2 Kedinto 8:9 - Seysyo No Tao

⁹ Nyo na katenngan o pangangasyan ni Yeso Kizisto a Panirsirngen ta. Iya rana am abwata o kakzeben na an. Ta iya rana am tey meynakem do teyngato. Am na kapanadnad jyaten. So na ikakmey makasi a tao. Na apyapyahen pa o na katoda katawwan a yamapazanod jyaten do azwazway na do teyngato.

2 Kedinto 8:9 ပူးပေါင်းရင်းမြစ်များ

Matay 17:27

Am taosya o kakma tey mapasobsobna. So to mo rana angai a mamasil. Si citahen mo o ngoso no ney manma na among mo am makacita ka so asa ka nizpi. Makanet rana ori a itoro ta deyking do rako a panaralayan.”

Matay 20:28

Akman so Nipamnekan na ni Ama ta do to a tao. Ta o na nyai am beken a ilamnain no tao. Ta mapeylamnay so aro a tao a kangay na mapasansan so kataotao na yagag na sira do peyraratenan da.”

Matay 8:20

Maniring si Yeso jya am, “Amyan so vahay no votdak, amyan so vahay no lapik. Am yaken a Nipamnekan na ni Ama ta do to a tao am abwata o ko tangnan so oo ko an.”

Make 6:3

Beken a ori o meykeykawaz a tao asyo? Beken a iya o anak ni Madiya asyo? Beken a kaka na ni Yake a kani Yoseyvo a kani Yota kani Simong ori asyo? Da kapeyvahay do jya no wari na mavakes eya am.” Makarahan am ikaoya da na si Yeso.

Locya 16:11

No marahet o ahahapan nyo so peymasaodan nyo do karawan am jyabo kapahanhan na jinyo ni Ama ta do to a tomalamozong no peymeymasaodan na do teyngato a.

Locya 2:7

So nikatazak na rana no kabnekan na anak a mahakay. Am ori o nivangnan da sya no milakayob a kapangay da sya do pamangamanganan so baka, ta abo rana o yanan da do iseysanan.

Locya 8:3

kani Yeanna a mavakes ni Vosa asa ka meynakem a lamlamsoy ni Helote a kani Sosanna kano aro a mavavakes a nisomidong si Yeso a kano macinanao jya.

Locya 9:58

Maniring si Yeso jya am, “Amyan so vahay no votdak, amyan so vahay no lapik am yaken a Nipamnekan na ni Ama ta do to a tao am abwata o tangnan ko so oo ko an.”

Yowani 1:10

O Ciring rana am amyan rana do karawan a nipangamaog na ni Ama ta do to so karawan. Am kaji da makatenngan jya no tao do karawan.

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 1:17

O iwawalam na ni Ama ta do to o nipangnanao na ni Moyse a onotan ta. Am o pangangarilawan na kano manoyong a nanao na ni Ama ta do to am ori o nyai na ni Yeso Kizisto do tao do karawan.

Yowani 12:30

Am maniring si Yeso jira am, “Beken a yaken o na aingan no ciring, ta inyo o na pamizngen.

Yowani 16:15

Yatodamimin o nanao ni Ama yamyan jyaken. Am ori o ko pancyan no na kayapo jyaken no inanao na jinyo no Seyzi.

Yowani 17:19

Ko itoro jimo o kataotao ko. So icyakman da sang a tomoro no kataotao da jimo a mahap so vazay mo.

Loma 11:12

Yada nipeypapya no tao do karawan o da kajya niomanoyngan ji Ama ta do to no tao do Yotay. Am no si mamlis rana sira o tao do Yotay a kavyay na sira ni Ama ta do to am jyabo kaji na rakorakwan pa no peypapyan na so tao do karawan a.

Loma 15:3

Ta si Yeso Kizisto rana am beken a o kataotao na o manakem na. Akman so ciring do Seysyo. Maniring am, “O avavay da jimo no tao am mai jyaken.”

Loma 5:8

Am no kapeyraraten ta pa am nikawakwak na yaten ni Kizisto. Ori rana am yongkad na ori ni Ama ta do to, do na karilaw nyaten.

Loma 8:32

Kakwakwan no Anak na yana ji ingbeywani a yana nitoro a mawakwak nyaten. Ney manngo rana o yamakakaday a kakzeben ta no nakem. Ta jyabo o na ingbeywan jyaten a.

1 Kedinto 1:4

Ko masangib inyo a isaray ji Ama ta do to, ta na nitoro jinyo o pangangarilawan na, ta yakamo macikaop rana ji Yeso Kizisto.

1 Kedinto 15:47

O ney manma na tao a si Adam am nyamaog na ni Ama ta do to no tana. O manowji a Adam am si Kizisto. Iya rana am nimapo do teyngato.

2 Kedinto 13:14

Inaoy no si macitovong jinyo o pangangasyan ni Yeso Kizisto a Panirsirngen ta kano pangangarilawan na ni Ama ta do to a kapzat na jinyo no Seyzi.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

Ivoso 2:7

O ikakman na sang ni Ama ta do to am ipacita na do kaidan no karawan o mapeyzokab a pangangarilawan na kano pangangasyan na jyaten a yamacikaop ji Yeso Kizisto.

Ivoso 3:19

Tana yajyatenngi no tao o na pamanmandan no mapeyzokab a pangangarilawan na ni Kizisto am inaoy si meypahagnat kamo so nakem a makateneng do pangangarilawan na. No si makman kamo sang am manoyong kamo na a yanan no aglaglaw na jinyo ni Ama ta do to.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

1 Timotay 6:18

So pancyan mo nira mapeyvazay so apya vazay, kazonos da a manidong so icyatatao da.

Sipolay 1:2

Am sicyaikwaya am o Anak na ni Ama ta do to o nimapatwaw so ciriciring na jyaten. Si Yeso o nimangamamaog so karawan no ciring na ni Ama ta do to. So nitorwan na ni Ama ta do to no makakaday do karawan eya a italamozong ni Yeso.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

Ipaziman 2:9

Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.

Ipaziman 21:7

O ji nimablis so onowned a tao am ori o apya amyop sya. O icyakman na sang am abneken da yaken a Tao do to da a kabnek ko sira anak ko.

Ipaziman 3:18

Am ori o ko pancyan ninyo a manazang jyaken so ovay a keynakem nyo na, a kapanazang nyo so malavang a ayob nyo a payoben nyo do kataotao nyo kaji nyo a nasnekan, a kapanazang nyo so kosozi a ilinas nyo do mata nyo a kapakacita nyo na.