2 Pite 1:7 - Seysyo No Tao

⁷ Makakdekdeng kamo pa omraralay ni Ama ta do to a marilaw no akma nyoy kakteh do cinai. Inarahen nyo si Ama ta do to so pangarilawan a marilaw no aro a tao.

2 Pite 1:7 ပူးပေါင်းရင်းမြစ်များ

Loma 12:10

Masicyakarilaw kamo an. Ta inyo rana am akmey meyketeketeh kamo do tangain na ni Kizisto. So ipasikakanig nyo.

Cyalatay 6:10

Am ori an, no myan so sidongan ta so icyatatao ta am sidongen ta sira an. Am arakorako pa o sidongan ta so akma tey kakteh do cinai an.

Kelosi 3:14

O ney makdeng na do makakaday a vazay am pangangarilawan. Ta o pangangarilawan rana am mapeypayopayok so onowned ta do icyatatao ta.

1 Tesalonicya 3:12

Inaoy no si oyatan na inyo a meypahagnat so pangangarilawan a marilaw no kadwan jinyo, pacyangayan no karwan no tao, akman jyamen a yamarilaw ninyo.

1 Tesalonicya 5:15

Azimanen nyo an. Ji nyo patonggali o macioya jinyo a tao an. O kapasicyakarilaw nyo. O tey kakza da vazay no icyatatao nyo am peyvazain nyo.

Sipolay 13:1

Mangday kamo do araraw a masicyakarilaw a akman so meyketeketeh do cinai.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

1 Pite 2:17

Ikanig nyo o kadwan jinyo. Ikarilaw nyo sira o akma nyoy kakteh do cinai. Panadnaden nyo si Ama ta do to. Ikanig nyo sira o makayokod ninyo a tao.

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.

1 Yowani 3:14

Yata rana katenngan o yata kanimablis rana so onowned. O ta ipakateneng dang am ta ikarilaw o akma tey kakteh do cinai. O abo so pangarilawan na am mavaod pa ori no raraten.

1 Yowani 3:16

O ta ipakateneng do pangangarilawan na ni Ama ta do to am si Kizisto nitomoro no inawan na jyaten. Am ori o ikasaray ta manidong so tao. Tana mangay rana o inawan ta do panidongan ta so akma tey kakteh do cinai am cyaha. Apya akman sang.

1 Yowani 4:21

O ciring na jyaten ni Yeso Kizisto am o omraralay ni Ama ta do to a tao am ikarilaw na o akma ney kakteh do cinai.