2 Pite 3:10 - Seysyo No Tao

¹⁰ Am o araraw no yai na no Panirsirngen ta am jyaziman a akmey manakaw a tao. No si marateng o araraw ori am meykaing a matemtem do kakavos no karawan a kabo na rana no sinokob no hanit a kano teyrahem a matemtem no rako a lila no apoy. So ikabo na rana no masaod no karawan.

2 Pite 3:10 ပူးပေါင်းရင်းမြစ်များ

Matay 24:35

Mabalinas o hanit a kano teyrahem. Am jyablis o ciring ko a mangay do kaidan no karawan.

Make 13:31

Mabalinas o hanit a kano teyrahem. Am jyablis o ciring ko a mangay do kaidan no karawan.

Locya 12:39

Naknakmen nyo o yameykasayan. Ta no katenngan no mapeyvahay sya o araraw no yai no manakaw a tao am jyabo kapakatakaw no manakaw ang.

Loma 8:20

Ta o yameykamadadayan a nyamamaog na ni Ama ta do to am nimablis o nyamaogan na sira do kanimacizanod da ji Adam a nioyyan na ni Ama ta do to. Am beken a monganay do nyamamaog na o akman sang, ta monganay ji Ama ta do to. Am tana akman sang am amyan so kasa araw a isaliway da no nyamamaog na. So ikanoyong da rana macikasaray do omanoyong ji Ama ta do to a tao a ji rana babalinas.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

1 Kedinto 5:5

O akman rana sang a tao am to nyo macyozai a kapeyingnen na so kataotao na ni Satan. Si maliliw na o kataotao na meyngen am ori o ipamlis na rana a kavyay no pahad na no si pirwa mai si Yeso a Panirsirngen ta.

2 Kedinto 1:14

a kapiya na rana no nakenakem nyo jyamen. No si akman sang do araraw no yai na ni Yeso a Panirsirngen ta am jyabo kaji nyo azwayan jyamen a. So ikakman namen sang a zomwazway jinyo.

1 Tesalonicya 5:2

ta to nyo na tenngi. O araraw no ipeygegcin na ni Yeso am abwata o tao a makaziman sya, akman so tao a ji makaziman so manakaw do vahay da.

1 Tesalonicya 5:4

Am manga kakteh, beken a kamo amyan do kasarisaryan a ji makaziman so araraw no yai ni Yeso, akman so tao a ji makaziman so manakaw a tao do mahep.

2 Pite 3:11

No si manoyong o kakman na sang a mabalinas no makakaday am makongo kamo so wanjin a tao. Am ori an, kakzan nyo no ji meylimoteng so onowned a tao a omraralay ni Ama ta do to,

2 Pite 3:12

a omapananala so araraw ni Ama ta do to a ji meyyahahay a makaranes. No si marateng o araraw ori am matemtem o masaod no hanit. So ikabo na rana no masaod no hanit a omonag no lila no apoy.

2 Pite 3:7

Am sicyaikwaya am yajyablis o hanit a kano teyrahem, do yana kahad sya no ciring na ni Ama ta do to, mangay do itemtem na so hanit a kano karawan a kano ji manganoyong a tao, no marateng rana o araraw no ipeykapyapinpin na so tao ni Ama ta do to.

Yota 1:6

Naknakmen nyo sira o nimeyraraten a tinsi a ji niomamizing si Ama ta do to a to ngaro do apiya yanan da do teyngato. Sira rana am na sira to peyyononga yavaoden ni Ama ta do to a yaneban do kasarisaryan a yaomapanala so araraw no ipasingkad na sira.

Ipaziman 16:15

“Amizngen nyo an. No mai ko am akma koy manakaw a ji mapaziman a mai. O meytataziman a tao am tey yapya o akman sang, ta nyayoban na rana o kataotao na. So ji na rana macimasesneki no kataotao na do tangain no tao.”

Ipaziman 20:11

Meyratateng am makacita ko so malavang a rako a lilisnan no panirsirngen a kano amlisna do dang. Ji rana cita o hanit a kano teyrahem a tomayo do tangain na.

Ipaziman 21:1

Makarahan am makacita ko so vayo a hanit a kano vayo a teyrahem. O nimanmanma hanit a kano teyrahem am ji rana cita. Akman sang o awa a ji rana cita.

Ipaziman 3:3

Am peyyanen nyo do onowned nyo o yanyo nimamizing a nanao ni Ama ta do to a kapangononong nyo jya a komaro do raraten nyo. No si ji kamo yokay am ji ko mapaziman a mai akman so manakaw a tao. Jyabo kapakateneng nyo do araraw no yai ko a.

Ipaziman 6:14

O hanit rana am akma raney vakong a nikowkow a todabo. O tokon a kano mahataw am mablis sira do yanan da.