2 Kedinto 8:7 - Seysyo No Tao

⁷ O yamakakaday a yamyan jinyo a nakenakem nyo si Ama ta do to a kano teneteneng nyo a mangononong a kano kowyowyat nyo a manidong so tao a kano aryarilaw nyo jyamen am yateywara rana an. Am ori o namen kakzan inyo a yajingbeywan do akman sya panidongan so tao.

2 Kedinto 8:7 ပူးပေါင်းရင်းမြစ်များ

Matay 25:22

“Mai o nipanta na so adwa zivo am maniring do lawpan am, ‘O mo nitoro jyaken a yadwa zivo am yadwa zivo o na nipeyparwan.’

Loma 15:14

Manga kakteh, ko anoyngan inyo a yapiya so yahahapan sya a yamateteneng a yamvavaga do kadwan jinyo.

1 Kedinto 1:5

Kanyo tey meynakem rana a macikaop ji Yeso Kizisto a tao. Ori o nyo kateteneng a meylimwang no ciriciring na ni Kizisto, do nyo kapakateneng do manoyong a nanao na.

1 Kedinto 12:13

Am ori o tana tao do Yotay ta, tana beken a tao do Yotay ta am tana lamlamsoy da yaten am tana to ta ngonongonongi o vazay ta am cyaha. Ta tamo na nimamimin a nitaktakan no Seyzi. So ta icyakmey yasa ka tao so kataotao a yana italamozong no yasa ka Seyzi.

1 Kedinto 12:8

O Seyzi rana am na itoro do yasa ka tao o teneteneng a makateneng do nanao na ni Ama ta do to. Yakman sang, ta na itoro do yasa ka tao o teneteneng na yana ipangnanao.

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

1 Kedinto 13:8

O pangangarilawan rana am jyavitos. Ta to meyyonong o kapangarilaw so tao. Am o teneteneng do pangananawan am mavivitos. Akman sang o meyzezyak so macitarek a ciring. Ta amyan so kasaraw a ikavitos na. Akman sang, ta ji meyyonownay o teneteneng a makateneng do nanao na ni Ama ta do to.

1 Kedinto 14:12

No nyo tey kakza o teneteneng a kano oyowyat apo do Seyzi am naknakmen nyo o kakza nyo no makasidong so nakenakem da ji Ama ta do to no akma nyoy kakteh do cinai.

1 Kedinto 4:7

Inyo rana mapakazwazway am sino ney mowyat na jinyo a makaharag so tao. Manngwa, nyo jyatenngi o yamakakaday jinyo a yamamimin a yapo ji Ama ta do to? Ikongo nyo peyzezwayan no nitoro na jinyo. Am ori o pavevehan nyo pa so nakenakem nyo an.

2 Kedinto 7:7

Beken a na kai do jya an. Ta aro o ciring na a nipanci na jyamen do kanimapait nyo sya a kapanci nyo no kakzan nyo nyaken a macita, keyngen nyo so onowned a makanakem so marahet a vazay nyo no kakwa. So nyo ikanoyong a mahap so vazay ko. Ori o ko sarayan no akman sang jinyo.

2 Kedinto 8:6

Am ori o namen kakzeban si Tito a to ngyan jinyo do dang a somidong jinyo a mapakavos so nipamnekan nyo a vazay a marilaw no akma nyoy kakteh do cinai.

2 Kedinto 9:14

So da ikakdeng no tao a yameyneynozi ninyo, do da kapakacita so aryarilaw na jinyo ni Ama ta do to.

2 Kedinto 9:8

Ta arakorako pa o itoro na jinyo ni Ama ta do to. So ikanoyong nyo to meypanpan do kanekanen nyo a manidong so ikeykasi nyo a tao.

Ivoso 4:29

Taosya o marahet a ciring a makowbot jinyo. Ta o makasidong so tao a kano ikapya no tao a ciring o patwawen nyo. Ta ori o ipakasidong nyo so omamizing so ciring nyo a tao.

Veydipi 1:11

So ikasasaray nyo a mapeyvazay so apiya vazay do kowyat na jinyo ni Yeso Kizisto. Ta si makman kamo sang am azwazwain da rana si Ama ta do to no aro a tao.

Veydipi 1:9

O ko peynozyan ninyo am kaji na meypahahayan no pangangarilawan nyo a meypahagnat. Akman sang o teneteneng nyo a makapatak no makakaday a vazay.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

2 Timotay 2:1

Imo rana manganako am ahapen mo o na nitoro jimo ni Yeso Kizisto a pangangarilawan na, ta ori o ikowyat no onowned mo.

Sipolay 12:28

Am ori o sarayan ta no to meyyonong a ji rana gonagonay a italamozong na ni Ama ta do to a yanan ta do teyngato. To ta mangozai o isaray na ni Ama ta do to a peyvazain, kowyat ta amraralay nya.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

2 Pite 3:18

Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.

Ipaziman 3:17

Kamo maniring am, “Ko mabsoy a yabo so yakalakalahen.” Am nyo jyatenngi nyo katey makasi a tao a mavak so velek a nyo kavota a yabo so ayob.