2 Kedinto 8:23 - Seysyo No Tao

²³ Si Tito rana am kararay ko ya a yasomidong jinyo. O yamacihza jya rarwa ka mahakay am nitenngan da no peycyakyokyokayan na. So ikanoyong da pacikazwayan ni Kizisto.

2 Kedinto 8:23 ပူးပေါင်းရင်းမြစ်များ

Locya 5:10

O anak ni Sipitay a meyngaran si Yake a kani Yowani am akman sira so sang a omyak nya. Maniring si Yeso ji Simong am, “Ji ka nyahey an, ta papwen mo sicyaraw eya o kakma moy mangahahap a tao a mapanop so aro a tao.”

Locya 5:7

Am ori o niraran da so kararay da somidong sira. Meyratateng am nipno da o adwa ka vazangay kaji na ranangnedan rana.

Yowani 13:16

To ko na macitangayan jinyo am ji na meyhavasi no pavahain da tao o mapavahay sya an. Jyakarakarang o pahanhanen da kano mapahanhan sya an.

1 Kedinto 11:7

Ji bonboni o oo da no mahakay. Ta kehngehngay da o kamamagen ni Ama ta do to a kano azwazway na. Am pacikazwayan no mavakes o mahakay.

2 Kedinto 12:18

Nipanci ko si Tito a mangay a tomazogaw ninyo. So nipanovoy ko so tao a macihza jya a mangay. Am nilittan na inyo ni Tito? Jyabo na kaji macingayan jyaken so nakem a. Jyabo namen kaji meyyangangayan no namen ahahapan sya a.

2 Kedinto 7:6

Am si Ama ta do to a marilaw no makasi a tao am ori nisomidong jyamen a yanitomovoy si Tito a yamapait jyamen.

2 Kedinto 8:16

Namen isaray ji Ama ta do to, ta na nipait si Tito. So na icyakman jyamen a yamakdeng a yasomidong jinyo.

2 Kedinto 8:18

Namen manovoy so yasa ka tao a macihza jya. Iya rana am da ikanig no tao do peycyakyokyokayan na a yameylimwang no Mapasaray a Ciriciring na ni Ama ta do to.

2 Kedinto 8:19

Beken a ori an, ta iya rana am da nitenngan no peycyakyokyokayan na yamacilivon jyamen a mapeyvazay so pangangarilawan na ni Ama ta do to. O namen ahapan so akman sya vazay am yatomngeh do azwazway ni Ama ta do to a ipakateneng da jyamen a meyngongyod so nakenakem a mangarilaw so tao.

2 Kedinto 8:22

Am ori o namen ipanovoy so yasa ka mahakay a macihza jira. Iya rana am namen masangib rana yaileylamdamen so onowned. Am ori o namen pakatenngan jya a tey makdeng a yamanidong so tao. Am ori o na ikasaray so onowned a yasomidong jinyo.

2 Kedinto 8:6

Am ori o namen kakzeban si Tito a to ngyan jinyo do dang a somidong jinyo a mapakavos so nipamnekan nyo a vazay a marilaw no akma nyoy kakteh do cinai.

Veydipi 2:25

Ko naknakmen o katovoy ko so akma tey kakteh do cinai a si Ipaloti a mangay jinyo do dang. Ta iya rana am arako o nisidongan na jyaken do kanitomovoy nyo sya jyaken, do katey mowyat na a macipeyvazay jyaken.

Veydipi 4:3

Imo rana mo kahakay a kararay ko am sidongen mo sira an. Ta sira rana am mina kararay ko a kani Kedimong a kano kadwan jyamen. Sira ori o nimahap so vazay na ni Ama ta do to. Ta sira rana am yana domket o ngaran da do vakong na ni Ama ta do to a yamanoyong a makahap rana so to meyyonong a ikavyay no pahad da.

Kelosi 1:7

Nyo nimahap o pangangarilawan na ni Ama ta do to ji Ipava a kararay namen a yaji mapasaklang do vazay ni Yeso Kizisto.

1 Tesalonicya 2:2

Nyo katenngan an, ta no kaji namen angayan pa jinyo do dang am amyan rana so alalaw namen do kapeymetdeh da jyamen do Veydipi a ili. Am na mina kapanta nyamen so oyowyat ni Ama ta do to. So namen jyanyahei no meykamadadayan a da izazat jyamen a yameylimwang no Mapasaray a Ciriciring na ni Ama ta do to jinyo.

2 Timotay 4:10

Ta na nikarwan rana yaken ni Temase a mangay do Tesalonicya, do kapyapya na pa so masaod no karawan. Si Keleseke rana am nimangay do Cyalatay. Si Tito am nimangay do Taarmatiya.

Tito 1:4

Ko ipeyteygami imo, mo Tito. Imo rana do ta raralayan ni Ama ta do to am ka manoyong a akma koy anak. Inaoy no si itoro na jimo ni Ama ta do to a kani Yeso Kizisto o pangangarilawan na kano ikapiya no onowned mo. Ta si Yeso Kizisto rana am mapatazadang jyaten do teyngato.

Veydimeng 1:17

Am ori an, no si anoyngan mo yaken a kagagan mo am akmey kataotao ko rana iya a taotawwen mo do vahay mo.

Veydimeng 1:24

Si Make a kani Aditako a kani Temase a kani Locya a kararay ko a mahap so vazay na ni Ama ta do to am sira mamimin a yameyminaminasi ninyo.

3 Yowani 1:8

Ori o sidongan ta sira a yamraralay ni Ama ta do to. Ta ori o icyakma tey macivazay jira meylimwang no nanao ni Ama ta do to.