2 Kedinto 6:5 - Seysyo No Tao

⁵ Nibakbakan da yamen. Nyaneban da yamen. Nigolo da o cicilwan namen no tao. Nimazikna namen. Nimapowaw namen ji makaitkeh. Nimakcin namen.

2 Kedinto 6:5 ပူးပေါင်းရင်းမြစ်များ

Matay 14:10

Makarahan am mapahanhan rana so tao a mangay do pamemtengan a motow do oo na ni Yowani,

Matay 14:3

O cinawakwak na ni Yowani am o panirsirngen a meyngaran so Helote am to ney mehsa o mavakes no kakteh na a meyngaran so Veydipo. O ngaran no mavakes am si Helotiya. Masangib si Yowani a mazyak nya, do kato ney nakawan so kataned na do vahay no kakteh na. Am ori o nipanovoy na ni Helote so tao no kanang a omrakep si Yowani a kangay da nya do pamemtengan.

Matay 9:15

Maniring si Yeso am, “No mamaring so kanen o mahakay a matarek so vahay a tao am manngwa, amlavi sira o nipanoyon na tao? Jyabo kakman da sang a. Am no marateng o araraw no irakep da so mahakay ang am manoyong rana o kaji da mangakadayan, do kasinalaw da nya.

Nimlivolivon 13:3

Mateyka sira meynozi a ji mangakaday am paoptahen da o lima da ji Parnapo a kani Sawlo a ipowyat da sira do vazay da katovoy da rana sira mangay do peycyeylilyan na.

Nimlivolivon 14:19

Am o tao do Yotay a nimapo do Ikenyan a kado Antia a macinapnap do Pisitiya am paksozen da o aro a tao a kagsegseh da ji Pawlo. Ipanci da nimazakat rana. Am ori o nilolwan da sya yangay do siri no ili da.

Nimlivolivon 14:23

Meyratateng am mamnek sira so panipanirsirngen da do peycyakyokyokayan na a madaday do teyhesa ka ili. Ji sira mangakaday a meynozi nira ji Ama ta do to.

Nimlivolivon 17:5

Am o meyili dang a tao do Yotay a ji nganoyong ji Yeso am ikeynanahet da sira. Am ori o nilovotan da so abwata so vazavazay a tao a kano marahet so nakenakem a kapeyzavozavoz da sira so aro a tao a kasdep da do vahay ni Yeson a komala si Pawlo a kani Sila. Ta naknakmen da o kangay da nira do tangain no aro a tao.

Nimlivolivon 20:31

Ori o apzatan nyo do onowned nyo an. Manakem nyo o ninanao ko jinyo a nimeykaoo ninyo an. Ta mina katlo a kawan ko a mangday so araraw a kano ahep a amnanao jinyo.

Nimlivolivon 23:10

Ikeykavevek da amlololos. Ikongo do peypazapazangan da rana si Pawlo, am ori o nipanovoy na no panirsirngen no itaysang so itaysang a mangay omvozcin sya jira a isdep do sahad.

Nimlivolivon 23:35

Maniring am, “Si makaranes rana sira o tao a yamraherahet jimo am pacicin ko imo.” Meyratateng am ipanci na o itaysang a amzat jya do vahay no mina panirsirngen da a meyngaran so Helote.

Nimlivolivon 24:27

Marateng o kadwa kawan am palitan na si Veydise no meyngaran so Pocyo Veyseto a meypanirsirngen. Am ikongo do kakzeben na ni Veydise no kaglaw da nya no tao do Yotay, am ori o ji na nimapasawai si Pawlo do pamemtengan.

Nimlivolivon 26:10

Ori o mina vazay ko no keyyan ko pa do Yelosaleng. Nipya da yaken no panipanirsirngen no mapatanatanang so nakem da si Ama ta do to a omrakep so omanoyong ji Yeso a tao. No kapanzakat da jira am to ko myapya.

Nimlivolivon 26:29

Maniring si Pawlo ji Aglipa am, “Tana mahay rana am to ko meynozyan nimo a kano aro a mangamizing a tao do jya a kamimin nyo rana akman jyaken a omanoyong jya. Am ji nyo nginara yaken a da aptengen!”

Nimlivolivon 28:30

Mina kadwa kawan si Pawlo a nimeyvahay do nivood na vahay a kasaray na a tomaotao so mey manangangay nya tao,

Nimlivolivon 5:18

Am ori o nirakpan da sira kaneb da jira do pamemtengan.

1 Kedinto 15:10

Am o pangangarilawan na ni Ama ta do to o ko ikakman sya. Yamanoyong o pangangarilawan na ni Ama ta do to a nitoro na jyaken. Am ori o ko ikaharahara pa a yameyvazay a kano karwan namen a nipamnekan na ni Yeso. Am beken a kowyowyat ko a meyvazay, ta si Ama ta do to am ori o yamacipeyvazay jyaken.

1 Kedinto 4:11

Yato ngai sicyaikwaya o yanamen ipacikekcin a yamawaw a yamamez a abo so ayob a yamasangib a yada bakbakan a yabo so vahay,

1 Kedinto 7:5

Am ori o ji nyo mapasalai do kadwan jinyo an. No nakem no asa jinyo so kapeynozi na am manoyong o kapeytarek nyo so alikey. Am no komavos rana a meynozi am meytovong kamo na meyyaven do vahay. Ta littan na inyo ni Satan do kaji nyo makaparingan so nakem nyo.

2 Kedinto 11:27

Jingwan sang am masangib ko a ji makaitkeh do katey mazikna ko no kataotao. No makcin ko, mawaw ko, abo isanan ko, mahen ko am akman sira sang o ikarahet ko.

Ivoso 3:1

O peypeypangayan no ko iyan do pamemtengan am ko ipeylimwang no ciriciring na ni Yeso Kizisto jinyo a beken a tao do Yotay. Tana akman ko sang am yako jimtadan a meynozi ninyo.

Veydipi 1:13

Am ori o da ikaro no mamzat a tao do vahay no panirsirngen eya kano aro a tao do jya do Loma a yamamimin a yamakateneng jyaken a nipteng da do kahap ko so vazay na ni Yeso.

1 Tesalonicya 2:9

Manga kakteh, naknakmen nyo o zikna namen do maraw a kano mahep an, do namen kalan so isovo namen a kanen. Ta namen ji myapya inyo a mazikna nyamen no isovo namen a kanen no kapeylimwang namen nya jinyo so Mapasaray a Ciriciring na ni Ama ta do to.

1 Timotay 4:10

O yata ikowyat a yamahap so vazay na ni Ama ta do to am ta ipeyhanhan si Ama ta do to a mapatazadang jyaten. Ta iya rana am to meyyonong a mavyay a Tao do to. Am o meyhanhan nya o avyain na.

2 Timotay 1:8

Am ori o ji mo asneki a meylimwang ni Yeso a Panirsirngen ta. Ji mo macimasnekan yaken a nipteng da mahap so vazay na ni Kizisto. So ahapan mo so alalaw ta no kapeylimwang ta no Mapasaray a Ciriciring, ta na sidongen imo ni Ama ta do to.

2 Timotay 2:9

Am ori o ko nipeyrarahet a nivaod da no nilalin da vahalang. Am o ciriciring na ni Ama ta do to am jyasengsengi. So ikabo no makazazat jya.

2 Timotay 4:5

Am imo rana am meypepzat ka do meykamadadayan a vazay mo. Ji mo a mamman o alalaw mo a meylimwang no Mapasaray a Ciriciring. Ta ori o ikowyat mo a mahap so vazay mo ji Ama ta do to.

Sipolay 11:36

Tatasa jira to myapya so kapeyzeyzozomyak da jira a bakbakan. So iyan no nivaod da kano nyaneban da.

Sipolay 13:17

Onotan nyo o makayokod ninyo a tao do kyokay. Amizngen nyo o ciring da. Ta sira rana am da peyveyveknen o pahad nyo, do da kahap so vazay ni Ama ta do to. No si amizngen nyo sira am masasaray sira mahap so vazay ni Ama ta do to. Am no si ji nyo ngamiznga sira am meyngen o onowned da. No si akman sang am jyabo kapya nyo a.

Sipolay 13:23

Ko kakzeben inyo a makateneng do na kanimakowbot rana no kakteh ta a si Timotay do pamemtengan. No si makeykai rana mai am macihza jyaken a mangay tomita jinyo.

Ipaziman 2:10

Ji nyo anyaheyan o yaomanam a alalaw nyo. Citahey kamo si Satan a yaomileylamdam so nakem nyo si Ama ta do to. So ikanoyong no tatasa jinyo a mangay na alyowen do pamemtengan. So ikasa ngarnan (10) no araraw na no peyrarehten no kataotao nyo. Am to kamo ngotokot so nakem. Ta ori o pantan ko ninyo so to meyyonong a ikavyay no pahad nyo.