2 Kedinto 8:8 - Seysyo No Tao

⁸ Am beken a ko gacigatan inyo a mapeyvazay sya. Ta ko ipaziman jinyo o kakdekdeng da no sinjya do Maciton a somkad do kanoyong na kalas na no pangangarilawan nyo so icyatatao nyo.

2 Kedinto 8:8 ပူးပေါင်းရင်းမြစ်များ

Loma 12:9

Beken a hapet no onowned o ipangarilaw so tao. Ji nyo akzan o marahet a vazay, ta o kahap nyo so apiya vazay.

1 Kedinto 7:12

Akman sang, ta yamyan so ciring ko do karwan no tao. Am beken a nakenakem na ni Yeso. No myan so manaralay a nimapazagpit rana so ji manaralay a mavakes a kasaray na macitovong jya am apya o akman sang an. So ji na to pakarwi so kahanghangan na mavakes.

1 Kedinto 7:25

Omagaz rana do ji pa nimacivahavahay a tao am abo nimahap ko a nakenakem na ni Yeso Kizisto. Am kanimarilaw na nyaken ni Ama ta do to a meyhanhan nya. So ko pangozayan do kataotao ko a yamapatwaw so ciring ko.

1 Kedinto 7:6

O ciring rana ya am beken a ko ipasonson jinyo. Ta ko ikarilaw inyo.

2 Kedinto 6:6

Am keyyan no teneteneng namen a kano pangarilawan namen a omzat do nakenakem namen. Am ori o to namen nangboi sya. So kapya namen a nisidong no Seyzi a meyngongyod a marilaw no tao.

2 Kedinto 8:10

Ko naknakmen o akman sang a vazay am apyapya rana o kapakavos nyo sicyaikwaya so nipeysinsinmo nyo no kaminasawan a ipanidong nyo so tao. Ta nimanma kamo a nimapeyvazay so akman sya. So ika inyo no mapeynakem so akman sya.

2 Kedinto 8:24

Taotawwen nyo sira a kamimin da no aro a kyokay a makateneng do akman sang a pangarilawan nyo a kaji da palasan so nyazwazwayan namen jinyo.

2 Kedinto 9:2

Am cyaha, ta ko katenngan o na kajya salitan jinyo. Ta nyazwazway ko inyo do tao do Maciton, do kanimapapo nyo sya no kaminasawan so kasidong nyo sira. So da peyzokaban inyo a tao do Sila a yatey makdeng a yamanidong so tao.

2 Kedinto 9:7

Am to nyo palololwa o kingking nyo do onowned nyo. Ji nyo manenesehan, ta makto nyo an. Ta isaray na ni Ama ta do to o masaray so onowned a meykingking jya tao.

Ivoso 4:15

Ji ta mangononong so malas. Ta pangozayan ta o pangangarilawan a macisirsiring do icyatatao ta. Ta ori o ipeypahagnat ta so onowned a ominara si Kizisto a yameymatmatngeh nyaten.

Ivoso 6:24

Inaoy no si itoro na ni Ama ta do to o pangangarilawan na jinyo a yajyahayo a yamraralay ni Yeso Kizisto a Panirsirngen ta.

Sipolay 10:24

Manakem ta o kapait ta so nakenakem do kadwan jyaten. Manakem ta o kasidong ta so kadwan jyaten a mapatwaw so pangangarilawan na ni Ama ta do to.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.