2 Kedinto 8:18 - Seysyo No Tao

¹⁸ Namen manovoy so yasa ka tao a macihza jya. Iya rana am da ikanig no tao do peycyakyokyokayan na a yameylimwang no Mapasaray a Ciriciring na ni Ama ta do to.

2 Kedinto 8:18 ပူးပေါင်းရင်းမြစ်များ

Loma 16:4

Ta toda jyangay o inawan da no kasidong da jyaken. So ikabeken a yakehen no yasomaray nira, ta yakman sang o akma tey kakteh do cinai a beken a tao do Yotay do peycyakyokyokayan na a yasomaray nira.

1 Kedinto 16:3

No si makaranes ko na am manovoy ko so ipeyhanhan nyo a tao a maciralay do teygami a kano nipeysinsinmo nyo a nizpi a yangay da do Yelosaleng.

1 Kedinto 4:17

So tovoyan ko si Timotay a mangay jinyo do dang. Ta iya rana do ta raralayan ni Yeso am ney mowyat ori akma koy anak. So pazimanan na sya jinyo so ahahapan ko sya, do ko kararalay ni Yeso Kizisto. Ori rana am nipangnanao ko rana ori do peycyakyokyokayan na.

1 Kedinto 7:17

Mamimin ta mangozay do nitoro na ni Ama ta do to a ahapan so kataotao ta an. So ji ta mapasalai jya. Ta ori o yako ipangnanao do peycyakyokyokayan na.

2 Kedinto 12:18

Nipanci ko si Tito a mangay a tomazogaw ninyo. So nipanovoy ko so tao a macihza jya a mangay. Am nilittan na inyo ni Tito? Jyabo na kaji macingayan jyaken so nakem a. Jyabo namen kaji meyyangangayan no namen ahahapan sya a.

2 Kedinto 2:12

No kangay ko do Teloya ili a meylimwang no Mapasaray a Ciriciring na ni Yeso Kizisto am niwangan na rana ni Yeso o angayan ko peyvazayan.

2 Kedinto 8:19

Beken a ori an, ta iya rana am da nitenngan no peycyakyokyokayan na yamacilivon jyamen a mapeyvazay so pangangarilawan na ni Ama ta do to. O namen ahapan so akman sya vazay am yatomngeh do azwazway ni Ama ta do to a ipakateneng da jyamen a meyngongyod so nakenakem a mangarilaw so tao.