2 Pite 3:16 - Seysyo No Tao

¹⁶ O akman rana sang am yamamimin do teygami ni Pawlo. Am yaro dang yamasalit a ciring ni Pawlo a yada to peypalasa a yapazsin no yaji macipayok so nakem a tao. Akman so yatatasa ciring do Seysyo a yada patareken a yaononongan. Am o akman rana sang a tao am peydednan no peyoyaoyyan na ni Ama ta do to.

2 Pite 3:16 ပူးပေါင်းရင်းမြစ်များ

Matay 15:3

Maniring si Yeso am, “Ikongo nyo apyapyan pa so Ciriciring ni Ama ta do to a yataosyahen a yanyo kahap so iwawalam no ineynapo nyo.

Matay 15:6

Nyo tongbowa no iwawalam nyo o Ciriciring ni Ama ta do to, do yanyo kapyapya pa so iwawalam no ineynapo nyo.

Matay 22:29

Maniring si Yeso jira am, “Yamalas nyo ahapan sya. Ta nyo jyatenngi o Seysyo. Nyo jyatenngi o oyowyat ni Ama ta do to.

Veydipi 3:19

O mapeyvazay so sang a tao am mangay sira do kararatan. Ta o isovo da kanen o da naknakmen. Da azwazwain o yamacimanig a vazay. Da ji ngawawan o kasasaodan da do karawan.

Sipolay 5:11

O akman rana sang a vazay am yaro pa dang o ciring ko a yamakekdeng am nyo kaji makazazaban a tao.

1 Pite 1:1

Yaken rana am si Pite ko a lamlamsoy na ni Yeso Kizisto a nipamnekan na a omlivolivon no ciriciring na. Yako ipeyteygami inyo a yana yaponged ni Ama ta do to a nikomaro do ili nyo a yameyvahay do Pento a kado Cyalatay a kado Kapatocya kado Yasiya kado Potiniya.

1 Pite 2:8

Maniring pa do Seysyo am, “O Vato rana ori am cikadan da no tao a ikalektek da.” O icikad da no tao am ji da nganoyngi o ciriciring na ni Ama ta do to. Ori rana am ahapan na ni Ama ta do to so ji manaralay a tao.

2 Pite 2:1

No kakwa do Isedi am amyan so nimalas so ipangnanao a tao. Akman sang jinyo, ta no makwa am amyan so malas so ciring a tao. Sira rana am ipeylimwang da o iparai no pahad nyo ji Ama ta do to, mangay ji Yeso Kizisto a nimawakwak nira o alalasan da. Am o akman rana sang a tao am ji meyyahahay o kapeydedna na jira no oyaoyyan na nira ni Ama ta do to.

2 Pite 2:14

Yabo da ji nitanita no mata da. Da pa ji makamyamyan o yamakakaday a yada peyraratenan. Da cirarahen sira o yaji makanet so onowned ji Ama ta do to a tao a mapasagpyan so kataotao da. Sira rana am da inaman o yada pangangagoman. So da ikanoyong a yana balinasen ni Ama ta do to.

2 Pite 3:14

Am ori an manga kakteh an, no kamo manoyong a yamapananala so araraw ori am makowyowyat kamo pa mapeyvazay so apya vazay a abo so karatan a macikaop ji Ama ta do to.

2 Pite 3:2

Inaoy si mamimin nyo peyyanen do onowned nyo o mina ciring da no panoyonoywan na so ciring ni Ama ta do to a kano mina ciring na ni Yeso a Panirsirngen ta a mapatazadang jyaten do teyngato a ninanao da jinyo no nipamnekan na a omlivolivon no ciriciring na.

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.