2 Kedinto 6:6 - Seysyo No Tao

⁶ Am keyyan no teneteneng namen a kano pangarilawan namen a omzat do nakenakem namen. Am ori o to namen nangboi sya. So kapya namen a nisidong no Seyzi a meyngongyod a marilaw no tao.

2 Kedinto 6:6 ပူးပေါင်းရင်းမြစ်များ

Loma 12:9

Beken a hapet no onowned o ipangarilaw so tao. Ji nyo akzan o marahet a vazay, ta o kahap nyo so apiya vazay.

Loma 15:19

So nikowyat ko a mapeyvazay so mapeyzokab a vazay do kanimoyat na jyaken no Seyzi. Am ori o nipapwan ko sya do Yelosaleng a kangay na do Ididiko o yako peylimwangan no Mapasaray a Ciriciring na ni Kizisto.

1 Kedinto 12:8

O Seyzi rana am na itoro do yasa ka tao o teneteneng a makateneng do nanao na ni Ama ta do to. Yakman sang, ta na itoro do yasa ka tao o teneteneng na yana ipangnanao.

1 Kedinto 13:4

O meyngongyod a mangarilaw so icyatatao na am to nazibwan o oyaoyyan da no kataotao. Kapiya no nakenakem. Ji manginanahet. Ji mapazway. Ji mapakarakarang so nakenakem.

1 Kedinto 2:16

Akman so ciring do Seysyo. Maniring am, “Sino makateneng do onowned na ni Ama ta do to. Sino makayokod nya.” Am yaten takamo a yana yanan no Seyzi na ni Ama ta do to am katenngan ta o onowned na ni Kizisto.

1 Kedinto 2:4

O nipeylimwang ko a ciriciring am beken a masalit a amizngen. So ko ji meyhanhani no ciring ko. Ta yako ipeyhanhan o Seyzi a omoyat jyaken a mapatwaw sya.

2 Kedinto 1:23

Ko tawagan si Ama ta do to a macingosongoso nyaken. No si mangalalas ko am cyaha, ta pasingsingkadan na yaken. Ori o to ko na manci no kaji ko nangayan do Kedinto a omwoya ninyo. Ta manakem ko o kapamlis nyo pa.

2 Kedinto 11:11

Ikongo ko peycirngan sang. Manngwa, ko jyarilawan inyo? Cyaha, ta na katenngan ni Ama ta do to o ko karilawan ninyo.

2 Kedinto 11:4

Ikeykongo kamo a yato mamyapya no yamacitarek so ipeylimwang a ka nyamen a yaomagaz ji Yeso. Ikeykongo kamo eya a to nganoyong do macitarek so ipeylimwang a Seyzi a kano Mapasaray a Ciriciring.

2 Kedinto 11:6

Tana ko jyateneteneng a meyzezyak am jyabo katonton ko so teneteneng jira mangalalas a tao. So yako ikasangib a yamapacita no akman sang a vazay jinyo.

2 Kedinto 12:15

Ko ikakza inyo a sidongen an. So ikapyapya na pa no kangay no inawan ko a kapakasidong ko so pahad nyo. Manngwa, ipeyparahet nyo so nakem jyaken o karilaw ko ninyo?

2 Kedinto 13:10

O ko peyteygamyan ninyo am ko kakzeben o kaji ko oyyan ninyo a mangozay do oyowyat na ni Kizisto no si mai ko jinyo do dang. Ta o yana nitoro ni Kizisto a oyowyat na jyaken am isidong ko jinyo. Beken a ioya ko inyo.

2 Kedinto 2:10

O peykabobwen nyo so marahet a vazay a tao am to ko macyanod so nakem jinyo. Ta o ikakman ko sang am peyyanowanopen ko inyo so nakem do tangain ni Yeso Kizisto.

2 Kedinto 2:4

To ko meykaoo a meyngen so onowned no kapeyteygami ko ninyo. Am beken a irahet ko so onowned nyo, ta ipakateneng nyo jyaken a tey marilaw ninyo.

2 Kedinto 3:3

Kamo mapayok a akma ney teygami ni Kizisto a yana nivatvatkan a yana niparara jyamen. O teygami rana ya am beken a yana nivatvatkan ni Ama ta do to no ipeyveyvatvatek do mataripis a vato a nitaid na ji Moyse. Ta nivatvatkan no Seyzi no to meyyonong a Tao do to do onowned no tao.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

2 Kedinto 7:2

Inarahen nyo yamen so nakenakem jinyo an. Ta abo namen nirahet no kangangay do kadwan jyaten. Yabwata asa ka tao namen nilittan no ciring namen.

Cyalatay 3:2

Pancyan kamo pala jyaken. Iwawalam na ni Moyse o yanyo ipakahap so Seyzi na ni Ama ta do to? No yapo do yanyo nimamizing a Mapasaray a Ciriciring na ni Ama ta do to.

Cyalatay 3:5

Na nitoro ni Ama ta do to o Seyzi jinyo a yamapeyvazay so mapeyzokab a vazay. Am manngwa, yamonganay ori do yanyo kahap so iwawalam na ni Moyse? No yamonganay do yanyo kanimakamizing so Mapasaray a Ciriciring na ni Ama ta do to.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Ivoso 3:4

No si vilangan nyo o teygami ko eya am katenngan nyo rana ori a omaing ji Yeso Kizisto.

Ivoso 4:2

Taosya o kapahama nyo so nakem nyo. Apyapya pa kapiya no nakem nyo do icyatatao nyo. Ji kamo meyoyaoya. Ta karilaw nyo no kadwan jinyo.

Ivoso 4:32

O kapya nyo so nakenakem do kadwan jinyo. To nyongbowa o oyyan nyo no kadwan jinyo, akman si Ama ta do to a yatongbo so raraten nyo, do na kanimawakwak ninyo ni Kizisto.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

Kelosi 2:3

Si Kizisto o na yanan no makakaday a teneteneng.

Kelosi 3:12

Si Ama ta do to o yamarilaw ninyo a nimamnek jinyo a akma ney anak. Am ori o ipangarilaw nyo a mapanalawbo so aktokto nyo, ta kapiya nyo so nakem do tangain no tao a jyahayo so onowned.

1 Tesalonicya 2:10

No kapacikaop namen pa jinyo do dang am o ciriciring namen a kano icicirawat namen am apiya macita nyo. Abo o malas a vazay namen. Cyaha, ta inyo a kani Ama ta do to am yongkad no vazay namen ang.

1 Timotay 4:12

Tana malavayo ka am apzatan mo o ciriciring mo a kano icicirawat mo a kano pangangarilawan mo so icyatatao mo. Akman sang o onowned mo. Ta peycitacittan da imo no omanoyong ji Yeso, kaji da rana ngolalai so ipangnanao mo.

1 Timotay 5:2

No nanawen mo sira o rarakeh a mavakes am to mo peynara sira do ina mo an. No nanawen mo sira o malalavayo a mavakes am makapya ka so nakenakem a omnanao sira. So ikanoyong nyo a akmey meyketeketeh.

2 Timotay 3:10

Imo rana mo Timotay am mo na nyahap o nanao ko a kano icicirawat ko a kano ahapan ko so vazay do karawan a kano onowned ko ji Ama ta do to. Mo katenngan yaken a ji macimaza do vazay ko ji Ama ta do to a kano pangangarilawan ko so icyatatao ko.

2 Timotay 4:2

Am ori o peylimwangan mo no ciriciring na ni Ama ta do to. Tana amizngen da, tana ji da ngamiznga am ji ka hayo so onowned a amvavaga jira kano mapait sira a omnanao sira.

Tito 2:7

Imo rana am tana makakaday o vazay mo am ji ka rahet so icicirawat an. Ta manakem mo o kapeycitacita da jimo no tao. Makapiya ka so nakenakem a omnanao sira an.

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

1 Pite 1:12

Nipaziman na rana ni Ama ta do to do panoyonoywan na so ciring a tao o ka beken na monganay jira no ipanci da vazay. Ta monganay jinyo a omanoyong jya. Am sicyaikwaya am na rana nioyatan sira no Seyzi o yameylimwang no Mapasaray a Ciriciring jinyo. Am o da ipeylimwang ori am mangay do tinsi o yamakza nya a katenngan.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

1 Yowani 3:18

Manga ovay, taosya o ciring so pangangarilawan an. Ta o manoyong a pangarilawan na am macita do icicirawat na o panidongan na so tao.