2 Pite 2:14 - Seysyo No Tao

¹⁴ Yabo da ji nitanita no mata da. Da pa ji makamyamyan o yamakakaday a yada peyraratenan. Da cirarahen sira o yaji makanet so onowned ji Ama ta do to a tao a mapasagpyan so kataotao da. Sira rana am da inaman o yada pangangagoman. So da ikanoyong a yana balinasen ni Ama ta do to.

2 Pite 2:14 ပူးပေါင်းရင်းမြစ်များ

Matay 12:34

Inyo rana macitapas do tokza so onowned a tao am abo o apya ciring a powboten nyo.

Matay 23:14

[To kamo makasi an. Nyo littan o vao a mavakes a yahapen so kangangay. Nyo to ngida o inozi nyo a to napyapya so nakem. So ikanoyong nyo a peydednan no rako a peyoyaoyyan na ni Ama ta do to.]

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Matay 5:28

To ko na macitangayan jinyo am no makacita so mavakes a kasala no nakenakem am akmey to mangononong o nakenakem jya.

Make 13:22

Ta amyan so tao no makwa a manci no ka si Kizisto da kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da do nipamnekan na ni Ama ta do to a yamraralay nya tao.

Yowani 5:44

Nyo ikeykakza pa o da kazwazway jinyo no kadwan jinyo. Nyo jyakzan o azwazway a yapo ji Ama ta do to. Ori o yanyo ji nganoyngi jyaken.

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

1 Kedinto 11:19

So na jyalasi no nyo kasyasyay so nakem. Ta ori o ipakateneng do manoyong rana so nakem ji Ama ta do to.

Ivoso 2:3

No kakwa am akman tamo sira a to mangozangozay do nakenakem da. Am ori o ikanoyong ta meyraraten a tao a pasingsingtan na ni Ama ta do to no makwa.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

Kelosi 2:18

Ji nyo ngonoci sira o mapakateneteneng a tao a manci no kapakacita da so mapangyangyalak a vazay a kano tanwasiwasi a amraralay no tinsi. Ta mapehes jinyo o akma ney nakem jinyo ni Ama ta do to. Ta o akman rana sang a tao am to da mangozangozai o nakem da a tanteneteneng.

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.

2 Pite 2:3

Sira rana malas so ipangnanao a tao am mangamaog sira so ciriciring a ipeylimwang da ipangap da so apzapzatan no tao a ikadpeh jira. So iyan na rana no kakwa no oyyan na nira ni Ama ta do to. So ikanoyong da rana ji rana makasaway do pasingsingtan na jira ni Ama ta do to.

2 Pite 3:16

O akman rana sang am yamamimin do teygami ni Pawlo. Am yaro dang yamasalit a ciring ni Pawlo a yada to peypalasa a yapazsin no yaji macipayok so nakem a tao. Akman so yatatasa ciring do Seysyo a yada patareken a yaononongan. Am o akman rana sang a tao am peydednan no peyoyaoyyan na ni Ama ta do to.

1 Yowani 2:16

O makakaday rana marahet do karawan a akman so pangangagoman ta kano ta macita a ikeykakza ta marahet a kano pahaman ta so nakenakem ta am mamimin ori a monganay do raraten no tao do karawan. So ji na monganai ji Ama ta do to.

Yota 1:11

Sira rana am to sira makasi, ta da to nginara o mina vazay ni Kayin a kani Palang a nimakza no nizpi. So da icyakman si Kela a jya niomamizing si Moyse. So icyakman da sira ori a balinasen na ni Ama ta do to.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.