2 Pite 1:8 - Seysyo No Tao

⁸ Mamimin ori a ahapen nyo. Ta ori o iyan no peypeypangayan no kararalay nyo ni Kizisto, do kapakateneng nyo rana ji Yeso Kizisto a Panirsirngen ta.

2 Pite 1:8 ပူးပေါင်းရင်းမြစ်များ

Matay 13:22

O nizomsi do katamtamkan am katonodan no tao a omamizing so nanao ni Ama ta do to. Am masanga no vazay na do karawan a kalita jya no peymeymasaodan na. Am ori o ikabengbeng no ciring na ni Ama ta do to do onowned na.

Matay 20:3

Ikasyam na no vatvatek do apnezak am mangay pa meykala so tao. Karahan am to na cita sira o tatasa ka tao a abo so vazavazay.

Matay 20:6

Ikalima no vatvatek do ikakoyab na rana am nimakacita so tao a meytatanek a abo so vazay. Maniring jira am, ‘Ikongo nyo to meytatanki do jya yabo so vazay.’

Matay 25:26

Maniring o lawpan am, ‘Imo rana am tana ka marahet pa ka jyalma a lamlamsoy am no mo katenngan yaken a yakomakzeb so keyyan no mahap ko do kabwan no nimowa ko am

Yowani 15:2

O ji malasi a yangaw a macinapnap jyaken am akteben na. O malasi a yangaw na am vezeden na, kato na ngarokan no asi na.

Yowani 17:3

O to meyyonong a ikavyay no pahad da am ipakateneng da jimo a ney manoyong na Tao do to, a kapakateneng da ji Yeso Kizisto a nitovoy mo do karawan.

Yowani 5:42

Ko katenngan o onowned nyo a yajyakza ni Ama ta do to.

Loma 12:11

Taosya o malma, ta kowyat nyo a meyvazay. Ahapen nyo o makdeng a nakenakem nyo a omahap so vazay na ni Ama ta do to.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

2 Kedinto 13:5

Ileylamdamen nyo pala o kataotao nyo. Manngwa, nyo pangononongan o nanao na ni Ama ta do to? Manngwa, nyo jyatenngi na keyyan ni Yeso Kizisto jinyo? No si abo am ji kamo anoyong pa a omanoyong jya.

2 Kedinto 8:2

Tana tey makdeng o nilamdaman na sira ni Ama ta do to am sira na to naray. Tana mavak o velek da am da makto o da kapeykingking so da ipanidong.

2 Kedinto 8:7

O yamakakaday a yamyan jinyo a nakenakem nyo si Ama ta do to a kano teneteneng nyo a mangononong a kano kowyowyat nyo a manidong so tao a kano aryarilaw nyo jyamen am yateywara rana an. Am ori o namen kakzan inyo a yajingbeywan do akman sya panidongan so tao.

2 Kedinto 9:14

So da ikakdeng no tao a yameyneynozi ninyo, do da kapakacita so aryarilaw na jinyo ni Ama ta do to.

Veydipi 1:9

O ko peynozyan ninyo am kaji na meypahahayan no pangangarilawan nyo a meypahagnat. Akman sang o teneteneng nyo a makapatak no makakaday a vazay.

Veydipi 2:5

Inarahen nyo si Yeso Kizisto an.

Veydipi 3:8

Beken a ori an. Ta yamaharahara rana o nakem ko ji Yeso Kizisto sicyararalay ko na nya. Yako ipanci o makakaday a vazay a yabwata so angangayan, do yako kapyapya pa so ko kapakateneng ji Kizisto a Panirsirngen ko.

Kelosi 1:10

No si akman sang am manoyong kamo na macipayok so vazay ji Yeso Kizisto a Panirsirngen ta, do kahap nyo so vazay na a meypahagnat rana so onowned a makateneng rana ji Ama ta do to.

Kelosi 2:7

Payamoten nyo o nanao na ni Yeso Kizisto do onowned nyo a kapeypahagnat nyo na so nakenakem jya. So sarayan nyo nya ji Ama ta do to.

Kelosi 3:16

Pakolivavahen nyo do onowned nyo o nanao ni Kizisto. Pangozayan nyo o teneng a nitoro na jinyo ni Ama ta do to a macinanannao. Meyyanwanood kamo so Anwanood ni Tawey a kano meyngongyod apo do onowned nyo a yanood nyo si Ama ta do to.

1 Tesalonicya 3:12

Inaoy no si oyatan na inyo a meypahagnat so pangangarilawan a marilaw no kadwan jinyo, pacyangayan no karwan no tao, akman jyamen a yamarilaw ninyo.

1 Tesalonicya 4:1

Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

1 Timotay 5:13

Sira rana am kalivolivon da meyyowyaw a abwata so vazavazay. O maraherahet pa vazay da am ikazyak da o beken a vazay da, kapeygamogamo da no marahet a ciriciring.

Tito 3:14

Ipanci mo do kakteh ta do cinai o kowyat da omhakakaw a amyaw no velek da a kasidong da so makasi a tao. Ji da nginara o to meyyowyaw a abwata so angangayan a tao.

Veydimeng 1:6

Ko ipeynozi ji Ama ta do to o kapeyraporapong na jyaten do yata kakmey yasa a yamraralay ni Ama ta do to. So ipakateneng ta do makakaday a apya vazay a mamimin a apo ji Kizisto, do yata kapeyhanhan ni Kizisto a yasomidong jyaten.

Sipolay 6:12

Namen ji mamyapyan inyo a malma so onowned. Inarahen nyo sira o yaji macizizikna a yaomanoyong ji Ama ta do to a tao. Ta ori o ipakahap nyo so makakaday a nakem na jinyo ni Ama ta do to.

2 Pite 1:2

Inaoy si itoro na ni Ama ta do to a kani Yeso a Panirsirngen ta o pangangarilawan na kano ikapiya no onowned nyo, do yanyo kanoyong a yarana makateneng ji Ama ta do to a kani Yeso Kizisto.

2 Pite 1:3

Na rana nipazanod yaten ni Ama ta do to no oyowyat na, akma ney anak do karawan. Am ori o ji tamo meylimotengi so onowned do araraw. O tamo ipakahap so sang am yaomagaz do tamo rana kapakateneng ji Ama ta do to a yanimapanop jyaten a yamapazanod jyaten do inawan na kano azwazway na ni Ama ta do to,

2 Pite 2:20

No si amyan so tao a makateneng do Panirsirngen ta si Yeso Kizisto a mapatazadang jyaten do teyngato a kanikomaro na rana do makakaday a raraten do karawan, a kaoli na pa so mina raraten na am arakorako pa o kanginanawan na no nang.

2 Pite 3:18

Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.