2 Kedinto 7:13 - Seysyo No Tao

¹³ Ori rana o nikait jyamen an. Am beken a orii an, ta o sarasaray ni Tito am ori o yanamen isaray. Ta nimamimin kamo a nisomidong sya. So na ikasaray.

2 Kedinto 7:13 ပူးပေါင်းရင်းမြစ်များ

Loma 12:15

Macikasaray kamo do somaray a tao. Macikalavi kamo do amlavi a tao.

Loma 15:32

No si apyahen na ni Ama ta do to am ori o ikasaray ko a mangay jinyo do dang a macigaga jinyo.

1 Kedinto 12:26

No myan so meyngen do kataotao am todamimin o kataotao a meyngen. No myan so azwazway no asa ka kakamay ta am todamimin o kataotao ta a masaray.

1 Kedinto 16:13

Meytataziman kamo an. Makahadpet kamo so nakenakem a omraralay ni Ama ta do to. Ji kamo a nyahey.

1 Kedinto 16:18

Tana yaken a tana inyo am tamo meyyangay a yasomaray nira. O akman rana sira ya am ikanig nyo sira ya an.

2 Kedinto 2:13

Am ko marahet so aktokto, ta ji ko nimasinmo si Tito a akma tey kakteh do cinai. Am ori o to ko naitaiji so tao do dang a kangay ko na do Maciton.

2 Kedinto 2:3

Am ori an o ko nipeyteygamyan ninyo, ta maraherahet o karahet nyo so aktokto no si makaranes ko jinyo. Ta yako ipeyhanhan inyo a yamapasaray jyaken no si mangay ko jinyo do dang. Ta ko anoyngan o sarasaray ko a sarasaray nyoo.

2 Kedinto 7:14

Tana nyazwazway ko ninyo do tangain ni Tito am abo kalasan na no nang. Ta o mina ciring namen a pagazen namen jinyo am yamamimin a manoyong ori. So namen pacyanoyngan do namen pazwain do tangain ni Tito a yamanoyong.

2 Kedinto 7:15

Am no na manakem inyo a aro a tao a yaomanoyong ji Ama ta do to am yakmey to ngyan jinyo o onowned na, do nyo kapeyveyveken sya.

2 Kedinto 7:6

Am si Ama ta do to a marilaw no makasi a tao am ori nisomidong jyamen a yanitomovoy si Tito a yamapait jyamen.

Veydipi 2:28

Am ori o ko naknakman so kakeykai ko rana tomovoy sya do vahay da. So ikasasaray nyo a macikaop rana jya. So ikapyapya na rana no akman sang.

2 Timotay 1:16

Inaoy no ikasi na ni Yeso a Panirsirngen ta si Onaysevo a yasa ka vahay. Ta yamasangib ori a yamai a yamapasaray jyaken. So na ji macimasneki nyaken a nipteng da.

Veydimeng 1:20

Am ori o karilawan mo nyaken, mo Veydimeng, do ta kararalay ni Yeso Kizisto. So sidongan mo jyaken a pasarain so onowned.

Veydimeng 1:7

O pangangarilawan mo, mo Veydimeng am yatey rako na nipasarayan jyaken, na nipaitan jyaken. So da ikamimin no akma tey kakteh do cinai a yasomaray nimo.

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.