2 Kedinto 6:16 - Seysyo No Tao

¹⁶ Ji nyo peyzavoza o raralayan nyo ni Ama ta do to a kano malas a iraralay da no tao. Ta yaten o na yanan no to meyyonong a Tao do to. Akman so ipanci na do Seysyo. Ta maniring am, “Macikaop ko do omanoyong jyaken a tao a keyyan ko do onowned da. So abnekan da jyaken a Tao do to da. So ikanoyong da italamozong ko a tao.

2 Kedinto 6:16 ပူးပေါင်းရင်းမြစ်များ

Matay 16:16

Maniring si Simong Pite am, “Imo rana am Misayya ka, Anak no yato meyyonong a mavyay a Tao do to.”

Matay 6:24

“Abo o lamlamsoy a meyvazay do rarwa ka lawpan. No ikanig na o asa am ikaoya na o asa. No ikaoya na o asa am ikaglaw na o asa. Marahet o kapasaklang nyo ji Ama ta do to an, a tongdeng do peynizpi nyo an.”

Locya 5:36

Mangononong pa jira so pehngehngayan na sya so ciring. Maniring am, “Abo o tao a mising so vayo ayob a mangay mapatapang sya do adan na ayob. Ta ikaraherahet na no vayo ayob a mapisipising. Jyabo kapacingay no adan a ayob do vayo a ayob a.

Yowani 14:23

Maniring si Yeso am, “O maglaw nyaken am pangononongan da o nanao ko. Ta ori o karilawan na nira ni Ama. So ipacikaop namen si Ama jira.

Yowani 6:56

O koman so kataotao ko a kano amyop so rala ko a tao am macikaop sira jyaken. So ikanoyong ko na macirapa do onowned da.

Loma 8:11

No si myan jinyo o Seyzi na ni Ama ta do to a niomvyay si Yeso Kizisto am akman kamo sang a ipirwa na avyain ni Ama ta do to, do kowyat na jinyo no Seyzi na ni Ama ta do to.

Loma 8:9

No si italamozong na inyo no Seyzi am manoyong o kaji nyo na mangozayan do adan a onowned nyo. Ta o vazay no Seyzi o pangozayan nyo. O kabwan no Seyzi na ni Yeso Kizisto am ji macikaop ji Kizisto.

Loma 9:26

“Nipanci ko na jira no kakwa pa o kaji ko mapeyyanakan sira. Am ko na abneken sira sicyaikwaya anak ko, ta yaken rana am to ko meyyonong a mavyay a Tao do to.”

1 Kedinto 10:21

Marahet o keyyop nyo so rala ni Yeso a nyo keyyop so monganay ji Satan. Marahet o kakan nyo so kataotao ni Yeso a kakan nyo so monganay ji Satan.

1 Kedinto 6:19

Nyo jyatenngi o na keyyan jinyo no Seyzi na ni Ama ta do to a nitoro na jinyo? So ikabeken a inyo no kataotao nyo.

Ivoso 2:20

Ta nyo nimahap rana o nanao da no nipamnekan ni Yeso a omlivolivon no ciriciring na kano mangononong so ciriciring na ni Ama ta do to. So na ikamimin no nang a yapo ji Yeso Kizisto.

Ivoso 2:22

Am ori o nyo ipeyyangangay rana kano tao do Yotay a na rana yanan no Seyzi na ni Ama ta do to.

Ivoso 3:17

Ori o ipakateneng nyo ji Kizisto a manoyong rana a yamacikaop jinyo a yatomalamozong ninyo. Ko ipeynozi inyo a mapayamot so pangangarilawan na do onowned nyo.

1 Timotay 3:15

Am no si kahahay ko am cyaha, ta to ko na mancyan jinyo do teygami ko o iwawalam ta. Ta yaten rana amraralay ni Ama ta do to am akma tey asa ka vahay rana, do yana katketken jyaten ni Ama ta do to no ciriciring na no to meyyonong a mavyay a Tao do to.

2 Timotay 1:14

Am ori o peyhanhanan mo no isidong na jimo no Seyzi a yamyan jyaten a kapzat mo do manoyong a nanao na ni Ama ta do to a nitoro na jimo a ipeylimwang mo.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Sipolay 8:10

Maniring pa jira si Ama ta do to am, ‘Ipatnek ko sira o Isedi a tao so pangozayan da a ciring no makwa. Peydednahen ko o iwawalam ko do oo da kapangay ko sya do onowned da. Abneken da yaken a Tao do to da. Abneken ko sira akma koy anak.

Yake 4:5

Ji nyo akwan o kalas na no ciring do Seysyo a manci no kaji na mamyapyan nyaten no Seyzi amyan do onowned ta a mapatarek so iraralay ta.

1 Pite 2:5

Inyo rana a tao a na yanan no to meyyonong a ikavyay no pahad nyo am itoro nyo o kataotao nyo ji Ama ta do to. So icyakma nyoy vato a ipatnek na so panaralayan. So nyo icyakmey mapatanatanang so nakem ji Ama ta do to. Am o patanangen nyo am sarasaray nyo. So sarayan na nya jinyo ni Ama ta do to so akman sang a nakem nyo sya, ta kamo na macikaop ji Yeso Kizisto a na rana yanan no Seyzi.

1 Yowani 4:12

Abo tao a nimakacita si Ama ta do to. Am no si masicyakarilaw tamo am manoyong kapacikaop na jyaten ni Ama ta do to, do kanoyong ta na mapatwaw so pangangarilawan na.

1 Yowani 4:15

No amyan so tao a manci no kanoyong na ji Yeso a Anak na ni Ama ta do to am manoyong o akman sang a macikaop ji Ama ta do to. So icyakman na sang ni Ama ta do to a macikaop jya.

Ipaziman 2:1

Maniring jyaken si Yeso am, “Ipeyteygami mo o yamimong no kyokay do Ivoso. Si maniring ka am, ‘Yamaniring o yameypinan no wanan na so yapito a ka mata no hanit a yaomalam do avak no yapito a ka peyzeyzampwan a niparing da no ovay am:

Ipaziman 21:3

Makamizing ko so ciring a apo do lilisnan no panirsirngen. Maniring am, “Yamyan do karawan o vahay ni Ama ta do to a yamacivahay do tao do karawan. Sira rana am abneken na sira anak. So ipacitovong na jira ni Ama ta do to a Tao do to da.

Ipaziman 21:7

O ji nimablis so onowned a tao am ori o apya amyop sya. O icyakman na sang am abneken da yaken a Tao do to da a kabnek ko sira anak ko.