2 Kedinto 5:19 - Seysyo No Tao

¹⁹ O yanamen ipeylimwang a ciriciring eya am na nipangozayan si Yeso ni Ama ta do to a yamapanop jyaten a tao do karawan. Na ji nita o raraten no tao. So na torwan nya jyamen so nanao na a meylimwang nya do tao a kanop da rana si Ama ta do to.

2 Kedinto 5:19 ပူးပေါင်းရင်းမြစ်များ

Matay 1:23

“Amyan so ji meylimoteng so onowned a mavakes a mangalavat so mahakay. O ngaran na am Imaneydi.” O peypeypangayan na am, “Macilovot jyaten si Ama ta do to.”

Yowani 14:20

No si marateng o araraw no nang am katenngan nyo o kapacikaop ko na ji Ama. So ikakman nyo sang a macikaop jyaken. Akman jyaken a yamacikaop jinyo.

Yowani 17:23

Ko macikaop jira. Yaka macikaop jyaken a da kakmey yasa rana. So ikanoyong da rana no tao do karawan a makateneng jimo a marilaw no omanoyong jimo a tao. Akman jyaken a yamo ikaglaw a kapakateneng da rana no tao do karawan do kanitomovoy mo jyaken do teyrahem.

Loma 11:15

Ta peymakarwan na sira o tao do Yotay a kahap na so beken a tao do Yotay. Am si ahapen na sira o tao do Yotay am jyabo kaji da narayan a makahap rana so to meyyonong a ikavyay no pahad da.

1 Kedinto 13:5

Ji mapeyvazay so malas a vazay. Jyararaten. Jyaoyaoyahen. Ji na peyyana do onowned na o karatan no tao.

Kelosi 2:9

Ta yamanoyong o nakem na ni Ama ta do to a yarana nimacimalag ji Kizisto.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Yowani 4:10

O pangangarilawan rana am beken a yaten marilaw ni Ama ta do to, ta si Ama ta do to am ori o marilaw nyaten. Ta iya o yapwan no meyngongyod a pangangarilawan. Am ori o nitovoyan na so Anak na mangay mawakwak no raraten ta.