2 Pite 3:1 - Seysyo No Tao

¹ Manga kakteh, oya rana am ikadwa na ya no teygami ko jinyo. Yameynanod yadwa ka teygami a yana adketan no ciring a yako ipaziman jinyo, a yako ivavaga jinyo a peyparakwen so nakenakem.

2 Pite 3:1 ပူးပေါင်းရင်းမြစ်များ

Matay 5:8

“O ji meylimoteng so onowned a tao am tey yapya sira. Ta mangay kapakacita da si Ama ta do to no makwa.

2 Kedinto 13:2

Ko ipanci pa jinyo akman so nipaziman ko na jinyo no keypidwa ko a mai jinyo no kakwa. Am manakem nyo no kaji ko pa angayan jinyo sicyaikwaya an. Ta no ipisa mai ko am jyabo asa ka tao a makatayo do oyaoyyan ko ninyo a.

1 Timotay 5:22

Ji mo to minaknakman o kapamnek mo so tomalamozong no kyokay, ta citahen mo pa o iwawalam na, do kapya na, karahet na. Ta no si myan so raraten na am macilovot ka dang. Ji mo ablisi o apiya nakenakem mo.

2 Timotay 1:6

Am ori o yako pancyan nya jimo, makowyat ka meyvazay an. Ta naknakmen mo o oyowyat a nitoro na jimo ni Ama ta do to no kaparapong ko so lima ko jimo a ipeynozi no kakwa pa.

Sipolay 6:9

Am inyo rana manga keypong am tana akman sang o ciring ko am yako anoyngan o kapyapya na pa no mahap nyo a patazadangen na ni Ama ta do to do teyngato.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

1 Pite 2:11

O ko ipanci pa jinyo manga keypong am tamo akmey miseysan do karawan. Ji nyo to ngonongonongi o nakenakem nyo. Ta o marahet a onowned ta am ipeyparai ta ji Ama ta do to.

2 Pite 3:14

Am ori an manga kakteh an, no kamo manoyong a yamapananala so araraw ori am makowyowyat kamo pa mapeyvazay so apya vazay a abo so karatan a macikaop ji Ama ta do to.

2 Pite 3:17

Am nyo na katenngan o yakman sang a ciring, manga kakteh. So azimanan nyo sya, ta kalittan kamo so onowned a peykowawen so nakem no yaji macipayok so nakem a tao.

2 Pite 3:8

Am ji nyo a hamangi o meykasa vazay, manga kakteh an. Tana kasaraw a tana makazivo awawan am meyyangay ori ji Ama ta do to.

Yota 1:5

Tana nyo na mamimin o akman sang a vazay a katenngan am ko paolin a ipanci jinyo o nisidongan na sira ni Ama ta do to so Isedi a tao a nikomaro do Ayci. So nibalinas na so karwan da ji manganoyong a tao.