2 Kedinto 8:4 - Seysyo No Tao

⁴ Ta da to meynakman o da kai jyamen a manci no kasidong da so akma dey kakteh do cinai a sinjya do Yotay.

2 Kedinto 8:4 ပူးပေါင်းရင်းမြစ်များ

Matay 10:42

To ko na macitangayan jinyo am o maglaw no pakananaken da a omraralay nyaken a tao am jyabo kaji na makahapan so nakem na sya ni Ama ta do to a.”

Matay 12:50

Ta o mahap so vazay ni Ama do to a tao am ori o abneken ko a kakakteh ko a kano ina ko.”

Matay 25:40

Maniring o Panirsirngen am, ‘To ko na macitangayan jinyo am no manidong kamo so akma nyoy kakteh do cinai a ipangoyongoyod no tao am kataotao ko na sira ori.’

Make 14:7

Yamasangib sira o makasi a tao a yamacikaop jinyo. Jyasalit jinyo o kasidong nyo sira. Am yaken am ko jyasangib, ta yalikey rana o ipacikaop ko jinyo.

Nimlivolivon 11:29

Am ori o nikamimin da no amraralay ni Yeso a tao a mapeysinsinmo so nizpi a itoro da do akma dey kakteh do cinai a meyvahay do Yotay. To da palololwa do karwaro no nizpi da o panaoben da.

Nimlivolivon 16:15

Teyka namen a taktakan o mavakes ori a kano macivahay jya tao am maniring jyamen am, “No si milamdam nyo yaken so onowned a yameyngongyod a omanoyong ji Yeso am mai kamo a misan do vahay ko an.” So nitaidan na jyamen a peysanen.

Nimlivolivon 24:17

“Yarana meyyawawan o ko nikarwan do Yelosaleng. Am o ko nipeysinaoli a mangay do Yelosaleng am ko yangay o kingking da no akma koy kakteh do cinai a da isidong so tao do Yelosaleng. So nyangay ko pa do rako a panaralayan a mapatanang so nakem ko si Ama ta do to.

Loma 15:31

Ipeynozi nyo yaken, a kaji da manaptan jyaken no ji manaralay a tao a meyvahay do Yotay, a kasaray da no sinjya do Yelosaleng a mahap so kingking a yako yangay jira.

1 Kedinto 16:1

O peysinsinmowen rana isidong so sinjya do Yelosaleng am to nyo manginarai o mina ciring ko so peycyakyokyokayan na do Cyalatay.

1 Kedinto 16:15

Nyo katenngan sira Setiva yasa ka vahay, ta sira rana yasa ka vahay do Sila am ney manma sira niomanoyong ji Yeso a tao a tey mowyat a somidong so sinjya.

2 Kedinto 9:1

O vazay rana do sidongan ta so sinjya do Yotay am tana ji ko na meyteygami jinyo.

Cyalatay 2:10

Da kakzeben yamen a makanakem so makcin a tao do Yelosaleng. O akman rana sang am yamangday ori a yako naknakmen a vazay.

Cyalatay 6:10

Am ori an, no myan so sidongan ta so icyatatao ta am sidongen ta sira an. Am arakorako pa o sidongan ta so akma tey kakteh do cinai an.

1 Timotay 5:10

Katenngan da no tao apya so vazay, makananao so anak na, mateneng a manaotao so apo do teysa ka ili a tao. Ji mapahama so nakenakem, kasidong na so amyan so alalaw a tao a kowyat na mahap so apya vazay.

Sipolay 6:10

Ji mapeycyakaban si Ama ta do to. So na ji makahamangi do pangangarilawan nyo a kano vazay nyo. Ori rana am vazay nyo do karwan no sinjya a yajimtad a yasomidong sira.