko ji Yeso Kizisto sicyararalay ko na nya. Yako ipanci o makakaday a vazay a yabwata so angangayan, do yako kapyapya pa so ko kapakateneng ji Kizisto a Panirsirngen ko.

Kelosi 1:10

No si akman sang am manoyong kamo na macipayok so vazay ji Yeso Kizisto a Panirsirngen ta, do kahap nyo so vazay na a meypahagnat rana so onowned a makateneng rana ji Ama ta do to.

Kelosi 3:10

kapalit nyo rana so vayo a onowned nyo apo ji Ama ta do to, do na kaji amtadan a yasomidong jinyo a yaomyavayo so icicirawat nyo. Am ori o ikanoyong nyo rana meypahagnat a makateneng ji Ama ta do to.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

2 Timotay 4:18

So ikanoyong na ni Ama ta do to a mahap jyaken a komaro do kanginanawan ko do maciocioya jyaken a tao, mangay no si ahapen na rana yaken do teyngato. Inaoy no to meyyonong o kazwazway ta si Ama ta do to. Amin.

1 Pite 2:2

Akman kamo so nimatazak a kanakan a komakday so meyzoko a akmey kanen no pahad nyo. So yopan nyo so sang a ipeypahagnat nyo a macikaop ji Ama ta do to.

2 Pite 1:11

a macikaop rana do to meyyonong a italamozong na ni Yeso Kizisto a Panirsirngen ta a mapatazadang jyaten do teyngato.

2 Pite 1:2

Inaoy si itoro na ni Ama ta do to a kani Yeso a Panirsirngen ta o pangangarilawan na kano ikapiya no onowned nyo, do yanyo kanoyong a yarana makateneng ji Ama ta do to a kani Yeso Kizisto.

2 Pite 1:3

Na rana nipazanod yaten ni Ama ta do to no oyowyat na, akma ney anak do karawan. Am ori o ji tamo meylimotengi so onowned do araraw. O tamo ipakahap so sang am yaomagaz do tamo rana kapakateneng ji Ama ta do to a yanimapanop jyaten a yamapazanod jyaten do inawan na kano azwazway na ni Ama ta do to,

2 Pite 1:8

Mamimin ori a ahapen nyo. Ta ori o iyan no peypeypangayan no kararalay nyo ni Kizisto, do kapakateneng nyo rana ji Yeso Kizisto a Panirsirngen ta.

2 Pite 2:20

No si amyan so tao a makateneng do Panirsirngen ta si Yeso Kizisto a mapatazadang jyaten do teyngato a kanikomaro na rana do makakaday a raraten do karawan, a kaoli na pa so mina raraten na am arakorako pa o kanginanawan na no nang.

Yota 1:25

Si Ama ta do to am abo o ikararwa na a yanitomovoy si Yeso Kizisto a Panirsirngen ta a mapatazadang jyaten do teyngato. Inaoy si mangay jya o azwazway do teyngato a kado teyrahem nimapo no kakwa, na kai sicyakwaya a kangay na do kaidan no karawan. Amin.

Ipaziman 1:6

Na nipamnekan yaten ni Yeso a to ngonongonong do kangay ta do tangain na ni Ama ta do to a omraralay nya. Inaoy si omaing o azwazway a kano oyowyat ji Yeso Kizisto a mangay do kaidan no karawan. Amin.