2 Pite 2:3 - Seysyo No Tao

³ Sira rana malas so ipangnanao a tao am mangamaog sira so ciriciring a ipeylimwang da ipangap da so apzapzatan no tao a ikadpeh jira. So iyan na rana no kakwa no oyyan na nira ni Ama ta do to. So ikanoyong da rana ji rana makasaway do pasingsingtan na jira ni Ama ta do to.

2 Pite 2:3 ပူးပေါင်းရင်းမြစ်များ

Matay 23:14

[To kamo makasi an. Nyo littan o vao a mavakes a yahapen so kangangay. Nyo to ngida o inozi nyo a to napyapya so nakem. So ikanoyong nyo a peydednan no rako a peyoyaoyyan na ni Ama ta do to.]

Locya 18:8

Ko pa ciring jinyo am makeykai na inyo a sidongen. Am no meysinaoli ko am manngwa, makakala ko so manoyong a meyhanhan nyaken do karawan eya?”

Locya 20:20

Am ori o to da macyozai jya. So nipantan da no tao so nizpi a to napyapya so nakem a mapacici si Yeso. Ta kalahen da o ciriciring na amraherahet so seyvo.

Locya 22:47

Ji pa nikomavos o ciring ni Yeso am mangay sira o aro a tao a palolwen na no asa ka macinanao jya a meyngaran so Yota. Iya rana am to manmanma a mangay omrapong si Yeso.

Yowani 2:16

Maniring do manazang no hato a tao am, “Powbot kamo na o nyo ipanazang. Ji kamo todey meypananazangan do yararalayan ni Ama a vahay.”

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

1 Tesalonicya 2:5

Nyo katenngan yamen a yaji manlita so tao no ciriciring namen. So na ikabo no yamarahet a aktokto namen. Ta si Ama ta do to am yongkad namen a manoyong so ipanci.

1 Tesalonicya 5:3

No si maniring o tao am, “Cyaha, ta tanyo apiya,” am jyakman sang, ta jyaziman o alalaw a makaranes a ombalinas sira, akman so meyrehrehmet a mavakes a ji rana makatayo do alalaw na.

1 Timotay 3:3

jyasaki, ji macililiman, apiya o nakenakem so icyatatao, ji mangamkam so nizpi.

1 Timotay 3:8

O somidong rana so tomalamozong no kyokay a tao am akman sang, ta apiya o icicirawat da. So ji da mangononongi so malas a ciriciring. Jyasakisakin. Beken a nizpi o manakem da.

1 Timotay 6:5

Ta ori o yapwan no kato da mangamaogan so malas a nakenakem a kano marahet a icicirawat da. O nakenakem da nira omraralay ni Ama ta do to am naknakmen da o kapeynizpi da nya.

Tito 1:11

Ji mo mamyapyan sira o akman sang a tao a meyzezyak an. Ta sira rana am da naknakmen o da kapangamkam so nizpi do icyatatao da. So na ikaro rana no tao do peykavakavahayan na nipeykaraherahet no malas a nanao da.

Tito 1:7

Ta o manoyong a yamahap so vazay na ni Ama ta do to a yatomalamozong no kyokay am abo o karatan na. Ta iya rana am ji mapahama so nakem. Jyaoyaoyahen. Ji mapeyvazay so keyyop so saki. Ji mamakbak so tao. Ji mangamkam so nizpi no icyatatao na.

1 Pite 2:8

Maniring pa do Seysyo am, “O Vato rana ori am cikadan da no tao a ikalektek da.” O icikad da no tao am ji da nganoyngi o ciriciring na ni Ama ta do to. Ori rana am ahapan na ni Ama ta do to so ji manaralay a tao.

1 Pite 5:2

Pakapyahen nyo sira nanawen o akma ney kagling ni Ama ta do to a yana nitoro jinyo a yaponged nyo. Am taosya o kasalit nyo so onowned a mapeyveyveken sira. Beken a no panizpin da inyo o ipeyvazay nyo. Ta manoyong o kasaray no onowned nyo a somidong sira.

2 Pite 1:16

Beken a namen to mangamaog so kavavatanen a namen ipamizing jinyo a yamanci no keypirwa na mai ni Yeso Kizisto a yatey mowyat a Panirsirngen ta. Ta manoyong o kanimakacita namen sya a tey mazway a Tao do to.

2 Pite 2:1

No kakwa do Isedi am amyan so nimalas so ipangnanao a tao. Akman sang jinyo, ta no makwa am amyan so malas so ciring a tao. Sira rana am ipeylimwang da o iparai no pahad nyo ji Ama ta do to, mangay ji Yeso Kizisto a nimawakwak nira o alalasan da. Am o akman rana sang a tao am ji meyyahahay o kapeydedna na jira no oyaoyyan na nira ni Ama ta do to.

2 Pite 2:9

Am katenngan na ni Ama ta do to a pahawahen sira o jyablis so onowned a makanakem sya a tao do alalaw da. So ipakateneng na ni Ama ta do to do meyraraten a tao a pasingsingtan no marateng o araraw na no peykapyapinpinan na so tao.

Yota 1:11

Sira rana am to sira makasi, ta da to nginara o mina vazay ni Kayin a kani Palang a nimakza no nizpi. So da icyakman si Kela a jya niomamizing si Moyse. So icyakman da sira ori a balinasen na ni Ama ta do to.

Yota 1:15

a mapeykapyapinpin so tao do karawan, a mapasingsingkad do meyraraten a tao. Ta ji sira macipayok so aktokto a meynyagamo ni Ama ta do to.”

Yota 1:16

Masangib sira meyoyaoya a ji makamyamya no peymeymasaodan da. Da to ngonongonongi o nakenakem da, mapakazwazway no ciring da. Apiya o ciring da a ipeha da do icyatatao da.

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.

Yota 1:7

Naknakmen nyo o tao a yameyvahay do Sotoma kado Hamola kano yamacitangked do dang so ili a tao a yamapasala so aktokto da a yamapeyvazay so macimasesnek a vazay. So ikanoyong no jyahesep a lila no apoy a nimangay meydedna jira. O akman rana sang a vazay am ikananao da rana ori no meyraraten a tao.