2 Pite 1:6 - Seysyo No Tao

⁶ Apzatan nyo o onowned nyo do icyatatao nyo. Meypahagnat kamo so onowned a ji mapeyyan do onowned nyo so makakaday a alalaw. Ta ori o ikakdeng nyo rana so nakem a amraralay ni Ama ta do to.

2 Pite 1:6 ပူးပေါင်းရင်းမြစ်များ

Locya 21:19

Ipakowyowyat nyo pa a meyhanhan nyaken. Ta ori o ipakahap nyo so to meyyonong a ikavyay no pahad nyo.

Locya 8:15

O nimakas do apya so tanatana am akman so tao a omamizing so ciring na ni Ama ta do to a meyngongyod a meyhanhan nya do onowned da.

Nimlivolivon 24:25

Karahan am ononongan na rana ni Pawlo jira a meyyaven do vahay o kapiya no icicirawat a omzat do onowned mangay do ikarateng no araraw na no ipeykapyapinpin na so tao ni Ama ta do to. Mamizing na ori ni Veydise am manyahey rana o onowned na. Maniring ji Pawlo am, “Angay rana. No ipanci ko imo am mai ka.”

Loma 15:4

O ciriciring do Seysyo a yadomket am yamamimin a yana inanao jyaten ni Ama ta do to. O peypeypangayan no nang am ikait jyaten a meyhanhan ni Ama ta do to, kasaray ta amnanala so itoro na jyaten ni Ama ta do to.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

Loma 8:25

Am no ipeyhanhan ta o yaji macimatai am manoyong kaji ta maciziziknan a omnanala sya.

1 Kedinto 9:25

O abwangen da macipalalayo a tao am tey mazikna sira ori. Ta ori o ipakahap da so azaw da. Am o yata kakzeben am jyararalaw a azaw ta ji Ama ta do to.

2 Kedinto 6:4

Yamen rana do yamakakaday a vazay am yanamen akmey tongbowa o yameykamadadayan a alalaw, do namen kanoyong a lamlamsoy ni Ama ta do to.

Cyalatay 5:23

ji mapahama so nakem, ji to mangozangozay do nakem. So ikabo no pasobnan na a ciriciring na ni Ama ta do to no akman sang a tao.

Kelosi 1:11

Ta iya rana am tey mowyat. So namen peyhanhanan nya a makasidong jinyo a jyamama no makakaday a alalaw a masaray rana so onowned.

1 Tesalonicya 1:3

No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

2 Tesalonicya 1:4

Am ori o namen azwazwayan jinyo do peycyakyokyokayan na a namen angayan. Tana yarako o alalaw nyo a da peyrarehten no tao do nyo kanod ji Yeso am yajyablis o nakenakem nyo an. Am ori o namen azwazwayan jinyo.

2 Tesalonicya 3:5

Inaoy no ipeypalanginan na inyo ni Yeso a kapeypahagnat nyo so nakenakem a makateneng do karilawan na ninyo ni Ama ta do to. So ikanoyong nyo a ominara si Kizisto a tongbo so alalaw na.

1 Timotay 2:10

Ahapen da o apiya icicirawat, ta ori o manoyong a omraralay ni Ama ta do to a mavakes.

1 Timotay 2:2

Ipeynozi nyo sira o kabtekan nyo a panirsirngen do teyrahem a kano aro a panipanirsirngen do peycyeylilyan na. Ipeynozi nyo sira a kateneng da tomalamozong no pongso da. Ta ori o ikapiya takamo do keymiminili ta, ji meyrahet so nakenakem.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Timotay 6:11

Am imo rana am na nipamnekan ni Ama ta do to a yamahap so vazay na. So peymakarwan mo na do akman sang a marahet a kahap mo so meysominogat a onowned. Macilolo ka do apyahen na ni Ama ta do to a kapeyhanhan mo nya. Ji mo a haywan o kapangarilaw mo. Ji ka hayohayowen. Ji ka oyaoyahen.

1 Timotay 6:3

Ano amyan so tao a meylimwang no macisala do ciriciring na ni Yeso Kizisto a Panirsirngen ta, kapacitarek na do ipangnanao ta ciriciring na ni Ama ta do to am,

1 Timotay 6:6

Manoyong o katey yapya no omahap so vazay na ni Ama ta do to am tana abo nizpi am masaray an.

2 Timotay 3:5

Ta sira rana am akmey manaralay sira am ji macipayok o vazay da, ta to da nazibwan o oyowyat na ni Ama ta do to. O akman rana sang a tao am ji mo macikasngeni sira an.

Tito 1:1

Yaken rana am si Pawlo ko a lamlamsoy na ni Ama ta do to a nipamnekan ni Yeso Kizisto a omlivolivon no ciriciring na. O na nipamnekan jyaken am yana tovoin yaken a mapait so onowned da no nipamnekan na tao ni Ama ta do to a omanoyong ji Yeso. So palolwan ko sira a kapakateneng da rana do nanao na no yatamo iraralay.

Tito 1:8

Isaray na o kapanaotao na so tao. Isaray na o kapanidong na so tao. Apzatan na o onowned na, kapiya na no icicirawat na. Akmey mazngang o onowned na a ji nala so nakenakem.

Tito 2:2

Vavagan mo sira o rarakeh a mahakay, ta apzatan da o onowned da an. Ji da pasala o nakenakem da ji Ama ta do to an. Ji sira hayo so nakenakem ji Ama ta do to. Ta naknakmen da o pangarilawan da so icyatatao da a kato da peykabobwan so alalaw da.

Sipolay 10:36

Ji kamo macimazikna do vazay na ni Ama ta do to. Ta ori o ipakahap nyo so mina ciring na jinyo ni Ama ta do to no makwa.

Sipolay 12:1

So yada ikatey yaro no tao a ta rana nimacita so kakdekdeng a meyhanhan ni Ama ta do to no kakwa. Am ori an o akasan ta na so makakaday a ikasengseng jyaten a kano raraten ta yakmey omvaod jyaten a kowyat ta so onowned a akman so malayo a ji macimaza do palaywan na angayan.

Sipolay 6:12

Namen ji mamyapyan inyo a malma so onowned. Inarahen nyo sira o yaji macizizikna a yaomanoyong ji Ama ta do to a tao. Ta ori o ipakahap nyo so makakaday a nakem na jinyo ni Ama ta do to.

Sipolay 6:15

Ji na macimangsahi ni Apolahan a pananalahen. Makarahan am mahap na rana o nakem na sya ni Ama ta do to.

2 Pite 1:3

Na rana nipazanod yaten ni Ama ta do to no oyowyat na, akma ney anak do karawan. Am ori o ji tamo meylimotengi so onowned do araraw. O tamo ipakahap so sang am yaomagaz do tamo rana kapakateneng ji Ama ta do to a yanimapanop jyaten a yamapazanod jyaten do inawan na kano azwazway na ni Ama ta do to,

2 Pite 3:11

No si manoyong o kakman na sang a mabalinas no makakaday am makongo kamo so wanjin a tao. Am ori an, kakzan nyo no ji meylimoteng so onowned a tao a omraralay ni Ama ta do to,

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

Ipaziman 13:10

O ipanci a vaoden am mangay kavaod sira an. O ipanci a mahap so inawan no ipangan am mangay kangay no inawan da no ipangan. So ikamimin da no amraralay ni Ama ta do to a ji macizizikna do kapeyhanhan da nya.

Ipaziman 14:12

Inyo rana a omonot do ciriciring na ni Ama ta do to a ji na lilis so nakem ji Yeso a tao am makowyowyat kamo pa omraralay nya.

Ipaziman 2:2

Ko katenngan o nyo kasasaodan. Kamo mowyat a yameyvazay a yaji macizizikna do alalaw nyo. Ko katenngan inyo a yamapengkad so meyraraten a tao a amlivolivon no yamacitarek a ciriciring na ni Ama ta do to. So yanyo ipakateneng do malas a tao.