2 Pite 3:14 - Seysyo No Tao

¹⁴ Am ori an manga kakteh an, no kamo manoyong a yamapananala so araraw ori am makowyowyat kamo pa mapeyvazay so apya vazay a abo so karatan a macikaop ji Ama ta do to.

2 Pite 3:14 ပူးပေါင်းရင်းမြစ်များ

Matay 24:26

“No amyan so tao a manci nya jinyo so, ‘Yamyan si Kizisto do kabwan no nihakawan no tao,’ am ji kamo angay. No amyan so manci no, ‘Yamyan si Kizisto do sahad no vahay,’ am ji nyo to nganoyngi.

Matay 25:7

So nipeykayokayokay da no asa ngarnan a mavakes a manoik so abyab no zampo da.

Locya 12:43

No mai o lawpan a kapakacita na so lamlamsoy na makapeyvazay so vazay na am manoyong ori a ipanlanlag na.

Locya 2:29

“Mo Ama do to, manoyong o ciriciring mo an. Tana to ko na ngaroi o karawan am,

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

Veydipi 1:10

So ipakateneng nyo rana do ney yapiya na vazay. No si makman kamo sang am manoyong kamo na a ji meylimoteng so onowned a abo so karatan do araraw no ipirwa na mai ni Kizisto.

Veydipi 2:15

So nyo ji meylimotengi so onowned a abo so karatan a akma ney anak ni Ama ta do to a yamacikaop do meyraraten a tao do karawan. Ta inyo rana am akma kamoy zezak da, akman so mata no hanit a amzezak so kasarisaryan,

Veydipi 3:20

Am yaten rana am italamozong na yaten ni Ama ta do to. So pananalan ta si Yeso Kizisto a Panirsirngen ta a meygegcin a apo do teyngato. Ta iya o mapatazadang jyaten do teyngato.

1 Tesalonicya 3:13

Am ori o ikanoyong na ni Ama ta do to a mapakdeng so nakenakem nyo a omraralay nya. Ta no si meygegcin si Yeso a Panirsirngen ta kano niomraralay nya tao am manoyong kamo do tangain na ni Ama ta do to a ji meylimoteng so onowned a abo so karatan.

1 Tesalonicya 5:23

Ko ipeynozi inyo ji Ama ta do to a yamanta ninyo so apiya nakenakem nyo a kapzat na do onowned nyo a kano pahad nyo a kano kataotao nyo. So ikanoyong na amzat jinyo a kabo no karatan nyo a mangay do ikeypirwa na mai ni Yeso Kizisto a Panirsirngen ta.

1 Timotay 6:14

So hapan mo so manoyong a nipakolivava ko jimo a ciriciring. So ikabo no karatan mo mangay rana do araw na no yai ni Yeso Kizisto a Panirsirngen ta.

Sipolay 9:28

Yakman sang si Kizisto a ipisa mapatanang so kataotao na a ivonas na so raraten no aro a tao. So ikeypisa na pa mai do teyrahem. Am beken a raraten o vazay na. Ta mangay na hapen sira o mapanala sya tao.

Yake 1:27

O ipanci na ni Ama ta do to a manoyong a omraralay nya tao am ji manginanahet do nimasbang a kano vao a mavakes a makapzat do onowned na, ji macikza do tao do karawan a meyraraten.

1 Pite 1:7

O peypeypangayan no alalaw nyo am ipakateneng jinyo a manoyong so nakem ji Ama ta do to. Mapaonag no apoy o ovay. Am o nakenakem nyo ji Ama ta do to am jyabo kaji nakdekdengan pa kano ovay a jyagonay a. So ji na alasi no keyleylamdam na so onowned nyo ni Ama ta do to. No si ji kamo a hayo am mahap nyo rana o kazwayan nyo no marateng rana o araraw no yai na ni Yeso Kizisto.

2 Pite 3:1

Manga kakteh, oya rana am ikadwa na ya no teygami ko jinyo. Yameynanod yadwa ka teygami a yana adketan no ciring a yako ipaziman jinyo, a yako ivavaga jinyo a peyparakwen so nakenakem.

2 Pite 3:16

O akman rana sang am yamamimin do teygami ni Pawlo. Am yaro dang yamasalit a ciring ni Pawlo a yada to peypalasa a yapazsin no yaji macipayok so nakem a tao. Akman so yatatasa ciring do Seysyo a yada patareken a yaononongan. Am o akman rana sang a tao am peydednan no peyoyaoyyan na ni Ama ta do to.

1 Yowani 3:3

O tao rana mapananala so araraw no yai ni Kizisto am ji meyraraten. Ta inarahen na si Kizisto a ji meylimoteng so onowned.