2 Kedinto 5:5 - Seysyo No Tao

⁵ Ta isonong na yaten ni Ama ta do to a somazap so akman sang a yeyyak ta no mata. O yongkad no nang am Seyzi a na nitoro jyaten.

2 Kedinto 5:5 ပူးပေါင်းရင်းမြစ်များ

Loma 8:23

Beken a o nyamamaog na o akman sang. Ta yaten rana ya na yanan no Seyzi a tao a yongkad na no kapanta na nyaten ni Ama ta do to so to meyyonong a ikavyay no pahad ta am akman ta sang do onowned ta a macizizikna jya, a omapanala si Ama ta do to a mapanop jyaten a anak na a manta nyaten so ji rana wakwak a kataotao ta do teyngato.

2 Kedinto 1:22

So na nitorwan nya jyaten so Seyzi a omoyat do onowned ta. O Seyzi rana am tovil no kanoyong ta a monganay jya tao. Ta o Seyzi rana am akma ney yongkad no makakaday a omanam a itoro na jyaten ni Ama ta do to.

2 Kedinto 4:17

O yaji meyyonownay a alalaw namen eya am ipakahap namen so maharahara pa, a to meyyonong a azwazway namen ji Ama ta do to.

Ivoso 2:10

Si Ama ta do to o yata nikablis no onowned a yarana macikaop ji Yeso Kizisto. So na ikapya rana no vazay ta a mangonong do na peypalanginan nyaten ni Ama ta do to.

Ivoso 4:30

Ji nyo alavat o ikeyngen na no onowned no Seyzi na ni Ama ta do to a vazay. Ta o Seyzi am yongkad na jinyo ni Ama ta do to, do kavyay na jinyo no makwa.

1 Yowani 3:24

O tao a omonot do ciring na ni Ama ta do to am manoyong o akman sang a macikaop ji Ama ta do to. So icyakman na sang ni Ama ta do to a macikaop jya. O ta ipakateneng ji Ama ta do to a yamacikaop jyaten am Seyzi a yamacitovong jyaten.