2 Pite 2:10 - Seysyo No Tao

¹⁰ Tarek pa sira o to mangozangozay do onowned da a ji mapanadnad so oyowyat ni Ama ta do to. Ta jyabo kaji nakdekdengan pa no pasingsingtan na jira. Pahamahen da o nakem da no malas so ipangnanao a tao a ji mapanadnad so tinsi na ni Ama ta do to.

2 Pite 2:10 ပူးပေါင်းရင်းမြစ်များ

Locya 11:25

Meysinaoli am macita na o tao ang a makownong rana jya. Ta abo nimacipalit a nikomovot jya.

Locya 19:14

Ikongo do pacioyyan da ori no keylyan da, am ori o nipanovoy da so tao a mangay manci nya do rako a panirsirngen da so kaji dakzan nya a panirsirngen da.

Nimlivolivon 23:5

Maniring si Pawlo am, “Manga kakteh, no ko nikatenngan ori a panirsirngen no mapatanatanang so nakem si Ama ta do to am ko jya nioya. Ta o ciring do Seysyo am, ‘Ji nyo ngavaya o panirsirngen nyo.’ ”

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

1 Kedinto 6:9

Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

2 Kedinto 10:3

Tana namen macizavoz do tao do karawan am o namen ipacirawarawa am beken a yamonganay do karawan.

Ivoso 4:19

Da jyatenngi o da kanigan a yato mangozangozay do nakem da yamapasagpyan so aktokto da.

Ivoso 5:5

Ta o mangzakza kano mangagom a tao am ji na nalamozongan o akman sang ni Yeso Kizisto a kani Ama ta do to. Ta akma ney pahamahamahen pa o pangagoman na kani Ama ta do to.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

1 Tesalonicya 4:7

O na nipamnekan jyaten ni Ama ta do to am beken a mangay ta pasagpyanen o kataotao ta, ta kakzeben na yaten a ji meylimoteng so onowned.

2 Timotay 3:2

Ta o kataotao da o manakem da. O kapangamkam da so nizpi. O kapahama da so nakem da. O kapanraherahet da. O kapasala da do inyapwan da. Ji da narayan o nisidongan da sira no tao. Jyanoyong o nakenakem da ji Ama ta do to.

Tito 1:7

Ta o manoyong a yamahap so vazay na ni Ama ta do to a yatomalamozong no kyokay am abo o karatan na. Ta iya rana am ji mapahama so nakem. Jyaoyaoyahen. Ji mapeyvazay so keyyop so saki. Ji mamakbak so tao. Ji mangamkam so nizpi no icyatatao na.

Sipolay 13:4

Naknakmen nyo o kakdeng no meysinmo a tao. Masipanadnadnad kamo so nakem a marwarog do vahay. Ta o mapasagpyan so aktokto a tao am pasingsingtan na ni Ama ta do to.

2 Pite 3:3

O ney makdeng na am manakem nyo o keyyan no to mangozangozay do onowned da tao a meykeykaming ninyo do pangavosan no karawan.

Yota 1:10

Am sira rana a malas so ipangnanao a tao ori am da to rehrehta o yada jyatenngi a vazay. So da icyakmey omalalam a ji makateneng do apya kano marahet. Ori rana o ipakasapa da so peyoyaoyyan na ni Ama ta do to.

Yota 1:16

Masangib sira meyoyaoya a ji makamyamya no peymeymasaodan da. Da to ngonongonongi o nakenakem da, mapakazwazway no ciring da. Apiya o ciring da a ipeha da do icyatatao da.

Yota 1:18

Maniring sira jinyo am, “Do kavosan no karawan am amyan so tao a komolala si Ama ta do to a meykeykaming ninyo.”

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.