2 Kedinto 7:3 - Seysyo No Tao

³ O ko peycirngan so sang am beken a ko patwawen o nyo karatan. Ta nipanci ko na jinyo namen karilaw ninyo. Tana mavyay namen a tana mawakwak namen am abo makapeysyay jyaten so nakenakem.

2 Kedinto 7:3 ပူးပေါင်းရင်းမြစ်များ

2 Kedinto 11:11

Ikongo ko peycirngan sang. Manngwa, ko jyarilawan inyo? Cyaha, ta na katenngan ni Ama ta do to o ko karilawan ninyo.

2 Kedinto 12:15

Ko ikakza inyo a sidongen an. So ikapyapya na pa no kangay no inawan ko a kapakasidong ko so pahad nyo. Manngwa, ipeyparahet nyo so nakem jyaken o karilaw ko ninyo?

2 Kedinto 13:10

O ko peyteygamyan ninyo am ko kakzeben o kaji ko oyyan ninyo a mangozay do oyowyat na ni Kizisto no si mai ko jinyo do dang. Ta o yana nitoro ni Kizisto a oyowyat na jyaken am isidong ko jinyo. Beken a ioya ko inyo.

2 Kedinto 3:2

Ta inyo rana am akma kamoy teygami a yongkad namen a yanivatvatkan do onowned namen a vilangan da no tao.

2 Kedinto 7:12

O ko nivatvatkan do teygami ori am ko ivavaga do meyraraten a tao a kano ji na panadnada tao. Am o ney makdeng a peypeypangayan na pa no mina teygami ko jinyo am ko patwawen o apya nakenakem nyo jyamen do tangain ni Ama ta do to.

Veydipi 1:7

Manoyong o kapaw ko ninyo. Ta tana ko na myan do pamemtengan sicyaikwaya, tana no kasaliway ko pa a macinekanekad no manoyong a Mapasaray a Ciriciring na ni Ama ta do to am yabo nyo jya nisidongan jyaken a mahap so vazay na ni Ama ta do to.

1 Tesalonicya 2:8

Namen hapen do namen karilaw ninyo. Ori o namen sarayan no kapeylimwang namen nya jinyo no yanimapo ji Ama ta do to a Mapasaray a Ciriciring na. Mangay do inawan namen o namen ji beywani jinyo. Ta inyo rana am namen tey kaglaw.