2 Pite 1:4 - Seysyo No Tao

⁴ do na kapangononong do mina ciring na jyaten. Ori o ikanoyong nyo a komaro do ikeykakza nyo a monganay jinyo a tao do karawan a macikaop rana ji Ama ta do to a ji meylimoteng so onowned.

2 Pite 1:4 ပူးပေါင်းရင်းမြစ်များ

Loma 9:4

Sira rana Isedi a tao am nipamnekan na ni Ama ta do to a akma ney anak do karawan. So yada rana nipakacita so azwazway na ni Ama ta do to. Sira o nitorwan na no pangozayan da ciring a kano iwawalam na. So da pakatenngan rana do da kararalay ni Ama ta do to. So da rana nipakahap so nakem na jira ni Ama ta do to.

2 Kedinto 1:20

Ta na rana nipangononongan o aryarilaw na jyaten ni Ama ta do to ni Yeso Kizisto. Am ori o icyakma tey asa so onowned a manci no Amin a zomwazway si Ama ta do to.

2 Kedinto 3:18

Yatamo todamimin a yajyabengbengi so moing. Ta o tao rana a omonot do Panirsirngen ta Seyzi am amyan rana jira o azwazway na ni Ama ta do to a omyavayo sira. Am ori o icyakman da sya so icicirawat a tey mazway.

2 Kedinto 6:17

Am ori o ji nyo pehngai so onowned nyo do ji manaralay a tao. Ji kamo macizanod jira. Ji nyo nginara o malas a vazay da. Ta ori o sarayan ko ninyo.”

Cyalatay 3:16

Akman sang an, o nipanci ni Ama ta do to a nakem na a itoro na ji Apolahan a kano asa ka tao do sivosivovoong na. So ji na nimapakaciringi sya do aro a tao, ta asa ka tao. Iya rana am si Kizisto.

Cyalatay 6:8

Ta no myan so tao a to mangozangozay do nakenakem na am mangay o kapakahap na so to meyyonong a alalaw do makotokotod a lila no apoy. Am no si pangozayan na o ahapan na sya no Seyzi na ni Ama ta do to am mahap na o to meyyonong a ikavyay no pahad na do teyngato a itoro no Seyzi.

Ivoso 4:13

So ikamimin ta akmey yasa meyhanhan nya a makateneng ji Yeso a Anak na ni Ama ta do to a akmey makaveyvow a tao a makataptap rana so nanao ni Kizisto,

Kelosi 3:10

kapalit nyo rana so vayo a onowned nyo apo ji Ama ta do to, do na kaji amtadan a yasomidong jinyo a yaomyavayo so icicirawat nyo. Am ori o ikanoyong nyo rana meypahagnat a makateneng ji Ama ta do to.

Sipolay 12:10

O meysinogat a ama ta do karawan am to da mangozai o ahahapan da sya amnanao jyaten. Am alinged ori an. Am o nanawan na jyaten ni Ama ta do to am ipeypapya na jyaten. Ta ori o ipacizanod ta jya abo so karatan.

Sipolay 9:15

So ikanoyong ni Kizisto a yatomalamozong no vayo a pangozayan a ciring na ni Ama ta do to a somidong so nipamnekan na tao a omahap so nakem na jira. So na ikanoyong ni Kizisto a niomagag sira do raraten da a ji ngonot do manmanma pangozayan a ciring a nitaid na ji Moyse ni Ama ta do to.

Yake 1:27

O ipanci na ni Ama ta do to a manoyong a omraralay nya tao am ji manginanahet do nimasbang a kano vao a mavakes a makapzat do onowned na, ji macikza do tao do karawan a meyraraten.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

2 Pite 3:13

Am yaten rana am yata pananalahen o nipanci na ni Ama ta do to a vayo a hanit a kano teyrahem. O ji meyraraten o amyan do dang.

2 Pite 3:9

O nakenakem ni Ama ta do to a kano tao am ji meyyangay. Ta si Ama ta do to am ji mapainin do mina ciring na. Ta tana inyo am akman sang a na jyahaywan a pananalahen a yamamlis. Ta ji na mamyapyan o asa ka tao do karawan a mangay do kararatan. Ta ikakza na o kamimin no tao a mamlis a komaro do raraten da.

1 Yowani 2:25

Ta o ipanci na jyaten a mahap ta ni Kizisto am to meyyonong a ikavyay no pahad ta.

1 Yowani 3:2

Manga ovay, yaten rana sicyaikwaya am anak na yaten ni Ama ta do to. Am yapa jyatenngi sicyaikwaya o keyteytawan ta no makwa. Am katenngan ta o kakman ta si Kizisto so kataotao no mai, ta manoyong o kapakacita ta sya no mai.