2 Pite 1:12 - Seysyo No Tao

¹² Tana nyo na katenngan o yamakakaday a vazay eya a yarana mapeyyan so nanao na ni Ama ta do to do onowned nyo am ko ji macimazai o ko kapaziman jinyo.

2 Pite 1:12 ပူးပေါင်းရင်းမြစ်များ

Nimlivolivon 16:5

Am ori o nipeypahagnat da so onowned do peycyakyokyokayan na. So nipangday da so araraw a meyparo no omanoyong rana ji Yeso a tao.

Veydipi 3:1

O ney manowji a ciring ko jinyo akma koy kakteh do cinai am somaray kamo, ta kamo macikaop rana ji Kizisto. So yako papirwan pa so mina ciring ko jinyo no kakwa pa. Ta beken a ikarahet nyo, ta ipeypapya nyo ori.

Kelosi 1:5

Ta no kavavayo nyo pa nimakamizing so Mapasaray a Ciriciring na ni Ama ta do to am to nyo na nganoyngi o itoro na jinyo ni Ama ta do to do teyngato.

Kelosi 2:7

Payamoten nyo o nanao na ni Yeso Kizisto do onowned nyo a kapeypahagnat nyo na so nakenakem jya. So sarayan nyo nya ji Ama ta do to.

1 Timotay 4:6

No si vahangsowen mo o aro a vazay eya do akma moy kakteh do cinai am manoyong ka lamlamsoy ni Yeso Kizisto, do kakdeng no nakenakem mo a mapeyvazay so manoyong a nanao ni Ama ta do to a yameypahagnat so onowned rana ji Ama ta do to.

2 Timotay 1:6

Am ori o yako pancyan nya jimo, makowyat ka meyvazay an. Ta naknakmen mo o oyowyat a nitoro na jimo ni Ama ta do to no kaparapong ko so lima ko jimo a ipeynozi no kakwa pa.

Sipolay 10:32

Manakem nyo no kakwa. Tana aro o alalaw nyo no kavayo nyo pa a omanoyong ji Yeso am jyabo kanimaharag nyo no alalaw nyo a.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.

2 Pite 1:13

Do ko iyan pa do karawan am jyabo kapacimaza ko jinyo a vavagan a peyparakwen so nakenakem a.

2 Pite 1:15

Jyabo o kapacimaza ko do yamakakaday a nanao na ni Ama ta do to a ipamizing jinyo a, a kaji nyo rana makahamangan jya, do italikan ko rana do karawan.

2 Pite 3:1

Manga kakteh, oya rana am ikadwa na ya no teygami ko jinyo. Yameynanod yadwa ka teygami a yana adketan no ciring a yako ipaziman jinyo, a yako ivavaga jinyo a peyparakwen so nakenakem.

2 Pite 3:17

Am nyo na katenngan o yakman sang a ciring, manga kakteh. So azimanan nyo sya, ta kalittan kamo so onowned a peykowawen so nakem no yaji macipayok so nakem a tao.

1 Yowani 2:21

O ko peyteygamyan ninyo am nyo katenngan o nanao na ni Ama ta do to. So nyo ipakateneng do malas a beken a apo do nanao ni Ama ta do to.

2 Yowani 1:2

Ta o nanao ni Ama ta do to am yamyan do onowned ta a mangay do kaidan no karawan.

Yota 1:17

Am manga keypong, ji nyo a hamangi o ciring da no nipamnekan ni Yeso Kizisto a Panirsirngen ta a amlivolivon no ciriciring na.

Yota 1:3

Manga keypong, nimanakem ko o kapeyteygami ko ninyo a pancyan ko no kapatazadang na jyaten ni Ama ta do to do teyngato. Am apyapya pa o kavavaga ko jinyo a kowyat nyo a mangozay do nipeylimwang da rana jinyo no nipamnekan na ni Yeso a amlivolivon no ciriciring na ni Ama ta do to. Ta oya rana am yajyablis a pangozayan no amraralay nya tao.

Yota 1:5

Tana nyo na mamimin o akman sang a vazay a katenngan am ko paolin a ipanci jinyo o nisidongan na sira ni Ama ta do to so Isedi a tao a nikomaro do Ayci. So nibalinas na so karwan da ji manganoyong a tao.