2 Pite 2:2 - Seysyo No Tao

² Tana somagpyan sira am amyan so aro a tao a macilolo jira a mapasagpyan so nakenakem da. So ikanoyong no nanao na ni Ama ta do to a pasagsagpyanen da no tao.

2 Pite 2:2 ပူးပေါင်းရင်းမြစ်များ

Matay 22:16

Meyratateng am mapahanhan sira so macinanao jira tao a macihza do macikagom ji Helote a tao a mangay ji Yeso. Maniring sira jya am, “Mo Mangnanao, namen katenngan imo a yaji mangalalas a tao. Ka ji mapeypilipili so tao no jyangowa Ciriciring na ni Ama ta do to.

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Matay 7:14

O asdesdepan a rarahan a meypangay do kavyayan no pahad am meylid ori a masalit a pangonongan. Apereh o tao a makakala so sang.

Make 12:14

Maniring sira ji Yeso am, “Mo Mangnanao, namen katenngan imo a yaji mangalalas a tao. Namen katenngan imo a yamapeyyangangay so tao a nanawen, do mo kapeylimwang no ciriciring na ni Ama ta do to. Am pancyan pala jyamen. Manngwa, apya do iwawalam ta o katoro ta do panirsirngen no Loma si Kaysa an? Manngwa, tomoro namen an? No ji namen noro.”

Make 13:22

Ta amyan so tao no makwa a manci no ka si Kizisto da kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da do nipamnekan na ni Ama ta do to a yamraralay nya tao.

Yowani 14:6

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Nimlivolivon 13:10

Maniring jya am, “Imo rana ya am kamo meyyangay so nakenakem a kani Satan a yaji ngahap so vazay ni Ama ta do to, do mo kapanlita a yaomalalas do ciriciring na ni Ama ta do to.

Nimlivolivon 14:2

Am o jyakey a manganoyong a tao do Yotay am pasozisozin da sira o beken a tao do Yotay a macioya do amraralay ni Yeso.

Nimlivolivon 16:17

So to na maciloloi jyamen do rarahan a amlololos. Maniring am, “Sira rana ya am da ahapen o vazay no ney manokdwan na Tao do to. Yada ipeylimwang o Tao do to a mapatazadang jyaten do teyngato.”

Nimlivolivon 18:26

Ori o ji na rana mogawi a mangnanao do peyneynozyan. Mamizing ni Paycila kani Akwila am rarahen da mangay do vahay da kapanci da no ji na pa nimamizing a nanao a omagaz ji Yeso. Ori o nikapiya na rana no ipangnanao na.

Nimlivolivon 19:9

Am tatasa jira o ji mapownot so nakem da amraherahet so nipangnanao ni Pawlo a omagaz ji Yeso Kizisto. Am ori o nipalolwan na so sinjya ni Pawlo a komaro jira. So nipangday da so araw a meysirisiring do pangananawan na vahay no meyngaran so Tilano a tao.

Nimlivolivon 22:4

No kakwa pa am makdeng ko a nimapakakasi so amraralay ni Yeso a tao. So niyan no nimawakwak ko jira ang. Tana mavakes a tana mahakay am abo o ji ko rakpa jira a pain do pamemtengan.

Nimlivolivon 24:14

Am yasa ka vazay pa o ko ji naywa jimo. Ori rana am ko anoyngan o da iraralay no ineynapo namen. Ko anoyngan o iwawalam ni Moyse a kano nivatvatkan da no panoyonoywan na so ciring ni Ama ta do to. So na ikanoyong no ko kahap so yada ipanci a malas a nanao.

Loma 2:24

Ta maniring do Seysyo am, “Inyo a tao do Yotay o na yapwan no da kakolala so ngaran na ni Ama ta do to no beken a tao do Yotay.”

1 Timotay 5:14

Am ori o ko apyapyan so malavayo a vao a mavakes a mirwa pa macivahavahay a mangahanas a kapeyveyveken da so kavavahay da. Ta ori o ikabo no iraherahet da jyaten no ji nganoyong ji Yeso a macioya jyaten a tao.

Tito 2:5

Apzatan da o kataotao da a kateneng da meyvazay do kavavahay da apya so nakenakem a ji mapasobna do kahanghangan da. Ta ori o ji da rehrehci sya no tao so nanao na ni Ama ta do to.

Tito 2:8

Ji mo palasa o ciring mo. Ta ori o ji da namwaji jimo no tao. No si makman ka sang am ji sira todasnek rana o macioya jyaten a tao a ji makakala so karatan ta, do kabo no kalalasan ta.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

2 Pite 2:12

Am o malas so ipangnanao a tao am sya akmey omalalam a yaji makateneng do kasnekan da a yamapananala so omwakwak sira a tao. Da ikazyak o yada jyatenngi a vazay. So ikanoyong na mangay jira no peyoyaoyyan na ni Ama ta do to,

2 Pite 2:15

Da peymakarwan o apiya rarahan. So da ikanoyong a yamavozaw a yaominara so anak ni Peyley a meyngaran so Palang. Iya rana am ikeykakza na pa o keyyan no nizpi na, ji na ngezsangan o kapeyraraten na.

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.

2 Pite 2:21

O to ngaro do apyahen na vazay ni Ama ta do to amraralay nya am apyapya rana kaji na nimakamizngan so Ciriciring na ni Ama ta do to.

2 Pite 2:7

Nivyay na o meyngaran so Lote, do kapya no onowned na. Iya rana am ikarahet na no onowned sira o meyraraten a tao.

Yota 1:10

Am sira rana a malas so ipangnanao a tao ori am da to rehrehta o yada jyatenngi a vazay. So da icyakmey omalalam a ji makateneng do apya kano marahet. Ori rana o ipakasapa da so peyoyaoyyan na ni Ama ta do to.

Yota 1:15

a mapeykapyapinpin so tao do karawan, a mapasingsingkad do meyraraten a tao. Ta ji sira macipayok so aktokto a meynyagamo ni Ama ta do to.”

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.

Yota 1:7

Naknakmen nyo o tao a yameyvahay do Sotoma kado Hamola kano yamacitangked do dang so ili a tao a yamapasala so aktokto da a yamapeyvazay so macimasesnek a vazay. So ikanoyong no jyahesep a lila no apoy a nimangay meydedna jira. O akman rana sang a vazay am ikananao da rana ori no meyraraten a tao.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 13:14

So nipakahap na so rako a oyowyat a meyvazay so mapangyangyalak a vazay do tangain no nimanma na omalalam. Am ori o nilittan na do tao do karawan. Ipanci na o tao do karawan a mamaring so kamamagenan no nimatavaz no ipangan a omalalam.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.