2 Pite 1:1 - Seysyo No Tao

¹ Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

2 Pite 1:1 ပူးပေါင်းရင်းမြစ်များ

Matay 10:2

O ngarangaran da no macinanao jya am yadomket do jya. Ney manma na am si Simong, kasaing no ngaran na am si Pite, a kani wari na a meyngaran si Antele a kano anak ni Sipitay a meyngaran si Yake a kani wari na a meyngaran si Yowani,

Matay 4:18

Mangonong si Yeso do pasalan no rako a meybebneng a ranom a ngaranan da Cyadidi am macita na o rarwa ka tao a mangahangahahap a ngaranan da si Pite a si Simong a kano kakteh na a meyngaran so Antele a amzoyo no tawaz da.

Locya 1:47

a manoyong a Tao do to, do yana mapatazadang jyaken do teyngato,

Locya 11:49

Am o mina ciring na ni Ama ta do to am, ‘Manovoy ko so panoyonoywan ko so ciring ko a kano nipamnekan ko a tao a omlivolivon no ciriciring ko a mangay jira. Am wakwaken da sira o karwan da. Am o karwan da am peyraraheten da sira.’

Yowani 1:42

Makarahan am yangay na si Simong ji Yeso. So nisingkadan na jya ni Yeso. Maniring am, “Imo rana mo Simong am anak na imo ni Yowani. O ngaran mo na am si Civa.” (O peypeypangayan no Civa am Pite. O Pite rana am lalitan.)

Yowani 12:26

O mahap so vazay ko am macilocilolo jyaken. O yanan ko am amyan sira dang o kahanhanan ko. O mahap so vazay ko am azwain na ni Ama.

Yowani 20:21

Maniring si Yeso jira am, “Makapiya kamo so onowned an. To ko mangozai si Ama a nitomovoy jyaken. So ikakman ko sang a tomovoy jinyo.”

Nimlivolivon 15:14

O nipanci ni Simong Pite no kacitai ori am na nipanci o kanimamnek na ni Ama ta do to do beken a tao do Yotay a omanoyong jya.

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

Loma 1:12

Ala apyapya o kapanci ko no kapasipayyait ta so onowned ji Ama ta do to.

Loma 1:17

Ta o Mapasaray a Ciriciring na ni Ama ta do to o ipakateneng ta do kabnek na jyaten ni Ama ta do to a abo so raraten do tangain na. O yapwan na no nya am amyapo do kapeyhanhan ta nya. Ta maniring do Seysyo am, “O tao rana a abneken na ni Ama ta do to a abo so raraten do tangain na am mahap da o to meyyonong a ikavyay no pahad da.”

1 Kedinto 1:30

Am si Ama ta do to o yanimapanop jinyo ji Yeso Kizisto. So na ikanoyong a na yapwan no teneng ta. Iya o na niyapwan no yamvonas so raraten ta. Am ori o na abnekan jyaten ni Ama ta do to a abo so raraten do tangain na. So icyakma tey matnaw a ranom so onowned a macilovot ji Ama ta do to a ji na rana nalamozongan no raraten.

1 Kedinto 15:9

Ta ney marahet ko na jira nipamnekan na ni Yeso a amlivolivon no ciriciring na. So ikanoyong ko a ji na abneka ni Yeso a lamlamsoy na, ta niraherahet ko o kyokay na ni Ama ta do to.

1 Kedinto 9:1

Jyabo kato ko ngonongonongan do vazay ko a, ta na nipamnekan yaken ni Kizisto amlivolivon no ciriciring na. Manngwa, ko jya nimacita si Yeso a Panirsirngen ta? Manngwa, beken a inyo na kakownongan no vazay ko ji Yeso?

2 Kedinto 4:13

Ta maniring do Seysyo am, “Ko anoyngan si Ama ta do to an. Am ori o ko peylimwangan nya.” Namen akman so sang a meyhanhan nya. Am ori o namen peylimwangan nya.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

Cyalatay 2:8

Ta si Ama ta do to o yaniomoyat jyaken a mangay do beken a tao do Yotay, akman si Pite a nitovoy na ni Ama ta do to a meylimwang no Mapasaray a Ciriciring na do tao do Yotay.

Ivoso 3:5

No kakwa am abo pa tao a nimapatwaw so nanao eya a omaing ji Kizisto. Am sicyaikwaya am na rana patwawen no Seyzi do nipamnekan na ni Yeso a omlivolivon no ciriciring na tao a kado mangononong so ciriciring na ni Ama ta do to.

Ivoso 4:11

Iya o nimanta no tao so teneteneng a kano oyowyat da. Nitenngan na o tatasa ka tao a amlivolivon no ciriciring na, kapamnek na do tatasa ka tao a mangononong so ciriciring na, kapamnek na do tatasa ka tao a meylimwang no Mapasaray a Ciriciring na. So iyan no tao a panirsirngen do kyokay amnanao so sinjya.

Ivoso 4:5

Yasa o Panirsirngen ta. Yasa o ta ipeyhanhan. Yasa o ta pangozayan so ngaran a tomaktak jyaten.

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Veydipi 1:29

O na nipamnekan jinyo am beken a nyo kanoyong ji Kizisto an, ta ahapen nyo o alalaw na a mahap so vazay na,

Veydipi 3:9

Ko manoyong a yamacikaop jya. So ko na peymakarwan do mina vazay ko no kakwa. So ikanoyong ko na abo so karatan do tangain na ni Ama ta do to. O yako icyakman sang am ko ipeyhanhan si Kizisto. Beken a ko kahap so iwawalam na ni Moyse. Ta yamanoyong ya nitoro ni Ama ta do to o ikapya ko do tangain na.

2 Timotay 1:5

Ta ko katenngan o na kajyalasan no onowned mo ji Ama ta do to. O akman rana sang a onowned mo si Ama ta do to am yana nimanmanma ji Loi a akes mo a kani Yonise a ina mo. So ko anoyngan jimo a yakman sang.

Tito 1:1

Yaken rana am si Pawlo ko a lamlamsoy na ni Ama ta do to a nipamnekan ni Yeso Kizisto a omlivolivon no ciriciring na. O na nipamnekan jyaken am yana tovoin yaken a mapait so onowned da no nipamnekan na tao ni Ama ta do to a omanoyong ji Yeso. So palolwan ko sira a kapakateneng da rana do nanao na no yatamo iraralay.

Tito 1:4

Ko ipeyteygami imo, mo Tito. Imo rana do ta raralayan ni Ama ta do to am ka manoyong a akma koy anak. Inaoy no si itoro na jimo ni Ama ta do to a kani Yeso Kizisto o pangangarilawan na kano ikapiya no onowned mo. Ta si Yeso Kizisto rana am mapatazadang jyaten do teyngato.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

Yake 1:1

Yaken rana am si Yake ko a lamlamsoy na ni Ama ta do to a kani Yeso Kizisto a Panirsirngen ta. Yako ipeyminaminasi o yamavonong do peycyavanovanwan na a yamraralay ni Ama ta do to a tao.

1 Pite 1:1

Yaken rana am si Pite ko a lamlamsoy na ni Yeso Kizisto a nipamnekan na a omlivolivon no ciriciring na. Yako ipeyteygami inyo a yana yaponged ni Ama ta do to a nikomaro do ili nyo a yameyvahay do Pento a kado Cyalatay a kado Kapatocya kado Yasiya kado Potiniya.

1 Pite 1:7

O peypeypangayan no alalaw nyo am ipakateneng jinyo a manoyong so nakem ji Ama ta do to. Mapaonag no apoy o ovay. Am o nakenakem nyo ji Ama ta do to am jyabo kaji nakdekdengan pa kano ovay a jyagonay a. So ji na alasi no keyleylamdam na so onowned nyo ni Ama ta do to. No si ji kamo a hayo am mahap nyo rana o kazwayan nyo no marateng rana o araraw no yai na ni Yeso Kizisto.

1 Pite 2:7

O akmey lalitan rana am tey makdeng jinyo a omraralay ni Ama ta do to. Am o lalitan rana do ji raralay ni Ama ta do to a tao am ji da tenngi o kakdeng na. Akman so ciring do Seysyo. Maniring am, “O Vato a niwalit da no mapatnek so vahay am nimeyvoga a ney makdeng na aslet no ai no vahay.”

1 Pite 5:1

Inyo rana yakman jyaken a cyozo do kyokay am ko ipanci jinyo o kanimakacita ko si Yeso Kizisto a nipeyrarahet da kawakwak da sya. Ko ipanci jinyo o azwazway ta no makwa do teyngato.

2 Pite 1:4

do na kapangononong do mina ciring na jyaten. Ori o ikanoyong nyo a komaro do ikeykakza nyo a monganay jinyo a tao do karawan a macikaop rana ji Ama ta do to a ji meylimoteng so onowned.

Yota 1:1

Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.