2 Pite 1:17 - Seysyo No Tao

¹⁷ No kapeydedna na so azwazway ni Ama ta do to ji Yeso Kizisto am nimyan namen do dang. Nimapo do teyngato o ciring na ni Ama ta do to. Maniring am, “Iya rana am Anak ko ya a yako ikaglaw.”

2 Pite 1:17 ပူးပေါင်းရင်းမြစ်များ

Matay 12:18

“Cita kamo, ta iya rana am ko nipamnekan a lamlamsoy ko. So ko kaglawan nya. Ko sarayan nya. Itoro ko jya o Seyzi ko. Ipeylimwang na do tao o kapatazadang ko sira do teyngato.

Matay 17:3

Makarahan am macita da no tatlo a ka macinanao jya si Moyse a kani Idiya a tao no kakwa pa, a macisirsiring ji Yeso.

Matay 17:5

Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Matay 28:19

Am ori o yangay nyo do peycyamahamahatawan na a mapanop so tao a omanoyong jyaken, a kahap nyo so ngaran ni Ama ta do to a kano Anak na kano Seyzi a tomaktak jira,

Matay 3:17

Meyratateng am amyan so ciring a apo do teyngato. Maniring am, “Iya rana ya am Anak ko a ko tey kaglaw. So yako sarayan nya.”

Make 1:11

Makarahan am maciralay o ciring na ni Ama ta do to apo do teyngato. Maniring am, “Imo rana am Anak ko imo a ko tey kaglaw. So sarayan ko nimo.”

Make 9:7

Makarahan am to ngyan so cinalab a macita da a ambengbeng do teyngato da. Meyratateng am to ngyan so ciring a meyzezyak. Maniring am, “Iya rana am ney kaglaw ko a Anak. Amizngen nyo o ciring na.”

Locya 10:22

Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.”

Locya 3:22

So niyan na no Seyzi akman so hato a someyked do kataotao na. Am ori o niyan no ciriciring a nimapo do teyngato. Maniring am, “Manoyong ka Anak ko an. So sarayan ko nimo an.”

Yowani 10:36

Am yaken rana am na nitovoy yaken ni Ama do teyrahem. Ko ipanci pa am Anak na yaken ni Ama ta do to. Ikongo nyo pancyan nyaken a yajyaninig ni Ama ta do to.

Yowani 14:11

Anoyngan nyo o ko kapacikaop ji Ama. Ta akman sang si Ama a yamacikaop jyaken. Am no si ji nyo nganoyngi am to nyo na nita o mina vazay ko an.

Yowani 14:6

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Yowani 17:21

Ko ipeynozi sira kakma dey yasaha, mo Ama. Inaoy si macikaop sira jyaten, akman jimo a ka nyaken a yakmey yasaha. Inaoy si akmey yasa sira. So ikanoyong da no tao do karawan a makateneng do kanitomovoy mo jyaken do teyrahem.

Yowani 20:17

Maniring si Yeso am, “Ji mo minani yaken, ta yako pa jya nimangay ji Ama. Angay da kakteh ko do cinai a kapanci mo nya jira so ko kapeysinaoli a mangay ji Ama a Tao do to ta. Ta iya rana am ta kalovotan a Tao do to.”

Yowani 3:35

O Ama na am marilaw no Anak na. So na nitorwan no makakaday jya a italamozong na.

Yowani 5:20

Am yatey rako o aryarilaw na jyaken ni Ama. Yana mamimin o vazay na yana nipacita jyaken, mangay katoro na nya jyaken so arakorako pa vazay a isavasavak nyo.

Yowani 5:26

Si Ama ta do to o yapwan no to meyyonong a ikavyay no pahad no tao. So icyakman na sang no Anak na.

Yowani 6:27

Taosya o kaziknan nyo no ji mamayok a kanekanen. Ta apyapya pa o kaziknan nyo no kanen a yapwan no to meyyonong a ikavyay no pahad nyo. O kanen rana ori am yaken o yatomoro nya jinyo. Ta yaken a Nipamnekan na ni Ama ta do to a tao o tomoro no akman sang jinyo. Ta yarana amyan jyaken so oyowyat na ni Ama ta do to. Ori rana am yongkad na no yanitomovoy jyaken.”

Yowani 6:37

O pasngenen na jyaken ni Ama a tao am anoyngan da yaken a onotan. O mai jyaken a tao am ji ko likoji sira.

Yowani 6:39

O nakenakem no yanitomovoy jyaken am apzatan ko sira o nipamnekan na ni Ama ta do to a macikaop jyaken. Sira rana ori am avyain ko sira no marateng rana o araraw no kapeykapyapinpin na ni Ama ta do to so tao.

Loma 15:6

So ikalovot nyo a zomwazway si Ama ta do to a Ama na ni Yeso Kizisto a Panirsirngen ta.

2 Kedinto 1:3

Isaray tamo ji Ama na ni Yeso Kizisto a Panirsirngen ta. Ta iya rana am yamanoyong a yamarilaw nyaten a yana yapwan no makakaday a mapasaray so tao.

2 Kedinto 11:31

Si Ama ta do to a Ama na ni Yeso a Panirsirngen ta o makateneng jyaken a ji mangalalas. Iya o manoyong a azwazwain ta so ngaran mangay do kaidan no karawan.

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

2 Yowani 1:3

Inaoy si itoro na jyaten ni Ama ta do to a kano Anak na si Yeso Kizisto o pangangarilawan na kano pangangasyan na kano ikapiya no onowned ta. So to ta na noibi nya do karawan so kapangononong ta do nanao na kano pangangarilawan na ni Ama ta do to.

Yota 1:1

Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.