2 Kedinto 8:2 - Seysyo No Tao

² Tana tey makdeng o nilamdaman na sira ni Ama ta do to am sira na to naray. Tana mavak o velek da am da makto o da kapeykingking so da ipanidong.

2 Kedinto 8:2 ပူးပေါင်းရင်းမြစ်များ

Matay 20:15

Manngwa, abo onowned ko komakaday so angayan no nizpi ko? Nyo kazyakan nyaken a yamangazaw no nizpi ko.’ ”

Loma 12:8

No manvavaga o nitoro na jyaten am vavagan ta o icyatatao ta an. No mazonos o nitoro na jyaten am ji ta mangbeywan do icyatatao ta an. O meypanirsirngen am ji maciziziknai o vazay an. No mangarilaw so tao am masaray onowned.

Loma 2:4

Manngwa, mo jyatenngi o pangangarilawan na ni Ama ta do to a yameypalanginan nimo a yamamlis? Am yamo kato nazibwan no rako a pangangasyan na yamvonas so raraten mo, do yana kakzeb jimo a yamamlis so onowned.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 2:9

O peypeypangayan no mina teygami ko jinyo asyo am iskad ko do nakenakem nyo. Ta manngo paro sira, panoden da o nakem da jyaken an?

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

2 Kedinto 9:11

Absoin na inyo an. So ikasangib nyo a manidong so tao an. So sarayan da nya ji Ama ta do to so apo jinyo a nisidong nyo sira.

2 Kedinto 9:13

O akman rana sang a ipanidong nyo so tao am ipakateneng da jinyo no aro a tao a yaomonot ji Kizisto a yaji mapasala do nanao ni Kizisto a yamanidong so tao. Am ori o da miminan so azwazway a itoro ji Ama ta do to no aro a tao.

1 Tesalonicya 1:6

Tana aro o alalaw nyo am kamo masaray a na sidongen no Seyzi a yamahap so ciriciring na ni Ama ta do to a yaominara si Yeso, akman jyamen a yajyamama no alalaw namen.

1 Tesalonicya 2:14

Manga kakteh, o alalaw nyo a kano alalaw da no aro a kyokay do Yotay am alalaw da ori no omanod ji Ama ta do to a tao. Ta o iraherahet da jinyo no keylyan nyo am akman so sang o iraherahet da so aro a kyokay no tao do Yotay.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

Ipaziman 2:9

Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.