2 Kedinto 5:6 - Seysyo No Tao

⁶ Am ori an, yaten rana a meyhanhan ni Yeso Kizisto a tao am ji tamo a ratan no onowned no amyan so alalaw ta an. Ta tamo katenngan no mavyay pa o kataotao ta am marai pa o kapacikaop ta ji Yeso do teyngato.

2 Kedinto 5:6 ပူးပေါင်းရင်းမြစ်များ

2 Kedinto 5:1

Tamo katenngan o na kakmey vahay no kataotao ta do karawan eya a mababalinas. Am no makwa am ipanta na yaten so asa ka vayo a kataotao ta do teyngato ni Ama ta do to. Am beken a nyamaog no tao, ta nyamaog ni Ama ta do to. Am ori o to na meyyonongi.

2 Kedinto 5:8

So ikanoyong ta rana jyavokahaw a toda ji ngamaog so kataotao ta do karawan a mangay a macitovong ji Yeso a Panirsirngen ta.

Sipolay 10:35

Am ori o ji nyo ablisi no onowned. Ta no si akman kamo sang so onowned am mahap nyo o rako a nakem na jinyo ni Ama ta do to.

Sipolay 11:13

Sira rana ori am to da noiban do karawan o kapeyhanhan da ni Ama ta do to. Tana abo nimahap da do nipanci na ni Ama ta do to am da ji macimangsahi o da kapananala so akman sang a nakem na sira ni Ama ta do to. Da anoyngan o da kakmey mangilili a tao a yato ngiseysan do karawan.

Sipolay 13:14

Ta abo do karawan eya o to meyyonong a peyvahayan ta. Am ori o ta kalan so to meyyonong a angayan ta no makwa.

1 Pite 5:1

Inyo rana yakman jyaken a cyozo do kyokay am ko ipanci jinyo o kanimakacita ko si Yeso Kizisto a nipeyrarahet da kawakwak da sya. Ko ipanci jinyo o azwazway ta no makwa do teyngato.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.