2 Pite 3:17 - Seysyo No Tao

¹⁷ Am nyo na katenngan o yakman sang a ciring, manga kakteh. So azimanan nyo sya, ta kalittan kamo so onowned a peykowawen so nakem no yaji macipayok so nakem a tao.

2 Pite 3:17 ပူးပေါင်းရင်းမြစ်များ

Matay 16:11

Ikongo nyo pa ji makatenngi do nipanci ko na jinyo. Beken a ko pagazen do myanpaw o ciring ko, ta ko pagazen do marahet a onowned da no tao a macyagom do Vadisay a kano macyagom do Satokay.”

Matay 16:6

Maniring si Yeso jira am, “Azimanen nyo o akmey kosozi no odong a yamyan do tao a macyagom do Vadisay a kano macyagom do Satokay.”

Matay 7:15

“Azimanen nyo o malas so ipangnanao a tao. Ta akmey apiya o ipangnanao da am jyakman sang, ta tey manginanawa sira a mangalalas so ciring.

Yowani 16:4

No makaranes rana o akman sang a vazay am cyaha, ta nipaziman ko na jinyo. Ji ko nipeycicinda nipanci jinyo o akman sang a vazay, ta macikaop ko pa jinyo.

Nimlivolivon 2:42

So nikowyat da macinanao do nipamnekan ni Yeso a omlivolivon no ciriciring na kalwalovot da rana meynozi a kakan da so pang a makanakem si Yeso a nimawakwak.

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

1 Kedinto 10:12

Am ori an, no myan so makeylamdam so nakenakem na ji Ama ta do to a makdeng rana am meytataziman ori an. Ta kalittan an.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

Cyalatay 5:4

Inyo rana yamnakenakem so kabnek na jinyo a abo so raraten ni Ama ta do to a yamangozay do iwawalam na ni Moyse am kanyo manoyong a yameyparai ji Kizisto, do nyo kataosya so oyowyat na ni Ama ta do to a yasomidong jinyo.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

Veydipi 3:2

Azimanen nyo sira o meyraraten a tao a omalalas do nanao na ni Ama ta do to. Sira rana am tao do Yotay a yamanci no kayongkad do kataotao.

Kelosi 2:5

Tana ko ji ngyan jinyo do dang am cyaha, ta yamyan jinyo o onowned ko. So ko ikasaray a yamakanakem jinyo a mowyat so onowned a meyhanhan ni Kizisto.

Kelosi 2:8

Makapzat kamo. Ji nyo ngonoci o mapeycyakawad jinyo a nanao no tao do karawan. Ta o akman rana sang a nanao am apo do tao no kakwa. So ji na monganai ji Kizisto no da ipamizing jinyo.

2 Timotay 4:15

Ko ipanci jimo, ta azimanen mo. Ta iya rana am na pacioyyan o ta ipangnanao a ciriciring na ni Ama ta do to.

Sipolay 3:14

No ji ta haha so nakem ji Ama ta do to am manoyong ta macizanod ji Kizisto a mahap so vazay na.

1 Pite 5:9

Pahadpeten nyo o nakem si Ama ta do to. Likodan nyo o vazay ni Satan. Ta nyo katenngan sira o akma nyoy kakteh do cinai a yakman jinyo a yamakasazi so alalaw da a yamraralay ni Ama ta do to.

2 Pite 2:7

Nivyay na o meyngaran so Lote, do kapya no onowned na. Iya rana am ikarahet na no onowned sira o meyraraten a tao.

2 Pite 3:1

Manga kakteh, oya rana am ikadwa na ya no teygami ko jinyo. Yameynanod yadwa ka teygami a yana adketan no ciring a yako ipaziman jinyo, a yako ivavaga jinyo a peyparakwen so nakenakem.

Ipaziman 2:5

To nyo rana naknakma o yanyo nikahahan no nakenakem an. So ipamlis nyo a amwoli so kararalay nyo nyaken an. Ta no si ji kamo mamlis am to ko nangai a mehes so peyzeyzampwan nyo.