2 Pite 2:1 - Seysyo No Tao

¹ No kakwa do Isedi am amyan so nimalas so ipangnanao a tao. Akman sang jinyo, ta no makwa am amyan so malas so ciring a tao. Sira rana am ipeylimwang da o iparai no pahad nyo ji Ama ta do to, mangay ji Yeso Kizisto a nimawakwak nira o alalasan da. Am o akman rana sang a tao am ji meyyahahay o kapeydedna na jira no oyaoyyan na nira ni Ama ta do to.

2 Pite 2:1 ပူးပေါင်းရင်းမြစ်များ

Matay 10:33

Omalalas jyaken do tangain no tao am alalasan ko ori do tangain ni Ama ta do to.

Matay 24:11

Meyparo sira o malas so ipangnanao a tao a mapeycyakawad so onowned no tao.

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Matay 24:5

Ta aro o tao a amvood so ngaran ko a manci no, ‘Yaken am si Kizisto ko,’ a ilita da do aro a tao.

Matay 7:15

“Azimanen nyo o malas so ipangnanao a tao. Ta akmey apiya o ipangnanao da am jyakman sang, ta tey manginanawa sira a mangalalas so ciring.

Make 13:22

Ta amyan so tao no makwa a manci no ka si Kizisto da kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da do nipamnekan na ni Ama ta do to a yamraralay nya tao.

Locya 12:9

Omalalas jyaken do tangain no tao am alalasan ko ori do tangain ni Ama ta do to a kano aro a tinsi.

Locya 21:8

Maniring si Yeso am, “Azimanen nyo an. Ta ji kamo a litai an. Ta mangay o keyyan no aro a tao amvood so ngaran ko a manci no, ‘Yaken am si Kizisto ko,’ a kapanci da pa no, ‘Yamasngen rana o araraw no kavosan no karawan.’ Am ji nyo ngonoci sira an.

Locya 6:26

“No azwazwain da inyo no aro a tao am to kamo makasi no makwa an, ta akman sang o nyazwayan da no ineynapo nyo so nimalas so ipangnanao a tao no kakwa an.

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

1 Kedinto 11:19

So na jyalasi no nyo kasyasyay so nakem. Ta ori o ipakateneng do manoyong rana so nakem ji Ama ta do to.

1 Kedinto 6:20

Ta inyo rana am na nipalit inyo no rala na ni Yeso. Am ori o azwazwain nyo si Ama ta do to no kataotao nyo an.

1 Kedinto 7:23

Inyo rana am yatey rako na nipalitan jinyo ni Ama ta do to. Am ori o ji nyo mamyapyai no tao a tomalamozong ninyo. Ta italamozong na rana inyo ni Ama ta do to.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Cyalatay 3:13

Am si Kizisto o nimalit jyaten do oyaoyyan na nyaten ni Ama ta do to a ji makataptap so iwawalam na ni Moyse. Ta o ciring pa do Seysyo am, “O nipadket da do jyojika am iya o nyangayan no peyoyaoyyan na ni Ama ta do to.”

Cyalatay 4:17

Sira rana yamnanao jinyo no malas am da kakzeben o kapacioya nyo jyaken a kaglaw nyo nira.

Cyalatay 5:20

manaralay so malas a iraralay a kano mamnek a kano meyliliman a kano maoyaoyahen a kano mararaten a kano mapeysyasyay so nakem no tao,

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

Veydipi 3:19

O mapeyvazay so sang a tao am mangay sira do kararatan. Ta o isovo da kanen o da naknakmen. Da azwazwain o yamacimanig a vazay. Da ji ngawawan o kasasaodan da do karawan.

Kelosi 2:18

Ji nyo ngonoci sira o mapakateneteneng a tao a manci no kapakacita da so mapangyangyalak a vazay a kano tanwasiwasi a amraralay no tinsi. Ta mapehes jinyo o akma ney nakem jinyo ni Ama ta do to. Ta o akman rana sang a tao am to da mangozangozai o nakem da a tanteneteneng.

Kelosi 2:8

Makapzat kamo. Ji nyo ngonoci o mapeycyakawad jinyo a nanao no tao do karawan. Ta o akman rana sang a nanao am apo do tao no kakwa. So ji na monganai ji Kizisto no da ipamizing jinyo.

1 Timotay 5:8

No myan so tao a ji rana makanakem so zipos na kano kavavahay da am peymakarwan na o nanao ni Yeso. So ikaraherahet na pa kano ji nganoyong ji Ama ta do to.

2 Timotay 4:3

Ta yamyan so araraw na no ji da ngapi so manoyong a nanao a to ngonongonong do apyahen da no nakem a ji rana mingsan so amizngen da.

Tito 1:11

Ji mo mamyapyan sira o akman sang a tao a meyzezyak an. Ta sira rana am da naknakmen o da kapangamkam so nizpi do icyatatao da. So na ikaro rana no tao do peykavakavahayan na nipeykaraherahet no malas a nanao da.

Tito 3:10

O yapwan no ipeygalagal a ipeyvwak da no sinjya a tao am ipidwa nyo sira pazimanen. No mirwa pa sira am to nyo na ngaroi sira.

Sipolay 10:29

O to ngolala so Anak na ni Ama ta do to a kano rala na a makavonas so raraten na, kato na nazibo no yamanta no tao so pangangasyan a Seyzi am o akman rana sang a tao am makongo so wanjin. Naknakmen nyo pala. Jyabo kaji nakdengan no ipasingsingkad na sya ni Ama ta do to a.

1 Pite 1:8

Tana nyo jyacita si Yeso Kizisto sicyaikwaya am nyo katenngan o nyo kararalay nya. Abo rana o ciriciring jinyo, ta kamo tey masaray rana so onowned.

2 Pite 2:3

Sira rana malas so ipangnanao a tao am mangamaog sira so ciriciring a ipeylimwang da ipangap da so apzapzatan no tao a ikadpeh jira. So iyan na rana no kakwa no oyyan na nira ni Ama ta do to. So ikanoyong da rana ji rana makasaway do pasingsingtan na jira ni Ama ta do to.

1 Yowani 2:26

O yadomket do teygami ko a ciring am yako ipaziman jinyo do kaji nyo ngamizngan so malas so ipangnanao a tao.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.

Yota 1:18

Maniring sira jinyo am, “Do kavosan no karawan am amyan so tao a komolala si Ama ta do to a meykeykaming ninyo.”

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.

Ipaziman 13:14

So nipakahap na so rako a oyowyat a meyvazay so mapangyangyalak a vazay do tangain no nimanma na omalalam. Am ori o nilittan na do tao do karawan. Ipanci na o tao do karawan a mamaring so kamamagenan no nimatavaz no ipangan a omalalam.

Ipaziman 2:13

Ko katenngan na katey mowyat ni Satan do yanyo peyilyan. Am yanyo jya nipasaklangan yaken no kawakwak da so meylimwang no ciring ko a tao a meyngaran so Antipa do italamozong na ni Satan a ili nyo. Nyo jya nipeymakarwan yaken a iraralay.

Ipaziman 2:9

Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.

Ipaziman 3:8

Ko katenngan o kasasaodan nyo. Ko katenngan nyo kajyowyatan. Am nyo kapangononong do nanao ko a yaji mapasaklang jyaken. Ko na niwangan o yasa ka pazezevngen do tangain nyo. O ko niwangan a pazezevngen am abo rana tao a makaneb jya.

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.

Ipaziman 6:10

Maniring sira amlololos am, “Mo Panirsirngen a tey mowyat a tey meynakem a manoyong a ipeyhanhan, si mango am pacicin mo a peykapyapinpinen mo o tao do karawan a mangonong nyamen a yada niwakwak.”