2 Kedinto 8:10 - Seysyo No Tao

¹⁰ Ko naknakmen o akman sang a vazay am apyapya rana o kapakavos nyo sicyaikwaya so nipeysinsinmo nyo no kaminasawan a ipanidong nyo so tao. Ta nimanma kamo a nimapeyvazay so akman sya. So ika inyo no mapeynakem so akman sya.

2 Kedinto 8:10 ပူးပေါင်းရင်းမြစ်များ

Matay 10:42

To ko na macitangayan jinyo am o maglaw no pakananaken da a omraralay nyaken a tao am jyabo kaji na makahapan so nakem na sya ni Ama ta do to a.”

Yowani 11:50

Manngwa, nyo jyatenngi o kapyapya na pa no keyyan no asa ka tao a mawakwak nyaten aro a tao do Yotay? No si jyakman sang am jyabo kaji ta miminan a mabalinas a.”

Yowani 16:7

Am to ko na macitangayan jinyo am no si mangay ko am apya ori jinyo. No si ji ko angay am ji makaranes jinyo o somidong jinyo a Rarey nyo. Am no si mangay ko am tovoin ko a mangay jinyo.

Yowani 18:14

Iya o nimanci nya do tao do Yotay so kapya na sya no asa ka tao a mangay mawakwak no aro a tao.

1 Kedinto 10:23

Yamyan so tao a yamanci no, “Sino ipanci o kaji ta naliwayan a mahap so vazay ta.” Jyalas o akman sang a ciring. Am beken a todamimin o vazay a makarapa do onowned. Manoyong kasaliway ta a mahap so vazay ta. Am beken a todamimin o vazay a makasidong so tao.

1 Kedinto 16:2

Mangday ka niciyo na o kamimin nyo a mapasina do nizpi nyo a nimahap nyo a kakpeh nyo sya. Am to nyo palolwa do karwaro no nimahap nyo a nizpi o pasinahen nyo. Ji nyo nanala yaken, ta to nyo ngonongonongi o kapeysinsinmo nyo sya.

1 Kedinto 6:12

Ala myan so tao a manci no, “Yabo ko jyapeyvazay a vazay.” Jyalas ori an. Am beken a todamimin o vazay a makarapa do onowned. So ko pancyan no yabo jyapeyvazay a vazay. Am ji ko mamyapyan o asa ka vazay a to mapeylamlamsoy jyaken.

1 Kedinto 7:25

Omagaz rana do ji pa nimacivahavahay a tao am abo nimahap ko a nakenakem na ni Yeso Kizisto. Am kanimarilaw na nyaken ni Ama ta do to a meyhanhan nya. So ko pangozayan do kataotao ko a yamapatwaw so ciring ko.

1 Kedinto 7:40

Am no ji na ranakzan o kapacivahavahay na am apyapya rana o akman sang. Ori rana am nakenakem ko ori do kataotao ko. Am ko naknakmen o katalamozong na nyaken no Seyzi na ni Ama ta do to.

2 Kedinto 12:1

Abwata kapyapyan no mapazway. Am na keyyan pa no yalikey yako pazwain. Sicyaikwaya am ko malavat o nitoro na jyaken ni Yeso a Panirsirngen ta a akmey tatateynep a nimacita ko.

2 Kedinto 8:6

Am ori o namen kakzeban si Tito a to ngyan jinyo do dang a somidong jinyo a mapakavos so nipamnekan nyo a vazay a marilaw no akma nyoy kakteh do cinai.

2 Kedinto 8:8

Am beken a ko gacigatan inyo a mapeyvazay sya. Ta ko ipaziman jinyo o kakdekdeng da no sinjya do Maciton a somkad do kanoyong na kalas na no pangangarilawan nyo so icyatatao nyo.

2 Kedinto 9:2

Am cyaha, ta ko katenngan o na kajya salitan jinyo. Ta nyazwazway ko inyo do tao do Maciton, do kanimapapo nyo sya no kaminasawan so kasidong nyo sira. So da peyzokaban inyo a tao do Sila a yatey makdeng a yamanidong so tao.

Veydipi 4:17

Ji ko ngakzeba o kazaw nyo jyaken. Ta tey kakza ko ji Ama ta do to o karwaro na pa no isidong na jinyo do kapiya no nakenakem nyo jyaken.

Sipolay 13:16

Ji nyo hamangi o kapanidong nyo so tao. Ta o akman rana so sang a vazay am akmey nakem ta patanangen ji Ama ta do to a isaray na.